ಪ್ರಿಯಾಂಕಾ ಛೋಪ್ರಾರನ್ನ ಮದುವೆ ಆಗುವಂತೆ ಕೋರಿದ್ದರು ಹಾಲಿವುಡ್ಡಿನ 'ಈ' ನಟ.!

ಪ್ರಿಯಾಂಕಾ ಕಂಡ್ರೆ ಜೆರಾರ್ಡ್ ಬಟ್ಲರ್ ಗೆ ಇಷ್ಟ

ಬಾಲಿವುಡ್ ನಟಿ ಪ್ರಿಯಾಂಕಾ ಛೋಪ್ರಾ ಅಂದ್ರೆ ಹಾಲಿವುಡ್ ನಟ ಜೆರಾರ್ಡ್ ಬಟ್ಲರ್ ಗೆ ಇಷ್ಟ. ಈ ವಿಷಯ ಅರಿತಿದ್ದ ಪ್ರಿಯಾಂಕಾ ಛೋಪ್ರಾ, 2009 ರಲ್ಲಿ ಜೆರಾರ್ಡ್ ಬಟ್ಲರ್ ಗಾಗಿ ಒಂದು ಪಾರ್ಟಿಯನ್ನ ಆಯೋಜಿಸಿದ್ದರು.

ಮದುವೆ ಆಗುವೆಯಾ.?

ಪ್ರಿಯಾಂಕಾ ಛೋಪ್ರಾ ಸೌಂದರ್ಯಕ್ಕೆ ಮರುಳಾಗಿದ್ದ ಜೆರಾರ್ಡ್ ಬಟ್ಲರ್, ಆ ಪಾರ್ಟಿಯಲ್ಲಿ ಪ್ರತಿ ಅರ್ಧಗಂಟೆಗೊಮ್ಮೆ ''ನನ್ನ ಮದುವೆ ಆಗುವೆಯಾ.?'' ಎಂದು ಪ್ರಿಯಾಂಕಾ ಬಳಿ ಪ್ರಪೋಸ್ ಮಾಡುತ್ತಿದ್ದರಂತೆ.

ನಕ್ಕು ರಿಜೆಕ್ಟ್ ಮಾಡಿದ್ದ ಪ್ರಿಯಾಂಕಾ

''ನನ್ನ ಮದುವೆ ಆಗುವೆಯಾ.?'' ಜೆರಾರ್ಡ್ ಪ್ರಪೋಸ್ ಮಾಡಿದಾಗೆಲ್ಲ, ಜೋರಾಗಿ ನಕ್ಕು ರಿಜೆಕ್ಟ್ ಮಾಡಿದ್ದರಂತೆ ನಟಿ ಪ್ರಿಯಾಂಕಾ ಛೋಪ್ರಾ. ಬಹುಶಃ ಮಿಸಸ್ ಬಟ್ಲರ್ ಆಗುವ ಇಚ್ಛೆ ಅವರಿಗೆ ಇರಲಿಲ್ಲವೇನೋ.!

ಪ್ರಿಯಾಂಕಾಗಾಗಿ ಕಾಯುತ್ತಿರುವೆ ಎಂದಿದ್ದ ಜೆರಾರ್ಡ್

''ನಾನಿನ್ನೂ ಒಂಟಿಯಾಗಿ ಇದ್ದೇನೆ. ಯಾಕಂದ್ರೆ, ನಾನು ಪ್ರಿಯಾಂಕಾಗಾಗಿ ಕಾಯುತ್ತಿರುವೆ'' ಎಂದು ಸಂದರ್ಶನವೊಂದರಲ್ಲಿ ಜೆರಾರ್ಡ್ ಜೋಕ್ ಕೂಡ ಮಾಡಿದ್ದರು. ಇಷ್ಟೆಲ್ಲ ಆಗಿದ್ದರೂ, ಪ್ರಿಯಾಂಕಾ ಮನಸ್ಸು ಜೆರಾರ್ಡ್ ಕಡೆ ವಾಲಲಿಲ್ಲ. ಇದೀಗ ಪ್ರಿಯಾಂಕಾ ಹೆಸರು ನಿಕಾ ಜೋನಾಸ್ ಜೊತೆಗೆ ತಳುಕು ಹಾಕಿಕೊಂಡಿದೆ. ಅದು ನಿಜವೋ, ಇಲ್ಲ ಜಸ್ಟ್ ಗಾಸಿಪ್ಪೋ.. ಅವರೇ ಸ್ಪಷ್ಟನೆ ಕೊಡಬೇಕು.