Don't Miss!
- News Namma Metro Blue Line: ಇತರ ಮಾರ್ಗಕ್ಕಿಂತಲೂ 'ನೀಲಿ' ಮಾರ್ಗದಲ್ಲಿ ವೇಗವಾಗಿ ಓಡಲಿವೆ ಮೆಟ್ರೋ, ಅಪ್ಡೇಟ್
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Sports CSK vs LSG IPL 2024: ಚೆನ್ನೈ vs ಲಕ್ನೋ ಹೈ-ವೋಲ್ಟೇಜ್ ಪಂದ್ಯದ ಟಾಸ್ ವರದಿ; ಆಡುವ 11ರ ಬಳಗ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜಾಕಿ ಚಾನ್ ಸ್ಟಂಟ್ ಟೀಮ್ಗೆ 40 ರ ಸಂಭ್ರಮ
ಮಾರ್ಷಲ್ ಆರ್ಟ್ಸ್ ಕಿಂಗ್ ಮತ್ತು ಸಿನಿ ಪ್ರಿಯರ ಹಾಟ್ ಫೇವರಿಟ್ ಹಾಂಗ್ ಕಾಂಗ್ ನಟ ಜಾಕಿ ಚಾನ್ ರವರ 'ಜಾಕಿ ಚಾನ್ ಸ್ಟಂಟ್ ಟೀಮ್' 40 ವರ್ಷಗಳನ್ನು ಪೂರೈಸಿದೆ. ಇಂದು ಈ ಸಂತೋಷವನ್ನು ಜಾಕಿ ಚಾನ್ ತಮ್ಮ ಸಾಮಾಜಿಕ ಜಾಲತಾಣ ಫೇಸ್ಬುಕ್ ಖಾತೆ ಮೂಲಕ ಹಂಚಿಕೊಂಡಿದ್ದಾರೆ.
"ನಾನು ಎಂದಿಗೂ ಜೆಸಿ ಸ್ಟಂಟ್ ಟೀಮ್ 40 ವರ್ಷಗಳನ್ನು ಪೂರೈಸುತ್ತದೆ, ಈ ರೀತಿ ಅಭಿವೃದ್ದಿ ಹೊಂದುತ್ತದೆ ಎಂದು ನಿರೀಕ್ಷೆ ಮಾಡಿರಲಿಲ್ಲ. ಇದನ್ನು 1976 ರಲ್ಲಿ ಸ್ಥಾಪಿಸಲಾಗಿತ್ತು. ಇಂದು ನಾವು ಹಲವು ಮರೆಯಲಾಗದ ಮತ್ತು ಅವಿಸ್ಮರಣೀಯ ನೆನಪುಗಳೊಂದಿಗೆ 40 ರ ಸಂಭ್ರಮವನ್ನು ಆಚರಿಸುತ್ತಿದ್ದೇವೆ. ಎಲ್ಲಾ ನನ್ನ ಸಹೋದರರಿಗೆ ಧನ್ಯವಾದಗಳನ್ನು ಹೇಳಲು ಬಯಸುತ್ತೇನೆ. ಜೆಸಿ ಸ್ಟಂಟ್ ಟೀಮ್ ಇನ್ನೂ ಹಲವು 40 ವರ್ಷಗಳ ಸಂಭ್ರಮವನ್ನು ಪಡೆಯಲಿದೆ" ಎಂದು ಹಾಲಿವುಡ್ ನಟ ಜಾಕಿ ಚಾನ್ ರವರು ಫೇಸ್ಬುಕ್ ಪೇಜ್ ನಲ್ಲಿ ಬರೆದಿದ್ದಾರೆ. ಜೊತೆಗೆ ಅವರ 'ಜಾಕಿ ಚಾನ್ ಸ್ಟಂಟ್ಮೆನ್ ಅಸೋಸಿಯೇಶನ್' ಗ್ರೂಪ್ ನ ಸದಸ್ಯರೊಂಗಿದೆ ತೆಗೆಸಿಕೊಂಡಿರುವ ಫೊಟೋವನ್ನು ಅಪ್ಲೋಡ್ ಮಾಡಿದ್ದಾರೆ.
ಜಾಕಿ ಚಾನ್ ದೀರ್ಘ ಕಾಲದ ನಂತರ 'ಕುಂಗ್ ಫು ಯೋಗ' ಚಿತ್ರದ ಮೂಲಕ ಇತ್ತೀಚೆಗೆ ತೆರೆ ಮೇಲೆ ಕಾಣಿಸಿಕೊಂಡಿದ್ದರು. ಈ ಚಿತ್ರ ಭಾರತದಲ್ಲೂ ಬಿಡುಗಡೆ ಆಗಿತ್ತು. ವಿಶೇಷ ಅಂದ್ರೆ ಈ ಚಿತ್ರದಲ್ಲಿ ಭಾರತದ ಬಹುಭಾಷಾ ನಟ ಸೋನು ಸೂದ್ ಅಭಿನಯಿಸಿದ್ದರು. ಆದ್ದರಿಂದ ಚಿತ್ರದ ಪ್ರಮೋಷನ್ ಹಿನ್ನೆಲೆಯಲ್ಲಿ ಜಾಕಿ ಚಾನ್ ಕೆಲ ತಿಂಗಳ ಹಿಂದಷ್ಟೆ ಭಾರತಕ್ಕೆ ಭೇಟಿ ನೀಡಿದ್ದರು.
ಜಾಕಿ ಚಾನ್ ಸಿನಿಮಾ ಕ್ಷೇತ್ರದಲ್ಲಿನ ಸಾಧನೆ ಮತ್ತು ಅಭಿನಯಕ್ಕೆ ಈ ವರೆಗೆ 25 ಕ್ಕೂ ಹೆಚ್ಚು ವಿವಿಧ ಪ್ರಶಸ್ತಿಗಳನ್ನು ಪಡೆದಿದ್ದಾರೆ.