ಹಾಲಿವುಡ್ ಸಿನಿಮಾದಲ್ಲಿ ನಟಿಸದಿರಲು ಕಾರಣ ಕೊಟ್ಟ ಜಾಕಿ ಚಾನ್

ಏಳು ವರ್ಷಗಳ ನಂತರ ಹಾಲಿವುಡ್ ಸಿನಿಮಾ

ಜಾಕಿ ಚಾನ್ ಈ ವರೆಗೆ ಹಾಲಿವುಡ್‌ ನ ರಶ್ ಹವರ್ ಸರಣಿ, ಶಾಂಘೈ ನೈಟ್ಸ್ ಸರಣಿ ಮತ್ತು ದಿ ಕರಾಟೆ ಕಿಡ್‌, ದಿ ಫಾರಿನರ್, ಸಿನಿಮಾಗಳಲ್ಲಿ ನಟಿಸಿದ್ದಾರೆ. ದಿ ಕರಾಟೆ ಕಿಡ್ ಬಿಡುಗಡೆ ಆಗಿ 7 ವರ್ಷಗಳ ನಂತರ ಜಾಕಿ ಚಾನ್ ದಿ ಫಾರಿನರ್ ಸಿನಿಮಾದಲ್ಲಿ ನಟಿಸಿದ್ದರು. ಅದೇ ಅವರ ಈವರೆಗಿನ ಕೊನೆಯ ಹಾಲಿವುಡ್ ಸಿನಿಮಾ ಆಗಿದೆ.

ಬಹುತೇಕ 'ಶಾಂಘೈ ಪೊಲೀಸ್' ಪಾತ್ರಗಳೇ ಬಂದವು: ಜಾಕಿ

ಈ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಜಾಕಿ ಚಾನ್, 'ದಿ ಕರಾಟೆ ಕಿಡ್' ಸಿನಿಮಾ ಆದ ನಂತರ ಬಹುತೇಕ ಅದೇ ಮಾದರಿಯ ಸಿನಿಮಾಗಳು ನನಗೆ ದೊರೆತವು. ಅವನ್ನು ಬೇಡವೆಂದೆ. ಆ ನಂತರ 'ಶಾಂಘೈ ಪೊಲೀಸ್' ಮಾದರಿಯವೇ ಪಾತ್ರಗಳು ದೊರೆತವು ಹಾಗಾಗಿ ಅವನ್ನೂ ಬೇಡವೆಂದೆ' ಎಂದಿದ್ದಾರೆ.

ಚೀನಾ ಸಿನಿಮಾಗಳಲ್ಲೇ ಹೆಚ್ಚು ನಟನೆ

ಅಮೆರಿಕದಲ್ಲಿದ್ದರೂ ಸಹ ಚೀನಾದ ಸಿನಿಮಾಗಳಲ್ಲಿಯೇ ಹೆಚ್ಚು ನಟಿಸುತ್ತಿದ್ದಾರೆ ಜಾಕಿ ಚಾನ್. ಈಗ ಅವರದ್ದೇ ನಿರ್ಮಾಣ ಸಂಸ್ಥೆಯ ಮೂಲಕ ಜನಪ್ರಿಯ 'ರಶ್ ಹವರ್' ಸಿನಿಮಾ ಮೂಲಕ ಮತ್ತೆ ಹಾಲಿವುಡ್ ಸಿನಿಮಾಕ್ಕೆ ಮರಳುತ್ತಿದ್ದಾರೆ. ರಶ್ ಹವರ್ 4 ಚಿತ್ರೀಕರಣ ಆರಂಭಗೊಳ್ಳಲಿದೆ.

ಗಂಭೀರ ಸಿನಿಮಾಗಳಲ್ಲಿ ನಟಿಸಲು ಇಷ್ಟವಂತೆ

ಜಾಕಿ ಚಾನ್‌ಗೆ ಡ್ರಾಮಾ ತುಂಬಿದ, ಹಾಸ್ಯಮಯ, ಗಂಭೀರ ಪಾತ್ರಗಳನ್ನು ಮಾಡಬೇಕೆಂದು ಆಸೆಯಂತೆ. ಅದೇ ಆಕ್ಷನ್ ಸಿನಿಮಾಗಳು ಜಾಕಿ ಚಾನ್‌ಗೆ ಸಾಕಾಗಿದೆಯಂತೆ. ಯಾರಾದರೂ ಗಂಭೀರ ಕತೆ ತೆಗೆದುಕೊಂಡು ಬಂದರೆ ಖಂಡಿತ ಒಪ್ಪುತ್ತೇನೆ ಎಂದಿದ್ದಾರೆ ಜಾಕಿ.