Don't Miss!
- News Kolar Lok Sabha elections: ಕೋಲಾರ ಲೋಕಸಭಾ ಕ್ಷೇತ್ರದಲ್ಲಿ 'ಸ್ಥಳೀಯ' V/s 'ಹೊರಗಿನವ' ಫೈಟ್!
- Finance bangalore royal challengers ತಂಡದಿಂದ ನಗರದ ಎರಡು ಕೆರೆಗಳ ಪುನರುಜ್ಜೀವನ
- Automobiles ಪೆಟ್ರೋಲ್ಗೆ ಹೆಚ್ಚು ಹಣ ಖರ್ಚು ಮಾಡುತ್ತಿದ್ದೀರಾ?.. ಇಲ್ಲಿವೆ ಬೆಸ್ಟ್ ಎಲೆಕ್ಟ್ರಿಕ್ ಸ್ಕೂಟರ್ಗಳು, ಜಾಸ್ತಿ ಓ
- Technology Samsung: ಭಾರತದಲ್ಲಿ ಹೊಸ ವೇರಿಯಂಟ್ನಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G! ಬೆಲೆ ಎಷ್ಟು?
- Sports RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೊನೆಗೂ ಬಿಡುಗಡೆ ಆಗುತ್ತಿದೆ ಬಾಂಡ್ ಸಿನಿಮಾ 'ನೋ ಟೈಮ್ ಟು ಡೈ'
ಕೆಲ ವರ್ಷಗಳಿಂದಲೇ ಬಿಡುಗಡೆಗೆ ಕಾದು ಕುಳಿತಿದ್ದ ಜೇಮ್ಸ್ ಬಾಂಡ್ ಸಿನಿಮಾ 'ನೋ ಟೈಮ್ ಟು ಡೈ'ನ ಅಧಿಕೃತ ಬಿಡುಗಡೆ ದಿನಾಂಕ ಇದೀಗ ಘೋಷಣೆಯಾಗಿದೆ.
'ನೋ ಟೈಮ್ ಟು ಡೈ' ಸಿನಿಮಾವು ಸೆಪ್ಟೆಂಬರ್ 30 ರಂದು ಭಾರತ ಸೇರಿದಂತೆ ಕೆಲವು ರಾಷ್ಟ್ರಗಳಲ್ಲಿ ಬಿಡುಗಡೆ ಆಗಲಿದೆ. ಭಾರತದಲ್ಲಿ ಬಿಡುಗಡೆ ಆಗುವುದಕ್ಕಿಂತಲೂ ಮೊದಲು ಬ್ರಿಟನ್ ಹಾಗೂ ಇನ್ನೂ ಕೆಲವು ರಾಷ್ಟ್ರಗಳಲ್ಲಿ ಬಿಡುಗಡೆ ಆಗಲಿದೆ.
'ನೋ ಟೈಮ್ ಟು ಡೈ' ಸಿನಿಮಾದ ಚಿತ್ರಕತೆ ಪೂರ್ಣಗೊಂಡಿದ್ದು 2016ರಲ್ಲಿ. 2018ರಲ್ಲಿ ಸಿನಿಮಾದ ಪೋಸ್ಟ್ ಪ್ರೊಡಕ್ಷನ್ ಪ್ರಾರಂಭವಾಯ್ತು. ಸಿನಿಮಾದ ಚಿತ್ರೀಕರಣ 2019ರ ಆರಂಭದಲ್ಲಿ ಪ್ರಾರಂಭವಾಗಿತ್ತು. ಚಿತ್ರೀಕರಣ ಅಂತ್ಯವಾಗಿ 2020ರ ಆರಂಭದಲ್ಲಿಯೇ ಬಿಡುಗಡೆ ಆಗಬೇಕಿತ್ತು. ಆದರೆ ಅದೇ ಸಮಯದಲ್ಲಿ ಕೋವಿಡ್ ಬಂದ ಕಾರಣ ಸಿನಿಮಾ ಬಿಡುಗಡೆ ತಡವಾಗುತ್ತಲೇ ಬಂತು.
ಸಿನಿಮಾಕ್ಕೆ ಡಿಸ್ನಿ ಹಾಟ್ಸ್ಟಾರ್, ಅಮೆಜಾನ್ ಪ್ರೈಂಗಳು ಭಾರಿ ದೊಡ್ಡ ಮೊತ್ತದ ಆಫರ್ ಅನ್ನು ನೀಡಿದ್ದರು. ಆದರೆ ಸಿನಿಮಾ ನಿರ್ಮಾಣ ಸಂಸ್ಥೆ ಒಟಿಟಿಗೆ ಮಾರಲು ಒಪ್ಪಿರಲಿಲ್ಲ. ಕೊನೆಗೆ ಈಗ ಸಿನಿಮಾವನ್ನು ಚಿತ್ರಮಂದಿರದಲ್ಲಿಯೇ ಬಿಡುಗಡೆ ಮಾಡಲಾಗುತ್ತಿದೆ.
'ನೋ ಟೈಮ್ ಟು ಡೈ' ಸಿನಿಮಾವು ಜೇಮ್ಸ್ ಬಾಂಡ್ ಸರಣಿಯ 25ನೇ ಸಿನಿಮಾ. 1962 ರಲ್ಲಿ ಜೇಮ್ಸ್ ಬಾಂಡ್ ಸರಣಿ ಸಿನಿಮಾಗಳು ಪ್ರಾರಂಭವಾಗಿ ಇಲ್ಲಿವರೆಗೂ ಬಂದಿವೆ. ಡ್ಯಾನಿಯಲ್ ಕ್ರೇಗ್ ಜೇಮ್ಸ್ ಬಾಂಡ್ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಇದು ಡ್ಯಾನಿಯಲ್ರ ಐದನೇ ಜೇಮ್ಸ್ ಬಾಂಡ್ ಸಿನಿಮಾ.
'ನೋ ಟೈಮ್ ಟು ಡೈ' ಸಿನಿಮಾವನ್ನು 2100 ಕೋಟಿ ಬಜೆಟ್ನಲ್ಲಿ ನಿರ್ಮಿಸಲಾಗಿದೆ. ಈ ಸಿನಿಮಾವನ್ನು ಇಟಲಿ, ನಾರ್ವೆ, ಜಮೈಕಾ, ಫೋರ್ಸ್ ಇಲ್ಯಾಂಡ್ಸ್, ನಾರ್ವೆ, ನಿಟ್ಟೆಡಾಲ್ ಇನ್ನೂ ಹಲವೆಡೆ ಚಿತ್ರೀಕರಣ ಮಾಡಲಾಗಿದೆ.
ಸಿನಿಮಾದ ಮತ್ತೊಂದು ವಿಶೇಷವೆಂದರೆ ಇದು ನಟ ಡ್ಯಾನಿಯಲ್ ಕ್ರೇಗ್ರ ಕೊನೆಯ ಬಾಂಡ್ ಸಿನಿಮಾ. ಈ ಸಿನಿಮಾದ ಬಳಿಕ ಇನ್ನಾವುದೇ ಬಾಂಡ್ ಸಿನಿಮಾದಲ್ಲಿ ಡ್ಯಾನಿಯಲ್ ಕ್ರೇಗ್ ನಟಿಸುವುದಿಲ್ಲ. ಹೊಸ ನಟನೊಬ್ಬನನ್ನು ಜೇಮ್ಸ್ ಬಾಂಡ್ ಪಾತ್ರಕ್ಕೆ ಹುಡುಕಲಾಗುತ್ತದೆ. ಹೊಸ ಜೇಮ್ಸ್ ಬಾಂಡ್ ಕಪ್ಪುವರ್ಣಿಯನಾಗಿರುತ್ತಾನೆ ಎನ್ನಲಾಗುತ್ತಿದೆ. ಈ ವರೆಗಿನ ಎಲ್ಲ ಜೇಮ್ಸ್ ಬಾಂಡ್ಗಳು ಬಿಳಿ ವರ್ಣದ ನಟರೇ ಆಗಿದ್ದಾರೆ.
'ನೊ ಟೈಮ್ ಟು ಡೈ' ಸಿನಿಮಾವನ್ನು ಕ್ಯಾರಿ ಜೋಜಿ ಫುಕುನಾಗ ನಿರ್ದೇಶನ ಮಾಡಿದ್ದಾರೆ. ಕತೆ-ಚಿತ್ರಕತೆ ಬರೆದಿರುವುದು ನೀಲ್ ಪರ್ವೀಸ್, ಡಾಬರ್ಟ್ ವೇಡ್, ಕ್ಯಾರಿ ಜೋಜಿ ಫುಕುನಾಗ, ವಾಲರ್ ಬ್ರಿಡ್ಜ್. ಸಿನಿಮಾವನ್ನು ಮೆಟ್ರೊ ಗೋಲ್ಡನ್ ಮೇಯರ್ ಮತ್ತು ಇಒನ್ ಪಿಕ್ಚರ್ಸ್ ನಿರ್ಮಾಣ ಮಾಡಿದೆ.
ಸಿನಿಮಾದಲ್ಲಿ ಡ್ಯಾನಿಯಲ್ ಕ್ರೇಗ್ ಎದುರು ವಿಲನ್ ಆಗಿ ರಾಮಿ ಮಲೆಕ್ ನಟಿಸಿದ್ದಾರೆ. ಬಾಂಡ್ ಸಿನಿಮಾ 'ಸ್ಪೆಕ್ಟರ್'ನಲ್ಲಿ ನಾಯಕಿಯಾಗಿದ್ದ ಲೀ ಸೆಡೊಕ್ಸ್ ಇದ್ದಾರೆ. ಸಿನಿಮಾದಲ್ಲಿ ಹೊಸ ಏಜೆಂಟ್ ಆಗಿ ಲಶಾನಾ ಲಿಂಚ್ ನಟಿಸಿದ್ದಾರೆ. ಗುಪ್ತಚರ ಸಂಸ್ಥೆಯ ಮುಖ್ಯಸ್ಥ 'ಎಂ' ಪಾತ್ರದಲ್ಲಿ ಬೆನ್ ವಿಶಾವ್ ನಟಿಸಿದ್ದಾರೆ. ಈ ಹಿಂದಿನ ಕೆಲವು ಬಾಂಡ್ ಸಿನಿಮಾಗಳಲ್ಲಿ ನಟಿಸಿದ್ದ ನಟರು ಈ ಸಿನಿಮಾದಲ್ಲಿಯೂ ನಟಿಸಿದ್ದಾರೆ.
ಸಿನಿಮಾವು ಸೆಪ್ಟೆಂಬರ್ 28ರಂದು ಬ್ರಿಟನ್ನ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ. ಅದರ ಬಳಿಕ ಸೆಪ್ಟೆಂಬರ್ 30 ರಂದು ಭಾರತ ಸೇರಿದಂತೆ ಇನ್ನೂ ಕೆಲವು ದೇಶಗಳಲ್ಲಿ ಬಿಡುಗಡೆ ಆಗಲಿದೆ. ಅಕ್ಟೋಬರ್ 08ರಂದು ಅಮೆರಿಕ ಸೇರಿದಂತೆ ಬೇರೆ ಕೆಲವು ದೇಶಗಳಲ್ಲಿ ಬಿಡುಗಡೆ ಆಗಲಿದೆ.
'ನೋ ಟೈಮ್ ಟು ಡೈ' ಮಾತ್ರವೇ ಅಲ್ಲದೆ 'ಬ್ಲ್ಯಾಕ್ ವಿಡೊ', 'ಶಾಂಗ್ ಚಿ ಆಂಡ್ ದಿ ಲಿಜೆಂಡ್ ಆಫ್ ಟೆನ್ ರಿಂಗ್ಸ್', 'ವೆನಮ್; ಲೆಟ್ ದೇರ್ ಬಿ ಕಾರ್ನೆಜ್', 'ಸಿಂಡ್ರೆಲ್ಲಾ' ಇನ್ನೂ ಹಲವು ಹಾಲಿವುಡ್ ಸಿನಿಮಾಗಳು ಬಿಡುಗಡೆ ಆಗುತ್ತಿವೆ.