ಆಸ್ಕರ್ ಪ್ರಶಸ್ತಿ ವಿನ್ಯಾಸದ ಬಗ್ಗೆ ನೀವು ತಿಳಿಯಲೇ ಬೇಕಾದ ವಿಷಯಗಳು

34 CM ಉದ್ದ, 3.85 ಕೆಜಿ ತೂಕ

ಆಸ್ಕರ್ ಪ್ರಶಸ್ತಿ 34 CM ಉದ್ದ ಹಾಗೂ 13.34 CM ಅಗಲ ಇದೆ. ಪ್ರಶಸ್ತಿ ತೂಕ 3.85 ಕೆಜಿ ಇದೆ. ಪ್ರತಿ ವರ್ಷ ಸುಮಾರು 50 ಆಸ್ಕರ್ ಪ್ರಶಸ್ತಿಯನ್ನು ನೀಡಲಾಗುವುದು, ಆ 50 ಪ್ರಶಸ್ತಿಗಳನ್ನು ವಿನ್ಯಾಸ ಮಾಡಲು ಮಾಡಲು ಮೂರ್ನಾಲ್ಕು ತಿಂಗಳು ಸಮಯ ತೆಗೆದುಕೊಳ್ಳಲಾಗುತ್ತದೆ. ಆಸ್ಕರ್ ಪ್ರಶಸ್ತಿಯನ್ನು ಕಂಚಿನ ಲೋಹದಿಂದ ತಯಾರು ಮಾಡಿದ್ದು, ಚಿನ್ನದ ಲೇಪನ ಇರುತ್ತದೆ.

ಈವರೆಗೂ 1178 ಸಿನಿಮಾಗಳಿಗೆ ಆಸ್ಕರ್

ಈವರೆಗೂ 1178 ಸಿನಿಮಾಗಳಿಗೆ ಮಾತ್ರ ಆಸ್ಕರ್ ಪ್ರಶಸ್ತಿ ದೊರೆತಿದೆ. ಮೊದಲು ಐದು ವಿಭಾಗವನ್ನು ಪ್ರಮುಖವಾಗಿ ಇಟ್ಟುಕೊಂಡು ಈ ಪ್ರಶಸ್ತಿಯನ್ನು ವಿನ್ಯಾಸ ಮಾಡಲಾಗಿತ್ತು. ಪ್ರಶಸ್ತಿಯ ಮೇಲೆ ಐದು ವೃತ್ತಗಳು ಇದ್ದು, ಕಲಾವಿದರು, ನಿರ್ದೇಶಕರು, ನಿರ್ಮಾಪಕರು, ಬರೆಹಗಾರರು ಹಾಗೂ ತಂತ್ರಜ್ಞರನ್ನ ಈ ವೃತ್ತಗಳು ಪ್ರತಿನಿಧಿಸುತ್ತವೆ.

3096 ಆಸ್ಕರ್ ಪ್ರಶಸ್ತಿ ನೀಡಲಾಗಿದೆ

ಇಲ್ಲಿಯವರೆಗೆ 3096 ಆಸ್ಕರ್ ಪ್ರಶಸ್ತಿಗಳನ್ನು ಪ್ರಧಾನ ಮಾಡಲಾಗಿದೆ. ದಿ ಅಕಾಡಮಿ ಆಫ್ ಮೋಷನ್ ಪಿಚ್ಚರ್ ಆರ್ಟ್ ಅಂಡ್ ಸೈನ್ಸ್ ಸದಸ್ಯರು ಮತ ಹಾಕುವ ಮೂಲಕ ಎಲ್ಲ ವಿಭಾಗದ ವಿಜೇತರನ್ನು ಆಯ್ಕೆ ಮಾಡುತ್ತಾರೆ. ಸದ್ಯ 8469 ಅಕಾಡಮಿ ಸದಸ್ಯರನ್ನು ಹೊಂದಿದೆ. ಈ ವರ್ಷ 59 ದೇಶದ ಸದಸ್ಯರನ್ನು ಆಸ್ಕರ್ ಆಯ್ಕೆ ಪ್ರಕ್ರಿಯೆಗಾಗಿ ಆಹ್ವಾನ ಮಾಡಲಾಗಿತ್ತು

8 ದಿನ, 16 ಗಂಟೆ, 52 ನಿಮಿಷ

ಈವರೆಗೆ ಆಸ್ಕರ್ ನಲ್ಲಿ ಅತ್ಯುತ್ತಮ ಸಿನಿಮಾ ಆಗಿರುವ ಚಿತ್ರಗಳನ್ನು ನೋಡಲು 8 ದಿನ ಬೇಕಾಗುತ್ತದೆ. ಒಂದು ನಿಮಿಷವೂ ಬ್ರೇಕ್ ಇಲ್ಲದೆ ಎಲ್ಲ ಸಿನಿಮಾ ನೋಡಬೇಕು ಎಂದು ನಿರ್ಧಾರ ಮಾಡಿದರೆ ಸರಿಯಾಗಿ 8 ದಿನ 16 ಗಂಟೆ 52 ನಿಮಿಷ ಆಗುತ್ತದೆ. ಅಂದಹಾಗೆ, ಈವರೆಗೆ ಆಸ್ಕರ್ ಬೆಸ್ಟ್ ಸಿನಿಮಾ ಆಗಿರುವ ಎಲ್ಲ ಸಿನಿಮಾಗಳ ಒಟ್ಟು ಬಜೆಟ್ ಸುಮಾರು 26851 ಕೋಟಿಯಾಗಿದೆ.