Don't Miss!
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- News ಅಮಿತ್ ಶಾ ಓರ್ವ ಗೂಂಡಾ, ರೌಡಿ.! ಯತೀಂದ್ರ ಸಿದ್ದರಾಮಯ್ಯ ತೀವ್ರ ವಾಗ್ದಾಳಿ
- Automobiles Hyundai Creta: ಜನಪ್ರಿಯ ಹ್ಯುಂಡೈ ಕ್ರೆಟಾ ಕಾರನ್ನು ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು? EMI ಏನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜಾಕಿ ಚಾನ್ ತಮ್ಮ ಮಗನಿಗೆ ಸಾವಿರಾರು ಕೋಟಿ ಆಸ್ತಿಯನ್ನು ಕೊಡುತ್ತಿಲ್ಲವೇಕೆ?
ವಿಶ್ವದಾದ್ಯಂತ ಅಭಿಮಾನಿಗಳನ್ನು ಹೊಂದಿರುವ ಸ್ಟಾರ್ ನಟ ಜಾಕಿ ಚಾನ್. 2016 ರಲ್ಲಿ ಬಿಡುಗಡೆ ಆಗಿದ್ದ ಫೋರ್ಬ್ಸ್ ಪಟ್ಟಿಯ ಪ್ರಕಾರ ಅತಿ ಹೆಚ್ಚು ಸಂಭಾವನೆ ಪಡೆವ ವಿಶ್ವದ ಎರಡನೇ ನಟ ಎನಿಸಿಕೊಂಡಿದ್ದರು ಜಾಕಿ.
Recommended Video
ಜಾಕಿ ಒಟ್ಟು ಆಸ್ತಿ ಮೌಲ್ಯ ಅಂದಾಜು 3000 ಕೋಟಿಗೂ ಹೆಚ್ಚು. ಇಷ್ಟೊಂದು ಆಸ್ತಿ ಹೊಂದಿರುವ ಜಾಕಿ ಸರಳವಾದ ಜೀವನವನ್ನು ಇಷ್ಟಪಡುತ್ತಿದ್ದವರು. ಹೆಚ್ಚು ಐಶಾರಾಮಿತನವನ್ನು ಇಷ್ಟ ಪಡದಿದ್ದ ಜಾಕಿ ತಮ್ಮ ಬಟ್ಟೆ ತಾವೇ ಒಗೆದುಕೊಳ್ಳುವ ಅಭ್ಯಾಸ ಇಟ್ಟುಕೊಂಡಿದ್ದರು. ಈ ಬಗ್ಗೆ ಸಂದರ್ಶನಗಳಲ್ಲಿಯೂ ಅವರು ಹೇಳಿಕೊಂಡಿದ್ದರು.
ಹಣದ ಮೇಲೆ ಹೆಚ್ಚಿನ ವ್ಯಾಮೋಹ ಹೊಂದಿರದ ಜಾಕಿ ಚಾನ್ ತಮ್ಮ ಸಾವಿರಾರು ಕೋಟಿ ಆಸ್ತಿಯನ್ನು ತಮ್ಮ ಮಗ ಜಾಯ್ಸಿ ಚಾನ್ಗೆ ಕೊಡುತ್ತಿಲ್ಲ. ಹೌದು, ಜಾಕಿ ತಮ್ಮ ಆಸ್ತಿಯನ್ನು ಅನಾಥಾಶ್ರಮಗಳಿಗೆ ಹಾಗೂ ಇನ್ನಿತರೆ ಸಾಮಾಜಿಕ ಕಾರ್ಯ ಮಾಡುವ ಸಂಸ್ಥೆಗಳಿಗೆ ದಾನವಾಗಿ ನೀಡುತ್ತಿದ್ದಾರೆ. ಇದಕ್ಕೆ ಕಾರಣವನ್ನು ನೀಡಿದ್ದಾರೆ ಜಾಕಿ.
ತಾವು ತಮ್ಮ ಆಸ್ತಿಯನ್ನು ದಾನ ನೀಡುವ ಬಗ್ಗೆ ಕೆಲ ವರ್ಷಗಳ ಹಿಂದೆಯೇ ಹೇಳಿದ್ದರು. ಈಗ ಮತ್ತೆ ಇದೇ ಮಾತನ್ನು ಹೇಳಿದ್ದಾರೆ. 'ನನ್ನ ಮಗ ಉತ್ತಮನಾಗಿದ್ದರೆ ಅವನ ಹಣವನ್ನು ಅವನೇ ದುಡಿದುಕೊಳ್ಳುತ್ತಾನೆ. ಒಂದು ವೇಳೆ ಅಪ್ರಯೋಜಕನಾಗಿದ್ದರೆ ನನ್ನ ಕಷ್ಟದ ದುಡಿಮೆಯನ್ನು ಹಾಳು ಮಾಡುತ್ತಾನೆ' ಎಂದಿದ್ದರು.
ಜಾಕಿ ಚಾನ್ ಅವರ ಮಗ ಜೇಯ್ಸಿ ಈ ಹಿಂದೆ ಒಮ್ಮೆ ಡ್ರಗ್ಸ್ ಪ್ರಕರಣದಲ್ಲಿ ಬಂಧನಕ್ಕೆ ಒಳಗಾಗಿದ್ದ. ಆಗ ಜಾಕಿ ಚಾನ್ ಬಹಿರಂಗವಾಗಿ ಕ್ಷಮೆ ಕೇಳಿದ್ದರು. 'ನನ್ನ ಮಗನಿಗೆ ಸರಿಯಾದ ಜೀವನ ಶಿಕ್ಷಣ ನೀಡುವುದರಲ್ಲಿ ನಾನು ಸೋತಿದ್ದೀನಿ. ನೀವು ಜೆಯ್ಸಿಯನ್ನು ಉದಾಹರಣೆಯಾಗಿ ತೆಗೆದುಕೊಂಡು ಅವನು ಮಾಡಿದ ತಪ್ಪನ್ನು ಎಂದೂ ಮಾಡಬೇಡಿ' ಎಂದಿದ್ದರು.
ಆರು ತಿಂಗಳು ಜೈಲು ವಾಸ ಅನುಭವಿಸಿ ಹೊರಬಂದ ಮಗನನ್ನು ಭೇಟಿಯಾಗಿದ್ದ ಜಾಕಿ ಚಾನ್, ಜಾಯ್ಸಿ ಈಗ ಬದಲಾಗಿದ್ದಾನೆ ಎನಿಸುತ್ತದೆ ಎಂದಿದ್ದರು. ಜೇಯ್ಸಿ ಈಗ ಲಾಸ್ ಏಂಜಲಿಸ್ನಲ್ಲಿದ್ದಾನೆ.
ಜಾಕಿ ಚಾನ್ಗೆ ಎಟ್ಟಾ ನಂಗ್ ಚೋಕ್ ಹೆಸರಿನ ಹೆಣ್ಣು ಮಗುವೊಂದಿದೆ. ಜಾಕಿ ಚಾನ್ನ 'ಅನೈತಿಕ ಸಂಬಂಧ'ದಿಂದ ಹುಟ್ಟಿದ ಮಗು ಇದಾಗಿರುವ ಕಾರಣ ಅಧಿಕೃತ ಮಗ ಜಾಯ್ಸಿ ಒಬ್ಬನೇ.