'ಜೋಕರ್' ಜೋಕ್ವಿನ್ ಫೀನಿಕ್ಸ್ ಬಗ್ಗೆ ಕುತೂಹಲಕಾರಿ ಸಂಗತಿಗಳು

ಜೋಕ್ವಿನ್ ಫೀನಿಕ್ಸ್ 'ಜೋಕರ್' ಆಗಿ ಬದಲಾಗಿದ್ದು ಹೇಗೆ?

'ಜೋಕರ್' ಪಾತ್ರ ಮಾಡಲು ಹೊರಟ ಜೋಕ್ವಿನ್ ಫೀನಿಕ್ಸ್ ಈ ಹಿಂದೆ ಬಂದ ಜೋಕರ್ ಪಾತ್ರಗಳಿಗಿಂತ ಕೊಂಚ ಬಿನ್ನವಾಗಿ ಅದನು ನಿರ್ವಹಿಸಲು ತೀರ್ಮಾನ ಮಾಡಿದರು. ಪಾತ್ರಕ್ಕಾಗಿ ಬರೋಬ್ಬರಿ 23 ಕೆಜಿ ತೂಕ ಕಡಿಮೆ ಮಾಡಿಕೊಂಡರು. ಪರಿಣಾಮ ದಪ್ಪಗಿದ್ದ ಜೋಕ್ವಿನ್ ಫೀನಿಕ್ಸ್ ಮೂಳೆ ಕಾಣುವ ಹಾಗೆ ದೈಹಿಕವಾಗಿ ಬದಲಾದರು. ತೂಕ ಇಳಿಕೆ ಬರೀ ದೈಹಿಕವಾಗಿ ಮಾತ್ರವಲ್ಲದೆ, ಮಾನಸಿಕವಾಗಿಯೂ ಅವರ ಮೇಲೆ ಪರಿಣಾಮ ಬೀರಿತು.

'ಜೋಕರ್' ನಗುವಿಗಾಗಿಯೇ ದೊಡ್ಡ ತಯಾರಿ

'ಜೋಕರ್' ಪಾತ್ರದ ಮ್ಯಾನರಿಸಂ ಡಿಫರೆಂಟ್ ಆಗಿದೆ. ಅದರಲ್ಲಿಯೂ ಜೋಕರ್ ನಗು ಬೇರೆಯದ್ದೇ ಶೈಲಿಯಲ್ಲಿ ಇದೆ. ಆ ನಗುವಿನ ಸದ್ದು ಮುಂದೆ ಇದ್ದವರಿಗೆ ಕಿರಿ ಕಿರಿ ಅನಿಸುತ್ತದೆ. ಆ ರೀತಿಯ ನಗು ಬರಬೇಕು ಎಂದು ಜೋಕ್ವಿನ್ ಫೀನಿಕ್ಸ್ ಸಾಕಷ್ಟು ತಯಾರಿ ಮಾಡಿಕೊಂಡಿದ್ದರು. 1928ರಲ್ಲಿ ಬಂದ 'ದಿ ಮ್ಯಾನ್ ಹೂ ಲಾಫ್' ಮೂಕಿ ಸಿನಿಮಾದ ನಗುವನ್ನು ಹೆಚ್ಚು ಹೆಚ್ಚು ನೋಡುತ್ತಿದ್ದರು. ಒಂದು ಪಾತ್ರದ ನಗುವಿಗಾಗಿಯೇ ಸಾಕಷ್ಟು ದಿನಗಳ ಕಾಲ ತಯಾರಿ ಮಾಡಿಕೊಂಡಿದ್ದರು.

ಬಾಂಡ್ ಸರಣಿಗೆ ಇನ್ಮುಂದೆ ಹುಡುಗಿಯರೆ ಹೀರೋ ಆಗಲಿ: ಪಿಯರ್ಸ್ ಬ್ರಾನ್ಸನ್

ಕಾರ್ ಬಂದು ಡಿಕ್ಕಿ ಹೊಡೆದರು ಪಾತ್ರದಿಂದ ಆಚೆ ಬರಲಿಲ್ಲ

ಸಿನಿಮಾ ಹಾಗೂ ತನ್ನ ಪಾತ್ರಕ್ಕಾಗಿ ಏನನ್ನು ಬೇಕಾದರೂ ಮಾಡುವ ನಟ ಜೋಕ್ವಿನ್ ಫೀನಿಕ್ಸ್. ತೆರೆ ಮೇಲೆ ಅವರ ಪಾತ್ರ ಅಷ್ಟೊಂದು ಪರಿಣಾಮಕಾರಿಯಾಗಿ ಬರಲು ಅದೇ ಕಾರಣವಂತೆ. 'ಜೋಕರ್ ಚಿತ್ರೀಕರಣ ವೇಳೆ ಕಾರ್ ಬಂದು ನಿಜವಾಗಿಯೂ ಡಿಕ್ಕಿ ಹೊಡೆದರು ಅವರು ತಮ್ಮ ಪಾತ್ರದಿಂದ ಆಚೆ ಬರದೆ, ನಟನೆ ಮುಂದುವರೆಸಿದ್ದಾರೆ. ಇನ್ನು ಪ್ರತಿ ಸಿನಿಮಾವನ್ನು ತನ್ನ ಮೊದಲ ಸಿನಿಮಾ ಎಂದು ಫೀನಿಕ್ಸ್ ಭಾವಿಸುತ್ತಾರಂತೆ. ಪ್ರತಿ ಸಿನಿಮಾ ಸೆಟ್ ಗೆ ಹೋದಾಗ ಭಯ ಆಗುತ್ತದೆಯಂತೆ.

ಹಾಲಿವುಡ್ ಚಿತ್ರದ ಪೋಸ್ಟರ್ ಗೆ ಹೋಲುತ್ತಿದೆ 'ಬುದ್ದಿವಂತ 2' ಪೋಸ್ಟರ್

ತನ್ನ ಸಿನಿಮಾವನ್ನು ತಾನೇ ನೋಡುವುದಿಲ್ಲ

ಅನೇಕ ನಟರು ತಮ್ಮ ಸಿನಿಮಾವನ್ನು ನೋಡಿ ಮಾಡಿರುವ ಕೆಲಸ ಕಂಡು ಖುಷಿ ಪಡುತ್ತಾರೆ. ಇನ್ನು ಕೆಲವರು ಅಭಿಮಾನಿಗಳ, ಕುಟುಂಬದವರ ಜೊತೆಗೆ ಸಿನಿಮಾ ನೋಡುತ್ತಾರೆ. ಆದರೆ, ನಟ ಜೋಕ್ವಿನ್ ಫೀನಿಕ್ಸ್ ತಾವು ನಟಿಸಿದ ಸಿನಿಮಾವನ್ನು ನೋಡುವುದಿಲ್ಲವಂತೆ. ಇದುವರೆಗೆ ತಮ್ಮ ಎರಡ್ಮೂರು ಸಿನಿಮಾಗಳನ್ನು ಮಾತ್ರ ಫೀನಿಕ್ಸ್ ನೋಡಿದ್ದಾರಂತೆ. ತಮ್ಮ ಸಿನಿಮಾ ನೋಡಿದರೆ, ಮುಂದಿನ ಚಿತ್ರದ ಮೇಲೆ ಪರಿಣಾಮ ಬೀರುತ್ತದೆ ಎನ್ನುವುದು ಫೀನಿಕ್ಸ್ ಅಭಿಪ್ರಾಯ.

ಫೀನಿಕ್ಸ್ ಬಗ್ಗೆ ಇತರ ಸಂಗತಿಗಳು

* ಜೋಕ್ವಿನ್ ಫೀನಿಕ್ಸ್ ಟೆಲಿವಿಷನ್ ಮೂಲಕ 11ನೇ ವಯಸ್ಸಿನಲ್ಲಿ ಬಾಲ ನಟನಾಗಿ ನಟನೆ ಶುರು ಮಾಡಿದ್ದರು.

* ಫೀನಿಕ್ಸ್ ಸಸ್ಯಹಾರಿ. ತನ್ನ ಮೂರನೇ ವಯಸ್ಸಿಗೆ ಮಾಂಸ ತಿನ್ನಬಾರದು ಎಂದು ನಿರ್ಧಾರ ಮಾಡಿದ್ದ ಫೀನಿಕ್ಸ್ ಇದುವರೆಗೆ ಮುಟ್ಟಿಲ್ಲ.

* ಗಿಟಾರ್ ಬಾರಿಸುವುದು ಫೀನಿಕ್ಸ್ ಗೆ ಬಹಳ ಇಷ್ಟ. ಚಿತ್ರೀಕರಣದ ವೇಳೆ ಗಿಟಾರ್ ಬಾರಿಸುವ ಮೂಲಕ ತಮ್ಮ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳುತ್ತಾರೆ.

* ಜೋಕ್ವಿನ್ ಫೀನಿಕ್ಸ್ ಮೂಗಿನ ಕೆಳಗೆ, ತುಂಟಿಯ ಮೇಲೆ ಒಂದು ಸೀಳು ಗೆರೆ ಕಾಣುತ್ತದೆ. ಅದನ್ನು ನೋಡಿದರೆ, ಅಪಘಾತದಲ್ಲಿ ಆದ ಆಗಿದೆ. ಆದರೆ, ಅದು ಹುಟ್ಟಿದಿಂದ ಬಂದಿದೆಯಂತೆ.