Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನನ್ನ ಜನನಾಂಗದ ಕಾರಣದಿಂದ ನನಗೆ ಹಣ ಕಡಿಮೆ ಕೊಡುತ್ತಾರೆ: ಆಕ್ರೋಶ ಹೊರಹಾಕಿದ ನಟಿ
ಆಸ್ಕರ್ ವಿಜೇತ ಹಾಲಿವುಡ್ ನಟಿ ಜೆನ್ನಿಫರ್ ಲಾರೆನ್ಸ್ ಹೇಳಿಕೆಯೊಂದು ಸಖತ್ ಸದ್ದು ಮಾಡುತ್ತಿದೆ. ಸಂದರ್ಶನಗಳಲ್ಲಿ ತಮಾಷೆಯಾಗಿ ಮಾತನಾಡುವ ಜೆನ್ನಿಫರ್, ಇತ್ತೀಚಿಗಿನ ಸಂದರ್ಶನವೊಂದರಲ್ಲಿ ತನ್ನ ಜನನಾಂಗದ ಬಗ್ಗೆ ಮಾತನಾಡಿ ಸುದ್ದಿಯಾಗಿದ್ದಾರೆ.
ಸಿನಿಮಾ ರಂಗದಲ್ಲಿ ಲಿಂಗ ತಾರತಮ್ಯದ ಬಗ್ಗೆ ನಟಿ ಜೆನ್ನಿಫರ್ ಲಾರೆನ್ಸ್ ಹಲವು ವರ್ಷಗಳಿಂದ ದನಿ ಎತ್ತುತ್ತಲೇ ಬಂದಿದ್ದಾರೆ. ಆಸ್ಕರ್ ವಿಜೇತ ನಟಿಯಾಗಿದ್ದರೂ ಸಹ ಸಿನಿಮಾಗಳಲ್ಲಿ ತಮ್ಮ ಸಹನಟರಿಗಿಂತಲೂ ಕಡಿಮೆ ಸಂಭಾವನೆ ಪಡೆಯುತ್ತಿರುವ ಬಗ್ಗೆ ಜೆನ್ನಿಫರ್ ಈ ಮೊದಲೂ ಅಸಮಾಧಾನ ವ್ಯಕ್ತಪಡಿಸಿದ್ದರು.
ಬ್ಯಾಟ್ಮ್ಯಾನ್ಗೆ ಪತ್ನಿಯಾದ ಜೆನ್ನಿಫರ್ ಲೊಪೇಜ್: ನಾಲ್ಕನೇ ಮದುವೆ
ಇದೀಗ ವೋಗ್ ಮ್ಯಾಗಜೀನ್ಗೆ ನೀಡಿರುವ ಸಂದರ್ಶನದಲ್ಲಿ ಮತ್ತೊಮ್ಮೆ ಈ ಬಗ್ಗೆ ತುಸು ಖಾರವಾಗಿಯೇ ಮಾತನಾಡಿರುವ ಜೆನ್ನಿಫರ್ ಲಾರೆನ್ಸ್, ''ನಾನು ಎಷ್ಟು ಕಷ್ಟಪಡುತ್ತೇನೆ ಎಂಬುದು ಗಣನೆಗೆ ತೆಗೆದುಕೊಳ್ಳುವುದೇ ಇಲ್ಲ. ನಾನು ಪಾತ್ರಕ್ಕಾಗಿ ಎಷ್ಟೇ ಕಷ್ಟಪಟ್ಟರು ನನ್ನ ಸಹನಟನಿಗಿಂತಲೂ ಕಡಿಮೆ ಸಂಭಾವನೆಯನ್ನೇ ನೀಡಲಾಗುತ್ತದೆ. ನನಗೆ ಯೋನಿ ಇರುವುದೇ ಕಾರಣ ಎನಿಸುತ್ತದೆ'' ಎಂದು ಖಾರವಾಗಿ ಹೇಳಿದ್ದಾರೆ.
ಅದು ಮಾತ್ರವೇ ಅಲ್ಲದೆ, ಲಿಂಗ ತಾರತಮ್ಯ, ಅಮೆರಿಕ ರಾಜಕೀಯದಲ್ಲಿನ ಸ್ತ್ರೀ ದ್ವೇಷ ಇನ್ನೂ ಹಲವು ವಿಷಯಗಳ ಬಗ್ಗೆ ನಿರ್ಭಿಡೆಯಿಂದ ನಟಿ ಮಾತನಾಡಿದ್ದಾರೆ.
ಇತ್ತೀಚೆಗಷ್ಟೆ ತಾಯಿಯಾಗಿರುವ ಜೆನ್ನಿಫರ್ ಲಾರೆನ್ಸ್ ತಾಯ್ತನದ ಬಗ್ಗೆಯೂ ಸಂದರ್ಶನದಲ್ಲಿ ಮಾತನಾಡಿದ್ದಾರೆ ಹಾಗೂ ತಾಯಿಯಾಗುವ ಮುನ್ನ ಎರಡು ಬಾರಿ ಗರ್ಭಪಾತವಾಗಿದ್ದ ಸಂಗತಿಯನ್ನು ಬೇಸರದಿಂದ ಹಂಚಿಕೊಂಡಿದ್ದಾರೆ.
ಅಲ್ಲದೆ, ತಮ್ಮ ತಂದೆಯೇ ತಮ್ಮ ತಾಯ್ತನದ ಬಗ್ಗೆ ಅಸಮಾಧಾನಗೊಂಡಿದ್ದ ವಿಷಯವನ್ನೂ ಬಹಿರಂಗಪಡಿಸಿದ್ದಾರೆ. ತಮ್ಮ ತಂದೆ ಸಹ ಮಹಿಳೆಯರು ಸಮಾನರಲ್ಲ ಎಂದು ನಂಬಿದ್ದಾರೆಂದು ಹೇಳಿದ್ದಾರೆ. ''ನನ್ನ ಕುಟುಂಬವನ್ನು ಅವಮಾನಿಸಲು ನಾನು ಬಯಸುವುದಿಲ್ಲ, ಆದರೆ ಬಹಳ ಕುಟುಂಬಗಳು ಒಂದೇ ರೀತಿ ಯೋಚಿಸುತ್ತವೆ. ಹುಟ್ಟಿನಿಂದಲೇ ಮಗಳನ್ನು ಬೆಳೆಸುವ ಕುಟುಂಬದವರು ಕೂಡ ಅವಳು ಸಮಾನತೆಗೆ ಅರ್ಹಳಲ್ಲ ಎಂದು ಹೇಗೆ ತಾನೇ ನಂಬುತ್ತಾರೆ? ಇದು ನನಗೆ ಅರ್ಥವಾಗುತ್ತಿಲ್ಲ'' ಎಂದು ಜೆನ್ನಿಫರ್ ಪ್ರಶ್ನೆ ಮಾಡಿದ್ದಾರೆ.
ಜೆನ್ನಿಫರ್ ಲಾರೆನ್ಸ್ ಹಾಲಿವುಡ್ನ ಟಾಪ್ ನಟಿಯರಲ್ಲಿ ಒಬ್ಬರು. 'ಎಕ್ಸ್ ಮೆನ್' ಸರಣಿಯ ಮೂರು ಸಿನಿಮಾಗಳಲ್ಲಿ ನಟಿಸಿರುವ ಜೆನ್ನಿಫರ್, 'ಹಂಗರ್ ಗೇಮ್ಸ್', 'ಪ್ಯಾಸೆಂಜರ್', 'ರೆಡ್ ಸ್ಪ್ಯಾರೊ' ಇನ್ನೂ ಹಲವು ಹಿಟ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ. 'ಸಿಲ್ವಿರ್ ಲಿಂಗ್ಸ್ ಪ್ಲೇಬುಕ್' ಸಿನಿಮಾದ ಅತ್ಯುತ್ತಮ ಅಭಿನಯಕ್ಕೆ ಆಸ್ಕರ್ ಪ್ರಶಸ್ತಿಯನ್ನು ಸಹ ಈ ನಟಿ ಪಡೆದಿದ್ದಾರೆ. ಜೊತೆಗೆ ಬ್ರಿಟೀಷ್ ಅಕಾಡೆಮಿ ಪ್ರಶಸ್ತಿ, ಆಕ್ಟಾ ಪ್ರಶಸ್ತಿಗಳು ಸಹ ನಟಿಯ ಪಾಲಾಗಿವೆ. ಪ್ರಸ್ತುತ 'ಕಾಸ್ವೇ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ಜೆನ್ನಿಫರ್ ಲಾರೆನ್ಸ್.