Don't Miss!
- Sports CSK vs LSG IPL 2024: ಚೆನ್ನೈ vs ಲಕ್ನೋ ಹೈ-ವೋಲ್ಟೇಜ್ ಪಂದ್ಯದ ಟಾಸ್ ವರದಿ; ಆಡುವ 11ರ ಬಳಗ
- News Delhi Rain: ದೆಹಲಿಯಲ್ಲಿ ದಾರಾಕಾರ ಮಳೆ: ಬಿಸಿಲಿನ ಶಾಖದಿಂದ ಪರಿಹಾರ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Lifestyle ಮೊಬೈಲ್ ಬೇಡ..ಗ್ಯಾಜೆಟ್ ಬೇಡ..ಹಸ್ತದಿಂದ ಪೇಮೆಂಟ್ ಮಾಡಿ..! ಇದು ಟಿಜಿಟಲ್ ಕ್ರಾಂತಿ..!
- Automobiles Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಫಾಸ್ಟ್ ಆಂಡ್ ಫ್ಯೂರಿಯಸ್ 9' ಭಾರತದಲ್ಲಿ ಬಿಡುಗಡೆ ದಿನಾಂಕ ನಿಗದಿ: 'ಬ್ಲ್ಯಾಕ್ ವಿಡೊ' ಯಾವಾಗ?
ವಿಶ್ವದ ಜನಪ್ರಿಯ ಸಿನಿಮಾ ಸರಣಿಗಳಲ್ಲಿ ಒಂದಾಗಿರುವ 'ಫಾಸ್ಟ್ ಆಂಡ್ ಫ್ಯೂರಿಯಸ್'ನ ಸರಣಿಯ ಒಂಬತ್ತನೇ ಸಿನಿಮಾ ಭಾರತದಲ್ಲಿ ಬಿಡುಗಡೆ ಆಗಲು ದಿನಾಂಕ ನಿಗದಿಪಡಿಸಿಕೊಂಡಿದೆ.
'ಫಾಸ್ಟ್ ಆಂಡ್ ಫ್ಯೂರಿಯಸ್ 9' ಸಿನಿಮಾವು ಈಗಾಗಲೇ ಅಮೆರಿಕ, ಕೆನಡ ಸೇರಿದಂತೆ ಕೆಲವು ದೇಶಗಳಲ್ಲಿ ಬಿಡುಗಡೆ ಆಗಿ ಕೋಟ್ಯಂತರ ಹಣ ಗಳಿಸಿದೆ. ಆದರೆ ಭಾರತದಲ್ಲಿ ಚಿತ್ರಮಂದಿರಗಳು ತೆರೆದಿರದೇ ಇದ್ದ ಕಾರಣದಿಂದ ಇಲ್ಲಿ ಬಿಡುಗಡೆ ಆಗಿರಲಿಲ್ಲ.
ಇದೀಗ ಕೊರೊನಾ ಎರಡನೇ ಅಲೆ ಭಾರತದಲ್ಲಿ ನಿಧಾನಕ್ಕೆ ಇಳಿಕೆ ಆಗುತ್ತಿದ್ದು, ಚಿತ್ರಮಂದಿರಗಳು ಕೆಲವು ರಾಜ್ಯಗಳಲ್ಲಿ ತೆರೆಯುತ್ತಿವೆ. ಹಾಗಾಗಿ 'ಫಾಸ್ಟ್ ಆಂಡ್ ಫ್ಯೂರಿಯಸ್ 9'ನ ಭಾರತದ ವಿತರಕರು ಸಿನಿಮಾವನ್ನು ಬಿಡುಗಡೆ ಮಾಡಲು ಸಜ್ಜಾಗಿದ್ದಾರೆ. ಸಿನಿಮಾವು ಆಗಸ್ಟ್ 05 ರಂದು ಭಾರತದಾದ್ಯಂತ ಇಂಗ್ಲೀಷ್, ಹಿಂದಿ, ತೆಲುಗು, ತಮಿಳು ಹಾಗೂ ಕನ್ನಡ ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ.
ರೇಸಿಂಗ್ ಕಾರುಗಳೇ ಸಿನಿಮಾದ ಮುಖ್ಯ ಅಂಶ
ದರೋಡೆ, ಪೊಲೀಸ್, ಅಂತರಾಷ್ಟ್ರೀಯ ಭದ್ರತೆ, ತಂತ್ರಜ್ಞಾನ ಆಧಾರಿತ ಭಯೋತ್ಪಾದನೆ ಹಾಗೂ ಎಲ್ಲಕ್ಕಿಂತಲೂ ಮುಖ್ಯವಾಗಿ ರೇಸಿಂಗ್ ಕಾರುಗಳನ್ನು ಬಳಸಿಕೊಂಡು 'ಫಾಸ್ಟ್ ಆಂಡ್ ಫ್ಯೂರಿಯಸ್'ನ ಕತೆ ಹೆಣೆಯಲಾಗಿರುತ್ತದೆ. ಈ ವರೆಗೆ ಎಂಟು 'ಫಾಸ್ಟ್ ಆಂಡ್ ಫ್ಯೂರಿಯಸ್' ಸಿನಿಮಾಗಳು ಬಂದಿದ್ದು, ಈಗ ಒಂಬತ್ತನೇ ಸಿನಿಮಾ ಬಿಡುಗಡೆ ಆಗಿದೆ.
ಅದೇ ಪಾತ್ರಗಳನ್ನಿಟ್ಟುಕೊಂಡು ಸಿನಿಮಾ ಮಾಡಲಾಗುತ್ತದೆ
ಈವರೆಗಿನ ಎಲ್ಲ 'ಫಾಸ್ಟ್ ಆಂಡ್ ಫ್ಯೂರಿಯಸ್' (ಒಂದು ಸಿನಿಮಾ ಬಿಟ್ಟು) ವಿನ್ ಡೀಸೆಲ್ ನಾಯಕ. ಮೊದಲಿನಿಂದಲೂ ಅದೇ ಪಾತ್ರಗಳನ್ನು ಇಟ್ಟುಕೊಂಡು ಸಿನಿಮಾ ಮಾಡಲಾಗುತ್ತಿದೆ. ಭರ್ಜರಿ ಆಕ್ಷನ್ ಜೊತೆಗೆ ತುಸು ರೊಮಾನ್ಸ್ ಹಾಗೂ ಸೆಂಟಿಮೆಂಟ್ ಬೆರೆಸಿ ಹದವಾದ ಚಿತ್ರಕತೆ ಹೆಣೆದು ಈ ಸಿನಿಮಾಗಳನ್ನು ನಿರ್ಮಾಣ ಮಾಡಲಾಗಿರುತ್ತದೆ.
ಸ್ಕಾರ್ಲೆಟ್ ಜಾನ್ಸನ್ ನಟಿಸುವ ನತಾಶಾ ರೊಮನಾಫ್ ಪಾತ್ರ
ಮಾರ್ವೆಲ್ ಸ್ಟುಡಿಯೋಸ್ನ ನತಾಶಾ ರೊಮನಾಫ್ ಪಾತ್ರ ಆಧರಿಸಿದ ಸೋಲೊ ಸಿನಿಮಾ 'ಬ್ಲ್ಯಾಕ್ ವಿಡೊ' ಜುಲೈ 9 ಕ್ಕೆ ಬಿಡುಗಡೆ ಆಗಿದೆ. ಆದರೆ ಭಾರತದ ವೀಕ್ಷಕರಿಗೆ ಸಿನಿಮಾ ನೋಡುವ ಅವಕಾಶ ಸಿಕ್ಕಿಲ್ಲ. ವಿಶ್ವದ ಕೆಲವೆಡೆ ಚಿತ್ರಮಂದಿರಗಳಲ್ಲಿ, ಡಿಸ್ನಿ ಹಾಟ್ಸ್ಟಾರ್ನಲ್ಲಿ ಈ ಸಿನಿಮಾ ಬಿಡುಗಡೆ ಆಗಿದೆ. ಆದರೆ ಭಾರತದ ಡಿಸ್ನಿ ಹಾಟ್ಸ್ಟಾರ್ ಬಳಕೆದಾರರಿಗೆ ಈ ಸಿನಿಮಾ ದೊರೆತಿಲ್ಲ.
Recommended Video
ಅಕ್ಟೋಬರ್ 08ಕ್ಕೆ ಭಾರತದಲ್ಲಿ ಬಿಡಗುಡೆ
ಕೆಲವು ಕಾರಣಗಳಿಂದಾಗಿ 'ಬ್ಲ್ಯಾಕ್ ವಿಡೊ' ಸಿನಿಮಾವು ಅಕ್ಟೋಬರ್ 8 ರಂದು ಭಾರತದಲ್ಲಿ ಬಿಡುಗಡೆ ಆಗಲಿದೆಯಂತೆ ಅದೂ ಚಿತ್ರಮಂದಿರಗಳು ಮತ್ತು ಡಿಸ್ನಿ ಹಾಟ್ಸ್ಟಾರ್ ಒಟಿಟಿ ಎರಡರಲ್ಲೂ ಒಟ್ಟಿಗೆ ಈ ಸಿನಿಮಾ ಬಿಡಗುಡೆ ಆಗಲಿದೆ ಎನ್ನಲಾಗುತ್ತಿದೆ. 'ಅವೆಂಜರ್ಸ್', 'ಐರನ್ ಮ್ಯಾನ್' ಸರಣಿಗಳಲ್ಲಿ ಕಾಣಿಸಿಕೊಳ್ಳುವ ನತಾಶಾ ರೊಮನಾಫ್ ಅಥವಾ ಬ್ಲ್ಯಾಕ್ ವಿಡೊ ಪಾತ್ರದ ಮೊದಲ ಸೋಲೊ ಸಿನಿಮಾ ಇದಾಗಿದೆ.