Don't Miss!
- Automobiles Elevate: ಶ್ರೀಸಾಮಾನ್ಯನ ಬಿಎಂಡಬ್ಲ್ಯೂ.. ಹೋಂಡಾ ಎಲಿವೇಟ್ ಖರೀದಿಸಬೇಕೇ? ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಆಪ್ ಸ್ಟೋರ್ನಿಂದ ವಾಟ್ಸಾಪ್, ಥ್ರೆಡ್ ತೆಗೆದುಹಾಕಿದ ಆಪಲ್!
- Sports IPL 2024: ಪಂಜಾಬ್ ಕಿಂಗ್ಸ್ ವಿರುದ್ಧ ಗೆದ್ದರೂ ಹಾರ್ದಿಕ್ ಪಾಂಡ್ಯಗೆ ಭಾರೀ ಮೊತ್ತದ ದಂಡ!
- Technology Google Maps: ಗೂಗಲ್ ಮ್ಯಾಪ್ಸ್ ನಲ್ಲಿ ಹೊಸ ಸೌಲಭ್ಯ! ಹತ್ತಿರದ EV ಚಾರ್ಜಿಂಗ್ ಸ್ಟೇಷನ್ ಸರ್ಚ್ ಬಲು ಸುಲಭ
- News BMRCL: ಚಲ್ಲಘಟ್ಟ ಮೆಟ್ರೋ ನಿಲ್ದಾಣದ ಬಳಿ ಪಾದಚಾರಿ ಸೇತುವೆ ನಿರ್ಮಾಣ-ಪ್ರಯೋಜನೆಗಳೇನು ಹಾಗೂ ವೆಚ್ಚ ಎಷ್ಟು?
- Lifestyle ಶಾಲೆಯನ್ನೇ ಬ್ಯೂಟಿ ಪಾರ್ಲರ್ ಮಾಡಿಕೊಂಡ ಪ್ರಿನ್ಸಿಪಾಲ್..! ಕೇಳಿದ ಶಿಕ್ಷಕಿ ಕೈ ಕಚ್ಚಿ ಹಲ್ಲೆ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜಾನಿ ಡೆಪ್ ಗೆಲುವು ಮಾಜಿ ಪತ್ನಿ ಅಂಬರ್ಗೆ 116 ಕೋಟಿ ದಂಡ!
ವಿಶ್ವದ ಗಮನ ಸೆಳೆದಿದ್ದ ನಟ ಜಾನಿ ಡೆಪ್ ಹಾಗೂ ಮಾಜಿ ಅಂಬರ್ ಹರ್ಡ್ ನಡುವಿನ ಮಾನನಷ್ಟ ಮೊಕದ್ದಮೆ ಪ್ರಕರಣ ಅಂತ್ಯ ಕಂಡಿದೆ. ಜಾನಿ ಡೆಪ್ ಪರವಾಗಿ ತೀರ್ಪು ಬಂದಿದ್ದು, ಮಾಜಿ ಪತ್ನಿ ಅಂಬರ್ ಹರ್ಡ್ 15 ಮಿಲಿಯನ್ ಡಾಲರ್ (116 ಕೋಟಿ) ಹಣವನ್ನು ಜಾನಿ ಡೆಪ್ಗೆ ನೀಡಬೇಕಿದೆ.
ವಿಚಾರಣೆ ಆಲಿಸಿದ ಏಳು ಜ್ಯೂರಿಗಳ ಬೆಂಚ್, ಮಾನ ನಷ್ಟ, ಆಸ್ತಿ ನಷ್ಟ ಹಾಗೂ ದೈಹಿಕ ಹಿಂಸೆ ಅನುಭವಿಸಿರುವ ಜಾನಿ ಡೆಪ್ಗೆ 15 ಮಿಲಿಯನ್ ಡಾಲರ್ ನೀಡುವಂತೆ ಅಂಬರ್ಗೆ ಸೂಚಿಸಿದೆ. ಜೊತೆಗೆ ಅಂಬರ್ಗೆ ಜಾನಿ ಡೆಪ್ 2 ಮಿಲಿಯನ್ ಡಾಲರ್ ಅನ್ನು ನೀಡುವಂತೆ ಸೂಚನೆ ನೀಡಿದೆ.
ಒಟಿಟಿಗೆ ಬರಲಿದೆ ಜಾನಿ ಡೆಪ್-ಅಂಬರ್ ಹರ್ಡ್ರ 'ಡರ್ಟಿ ದಾಂಪತ್ಯ'
ವಿಚಾರಣೆ ನಡೆಸಿದ ಜ್ಯೂರಿ, ಅಂಬರ್ ಹರ್ಡ್ ಮೂರು ಪ್ರತ್ಯೇಕ ಹೇಳಿಕೆಗಳಲ್ಲಿ ಜಾನಿ ಡೆಪ್ಗೆ ಮಾನಹಾನಿ ಮಾಡಿರುವುದನ್ನು ಗುರುತಿಸಿದ್ದಾರೆ ಹಾಗೂ ಜಾನಿ ಡೆಪ್ ತಮ್ಮ ಅಟಾರ್ನಿ ಹೇಳಿಕೆಯಲ್ಲಿ ಒಮ್ಮೆ ಅಂಬರ್ಗೆ ಮಾನಹಾನಿ ಮಾಡಿದ್ದಾರೆ ಎಂದು ಗುರುತಿಸಿದೆ.
2016ರಲ್ಲಿಯೇ ಜಾನಿ ಡೆಪ್ ಹಾಗೂ ಅಂಬರ್ ಹರ್ಡ್ ವಿಚ್ಛೇಧನ ಪಡೆದುಕೊಂಡಿದ್ದರು. ಆದರೆ 2018 ರಲ್ಲಿ ಅಂಬರ್ ವಾಷಿಂಗ್ಟನ್ ಪೋಸ್ಟ್ನಲ್ಲಿ ಬರೆದ ಲೇಖನವೊಂದರಲ್ಲಿ ತಾವು ಜಾನಿ ಡೆಪ್ನಿಂದ ಗೃಹ ಹಿಂಸೆಗೆ ಒಳಗಾಗಿರುವುದಾಗಿ ಬರೆದಿದ್ದರು. ಇದರ ವಿರುದ್ಧ ಮಾಜಿ ಪತಿ ಜಾನಿ ಡೆಪ್ 50 ಮಿಲಿಯನ್ ಡಾಲರ್ ಮೊತ್ತದ ಮಾನನಷ್ಟು ಮೊಕದ್ದಮೆ ದಾಖಲಿಸಿದರು.
ನಂತರ ಅಂಬರ್ ಹರ್ಡ್, ಜಾನಿ ಡೆಪ್ನ ವಕೀಲ ಅಡಮ್ ವಾಕ್ಮನ್ ಜಾನಿ ಡೆಪ್ ಪರವಾಗಿ ತಮ್ಮ ವಿರುದ್ಧ ಮಾಡಿದ್ದ ಹೇಳಿಕೆಗಳ ವಿರುದ್ಧ 100 ಮಿಲಿಯನ್ ಡಾಲರ್ ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದರು. ಇಬ್ಬರ ಪ್ರಕರಣದ ವಿಚಾರಣೆಯೂ ಸುದೀರ್ಘವಾಗಿ ನಡೆದು, ಈ ಇಬ್ಬರೂ ಸ್ಟಾರ್ಗಳು ಪರಸ್ಪರರ ಮೇಲೆ ನೀಚಾತಿ ನೀಚ ಆರೋಪ-ಪ್ರತ್ಯೋಪಗಳನ್ನು ಮಾಡಿದರು.
''ಜಾನಿ ಡೆಪ್, ಮದ್ಯದ ಬಾಟಲಿಯನ್ನು ನನ್ನ ಜನನಾಂಗದಲ್ಲಿ ತುರುಕಿದ್ದ'' ಎಂದು ಅಂಬರ್ ಹರ್ಡ್ ಆರೋಪಿಸಿದರೆ, ಜಾನಿ ಡೆಪ್, 'ಅಂಬರ್ ನಾನು ಮಲಗುವ ಹಾಸಿಗೆಯ ಮೇಲೆ ಮಲ ವಿಸರ್ಜನೆ ಮಾಡಿದ್ದಳು'' ಎಂದಿದ್ದರು. ಸುದೀರ್ಘವಾಗಿ ನಡೆದ ಈ ವಿಚಾರಣೆಯಲ್ಲಿ ಹಲವರು ಸಾಕ್ಷ್ಯಗಳನ್ನು ನುಡಿದರು. ಆದರೆ ಆರಂಭದಿಂದಲೂ ಜಾನಿ ಡೆಪ್ ಪರವಾಗಿಯೇ ಪ್ರಕರಣ ಸಾಗುತ್ತಿತ್ತು, ಬಹುತೇಕ ಸಾಕ್ಷಿಗಳು ಜಾನಿ ಪರವಾಗಿತ್ತು, ಅಂಬರ್ ಕೆಲವು ಸುಳ್ಳು ಸಾಕ್ಷಿಗಳನ್ನು ಸಲ್ಲಿಸಿದ್ದು ಸಹ ಸಾಬೀತಾಯಿತು. ಕೊನೆಗೆ ಅಂತಿಮ ತೀರ್ಪು ಜಾನಿ ಡೆಪ್ ಪರವಾಗಿಯೇ ಬಂದಿದೆ.
ತೀರ್ಪಿನ ಬಗ್ಗೆ ಪ್ರತಿಕ್ರಿಯಿಸಿರುವ ಜಾನಿ ಡೆಪ್, 'ಜ್ಯೂರಿಗಳು ನನ್ನ ಬದುಕನ್ನು ನನಗೆ ವಾಪಸ್ ನೀಡಿದ್ದಾರೆ. ಇಂದಿನಿಂದ ನನ್ನ ಇನ್ನೊಂದು ಜೀವನ ಆರಂಭವಾಗಿದೆ'' ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ. ಜಾನಿ ಪರ ವಕೀಲರು ಸಹ ತೀರ್ಪಿನ ಬಗ್ಗೆ ಸಂತಸ ವ್ಯಕ್ತಪಡಿಸಿದ್ದಾರೆ. ಆದರೆ ತೀರ್ಪಿನ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿರುವ ಅಂಬರ್ ಹರ್ಡ್, 'ಈ ತೀರ್ಪು ಮಹಿಳೆಯರ ಮೇಲಿನ ದೌರ್ಜನ್ಯಕ್ಕೆ ಕುಮ್ಮಕ್ಕು ನೀಡಲಿದೆ. ದೌರ್ಜನ್ಯದ ವಿರುದ್ಧ ಹೋರಾಡ ಬೇಕಿರುವ ಮಹಿಳೆಯರ ಆತ್ಮಬಲ ಕುಗ್ಗಿಸುತ್ತದೆ'' ಎಂದಿದ್ದಾರೆ.