Don't Miss!
- Lifestyle 5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ
- News ಬೆಂಗಳೂರಿನ ಜನತೆಗೆ ಬಾಂಬು..ಮತಾಂಧರಿಗೆ ಕೊಂಬು: ಚೊಂಬು ಜಾಹೀರಾತಿಗೆ ಆರ್.ಅಶೋಕ್ ಗುಡುಗು
- Technology oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್!
- Automobiles Bangaluru: ನಮ್ಮ ಯಾತ್ರಿ ಕ್ಯಾಬ್ ಸೇವೆ ಆರಂಭ.. ಎಷ್ಟಿದೆ ದರ?
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇನ್ನು ಮುಂದೆ ಇನ್ಸ್ಟಾಗ್ರಾಂ ನೋಡಲು ಹಣ ತೆರಬೇಕು!
ಸಾಮಾಜಿಕ ಜಾಲತಾಣಗಳು ಅತ್ಯಂತ ಪ್ರಭಾವಿಯಾಗಿರುವ ಕಾಲವಿದು. ರಾಜಕೀಯ ರಂಗ, ಮನೊರಂಜನಾ ಉದ್ಯಮ ಇತರೆ ಉದ್ಯಮಗಳು ಜನರನ್ನು ತಲುಪಲು, ಜನರ ಆಲೋಚನೆಗಳನ್ನು ಬದಲಿಸಲು ಸಾಮಾಜಿಕ ಜಾಲತಾಣವನ್ನು ತೀವ್ರವಾಗಿ ಬಳಸುತ್ತಿವೆ.
ಫೇಸ್ಬುಕ್, ಇನ್ಸ್ಟಾಗ್ರಾಂ, ಟ್ವಿಟ್ಟರ್, ಯೂಟ್ಯೂಬ್, ವಾಟ್ಸ್ಆಪ್ ಸಾಮಾಜಿಕ ಜಾಲತಾಣಗಳ ಪಟ್ಟಿಯಲ್ಲಿ ಮೊದಲಿಗೆ ನಿಲ್ಲುವಂಥಹವು. ಇವುಗಳಲ್ಲಿ ಇನ್ಸ್ಟಾಗ್ರಾಂ ತುಸು ಭಿನ್ನವಾಗಿ ನಿಲ್ಲುತ್ತದೆ. ಫೋಟೊ, ವಿಡಿಯೋ ಹಂಚಿಕೆಯ ಈ ವೇದಿಕೆ ಸೆಲೆಬ್ರಿಟಿಗಳ ಮೆಚ್ಚಿನ ಜಾಲತಾಣ.
ಇನ್ಸ್ಟಾಗ್ರಾಂನಲ್ಲಿ ಫೋಟೊ, ವಿಡಿಯೋ, ರೀಲ್ಗಳನ್ನು ನೋಡಲು ಬಳಕೆದಾರ ಯಾವುದೇ ಹಣ ಪಾವತಿ ಮಾಡುವಂತಿಲ್ಲ. ಆದರೆ ಇನ್ನು ಮುಂದೆ ಇನ್ಸ್ಟಾಗ್ರಾಂನ ಎಲ್ಲ ಕಂಟೆಂಟ್ ಉಚಿತವಾಗಿರುವುದಿಲ್ಲ, ಹಣ ತೆತ್ತು ಕಂಟೆಂಟ್ ನೋಡಬೇಕಾಗುತ್ತದೆ.
ಇನ್ಸ್ಟಾಗ್ರಾಂ ಹೊಸದಾಗಿ ಮೂರು ಸಬ್ಸ್ಕ್ರೈಬರ್ (ಚಂದಾದಾರ) ಮಾದರಿಗಳನ್ನು ಪರಿಚಯಿಸುತ್ತಿದೆ. ಸಬ್ಸ್ಕ್ರೈಬರ್ ಲೈವ್, ಸಬ್ಸ್ಕ್ರೈಬರ್ ಸ್ಟೋರಿಸ್, ಸಬ್ಸ್ಕ್ರೈಬರ್ ಬ್ಯಾಡ್ಜಸ್ ಎಂಬ ಮೂರು ಮಾದರಿಗಳನ್ನು ಪರಿಚಯಿಸಲಾಗುತ್ತಿದ್ದು, ಹಣ ತೆತ್ತು ಚಂದಾದಾರರಾದವರಷ್ಟೆ ಈ ಮೂರೂ ವಿಭಾಗದಲ್ಲಿ ಹಂಚಿಕೊಳ್ಳಲಾಗುವ ಕಂಟೆಂಟ್ (ವಿಡಿಯೋ, ಫೋಟೊ, ಲೈವ್) ಗಳನ್ನು ನೋಡಲು ಅರ್ಹರಾಗಿರುತ್ತಾರೆ.
ಈ ಬಗ್ಗೆ ಮಾಹಿತಿ ನೀಡಿರುವ ಇನ್ಸ್ಟಾಗ್ರಾಂ ಸಿಇಓ ಆಡಮ್ ಮೊಸ್ಸೇರಿ, ''ಸಬ್ಸ್ಕ್ರೈಬರ್ ಯೋಜನೆ ಮೂಲಕ ಖಾತೆದಾರರು, ಅಥವಾ ಕಂಟೆಂಟ್ ಕ್ರಿಯೇಟರ್ಗಳು ತಮ್ಮ ನಂಬುಗೆಯ ಚಂದಾದಾರರು ಅಥವಾ ಫಾಲೋವರ್ಗಳ ಜೊತೆಗೆ ಇನ್ನಷ್ಟು ಆತ್ಮೀಯ ಸಂಪರ್ಕವನ್ನು ಹೊಂದಲು ಸಾಧ್ಯ. ಜೊತೆಗೆ ಕಂಟೆಂಟ್ ಕ್ರಿಯೇಟರ್ಗಳು ತಮ್ಮ ಮಾಸಿಕ ಆದಾಯವನ್ನು ಗಣನೀಯವಾಗಿ ಹೆಚ್ಚಿಸಿಕೊಳ್ಳಲು ಇದು ನೆರವಾಗಲಿದೆ'' ಎಂದಿದ್ದಾರೆ.
ಪ್ರಸ್ತುತ ಇನ್ಸ್ಟಾಗ್ರಾಂ ಮೂಲಕ ಕಂಟೆಂಟ್ ಕ್ರಿಯೇಟರ್ಗಳು ದೊಡ್ಡ ಮೊತ್ತಸ ಸಂಭಾವನೆ ಗಳಿಸಲು ಸಾಧ್ಯವಾಗುತ್ತಿಲ್ಲ. ಇನ್ಸ್ಟಾಗ್ರಾಂನ 'ಮಾನಿಟೈಜೇಶನ್' ಯೂಟ್ಯೂಬ್ಗೆ ಹೋಲಿಸಿದರೆ ಬಹಳ ಭಿನ್ನವಾಗಿದೆ. ಈಗ ಇನ್ಸ್ಟಾಗ್ರಾಂ ಕಂಟೆಂಟ್ ಕ್ರಿಯೇಟರ್ಗಳು ವಿಶೇಷವಾಗಿ ಸಣ್ಣ ಪ್ರಮಾಣದ ಜನಪ್ರಿಯತೆ ಹೊಂದಿರುವ ಇನ್ಸ್ಟಾಗ್ರಾಂ ಕಂಟೆಂಟ್ ಕ್ರಿಯೇಟರ್ಗಳು ಬ್ರ್ಯಾಂಡ್ ಕೊಲ್ಯಾಬರೇಶನ್ (ಖಾಸಗಿ ಜಾಹೀರಾತು) ಮೂಲಕವಷ್ಟೆ ಆದಾಯ ಗಳಿಸುತ್ತಿದ್ದಾರೆ. ಆದರೆ ಸಬ್ಸ್ಕ್ರಿಪ್ಷನ್ ಯೋಜನೆ ಆರಂಭವಾದರೆ ಸಣ್ಣ ಕಂಟೆಂಟ್ ಕ್ರಿಯೇಟರ್ಗಳು ಸಹ ಅವರ ಪ್ರತಿಭೆಯ ಅನುಸಾರವಾಗಿ ಹಣ ಮಾಡಬಹುದಾಗಿರುತ್ತದೆ.
''ಹಲವು ಕಂಟೆಂಟ್ ಕ್ರಿಯೇಟರ್ಗಳು ಕ್ರಿಯಾಶೀಲ ಕಾರ್ಯವನ್ನು ಇನ್ಸ್ಟಾಗ್ರಾಂನಲ್ಲಿ ಮಾಡುತ್ತಿದ್ದಾರೆ. ಅಂಥಹವರಿಗೆ ಸಹಾಯ ಮಾಡುವ ಮನಸ್ಸು ಇನ್ಸ್ಟಾಗ್ರಾಂ ಬಳಕೆದಾರರಿಗೆ ಅಥವಾ ಫಾಲೋವರ್ಗಳಿಗೆ ಇದೆ. ಆದರೆ ಹೇಗೆ ಸಹಾಯ ಮಾಡಬಹುದು ಎಂಬುದು ಗೊತ್ತಿಲ್ಲ ಆದರೆ ಇದೀಗ ಸಬ್ಸ್ಕ್ರಿಪ್ಷನ್ ಯೋಜನೆ ಬಂದರೆ ಅಂಥಹವರಿಗೆ ಫಾಲೋವರ್ಗಳು ನೇರವಾಗಿ ಸಹಾಯ ಮಾಡಬಹುದಾಗಿರುತ್ತದೆ'' ಎಂದಿದ್ದಾರೆ ಇನ್ಸ್ಟಾಗ್ರಾಂ ಕಂಟೆಂಟ್ ಕ್ರಿಯೇಟರ್ ನಿಯಾತಿ. 'ಲೆಟ್ಸ್ ಮೇಕ್ ಯು ರಿಚ್' ಹೆಸರಿನ ಪೇಜ್ ಹೊಂದಿದ್ದಾರೆ ಅವರು.
ಯೂಟ್ಯೂಬ್ನಲ್ಲಿ ಈಗಾಗಲೇ ಈ ಯೋಜನೆ ಚಾಲ್ತಿಯಲ್ಲಿದೆ. ಯೂಟ್ಯೂಬ್ನಲ್ಲಿ ಸಬ್ಸ್ಕ್ರಿಪ್ಷನ್, ಶುಲ್ಕ ಪಾವತಿಸಿ ಚಂದಾದಾರರಾಗುವುದು ಎರಡೂ ಮಾದರಿಯ ಯೋಜನೆ ಚಾಲ್ತಿಯಲ್ಲಿದೆ. ಶುಲ್ಕ ಪಾವತಿಸಿ ಚಂದಾದಾರರಾದವರಿಗೆ ಕಂಟೆಂಟ್ ಕ್ರಿಯೇಟರ್ಗಳು ಪ್ರತ್ಯೇಕ ವಿಡಿಯೋಗಳನ್ನು ವೀಕ್ಷಿಸಲು ನೀಡುತ್ತಾರೆ. ಶುಲ್ಕ ಪಾವತಿಸಿದವರಿಗಾಗಿ ವೀಶೇಷ ಲೈವ್ಗಳು, ವಿಶೇಷ ವಿಡಿಯೋಗಳನ್ನು ಪ್ರಕಟಿಸುತ್ತಾರೆ. ಇದರಿಂದ ಸಾಕಷ್ಟು ಹಣವನ್ನು ಯೂಟ್ಯೂಬ್ ಕಂಟೆಂಟ್ ಕ್ರಿಯೇಟರ್ಗಳು ಗಳಿಸುತ್ತಿದ್ದಾರೆ.