ಗಮನ ಸೆಳೆದಿರುವ ಪ್ರಕರಣ: ಬ್ರಿಟ್ನಿ ಸ್ಪಿಯರ್ಸ್ ಆಸ್ತಿ ಮೇಲೆ ಅರ್ಧ ಹಿಡಿತ ಕಳೆದುಕೊಂಡ ತಂದೆ

ಮಾನಸಿಕ ಸಮಸ್ಯೆಯಿಂದ ಬಳಲುತ್ತಿದ್ದ ಬ್ರಿಟ್ನಿ

ಬ್ರಿಟ್ನಿ ಸ್ಪಿಯರ್ ಕೆಲ ವರ್ಷಗಳ ಹಿಂದೆ ಮಾನಸಿಕ ಸಮಸ್ಯೆಯಿಂದ ಬಳಲುತ್ತಿದ್ದರು. ಆಗ ಆಕೆಯ ತಂದೆ ಜೇಮ್ಸ್ ಅನ್ನು ಅವರೇ ತಮ್ಮ ಆಸ್ತಿಯ ಮೇಲುಸ್ತಾವಾರಿಗೆ ನೇಮಿಸಿಕೊಂಡಿದ್ದರು. ಆದರೆ ಇದು ಅವರಿಗೆ ಮುಳುವಾಗಿದ್ದು, ಈಗ ತಂದೆಯನ್ನು ಮೇಲುಸ್ತುವಾರಿ ಹುದ್ದೆಯಿಂದ ತೆಗೆದು ಹಾಕಲು ಇನ್ನಿಲ್ಲದ ಪ್ರಯತ್ನ ಪಡುತ್ತಿದ್ದಾರೆ ಆದರೆ ಅದು ಸಾಧ್ಯವಾಗುತ್ತಿಲ್ಲ.

ಬ್ರಿಟ್ನಿ ಸ್ಪಿಯರ್ಸ್ ಆಸ್ತಿಗೆ ಇಬ್ಬರು ಮೇಲುಸ್ತುವಾರಿ

ಹೊಸ ಆದೇಶದಂತೆ ಬ್ರಿಟ್ನಿ ಸ್ಪಿಯರ್‌ರ ಆಸ್ತಿಯನ್ನು ಬ್ರಿಟ್ನಿ ಸ್ಪಿಯರ್ ನೇಮಿಸಿರುವ ಹಣಕಾಸು ಸಂಸ್ಥೆ ಹಾಗೂ ಬ್ರಿಟ್ನಿ ಸ್ಪಿಯರ್ ತಂದೆ ಒಟ್ಟಿಗೆ ನಿರ್ವಹಣೆ ಮಾಡಬೇಕು ಎಂದು ನ್ಯಾಯಾಲಯ ಹೇಳಿದೆ. ಬೆಸ್ಸೀಮರ್ ವೆಂಚರ್ಸ್ ಸಂಸ್ಥೆ ಹಾಗೂ ಬ್ರಿಟ್ನಿ ಸ್ಪಿಯರ್ಸ್ ತಂದೆ ಒಟ್ಟಿಗೆ ಕೂತು ಬ್ರಿಟ್ನಿ ಸ್ಪಿಯರ್ಸ್ ಆಸ್ತಿಯ ಬಗ್ಗೆ ನಿರ್ಣಯ ತೆಗೆದುಕೊಳ್ಳಬೇಕು ಎಂದು ಹೇಳಿದೆ ನ್ಯಾಯಾಲಯ.

ನ್ಯಾಯಾಲಯದ ಮುಂದೆ ಅಭಿಮಾನಿಗಳ ಪ್ರತಿಭಟನೆ

ಬ್ರಿಟ್ನಿ ಸ್ಪಿಯರ್ಸ್ ಹಾಗೂ ಆಕೆಯ ತಂದೆ ಜೇಮ್ಸ್ ನಡುವಿನ ಈ ನ್ಯಾಯಾಲಯ ವಿವಾದ ಹಾಲಿವುಡ್ ಮಾಧ್ಯಮಗಳಲ್ಲಿ ಸಾಕಷ್ಟು ಗಮನ ಸೆಳೆದಿದ್ದು, ಬ್ರಿಟ್ನಿ ಅಭಿಮಾನಿಗಳು ನ್ಯಾಯಾಲಯದ ಹೊರಗೆ 'ಫ್ರೀ ಬ್ರಿಟ್ನಿ' ಬೋರ್ಡ್‌ಗಳನ್ನು ಹಿಡಿದು ಪ್ರತಿಭಟನೆ ಸಹ ನಡೆಸಿದ್ದಾರೆ.

Recommended Video

ಪುನೀತ್, ಯಶ್ ಅಭಿಮಾನಿ ಈ ರಿವರ್ಸ್ ಟ್ಯಾಲೆಂಟ್ ಅನುಷ | Filmibeat Kannada

ಹಲವು ಹಾಡುಗಳು ಜಗದ್‌ವಿಖ್ಯಾತ

ಬ್ರಿಟ್ನಿ ಸ್ಪಿಯರ್ಸ್ ಅವರ 'ಟಾಕ್ಸಿಕ್', 'ಹಿಟ್ ಮಿ ಬೇಬಿ ಒನ್ ಮೋರ್ ಟೈಮ್', 'ವಿಮೆನೈಜರ್', 'ಗಿಮಿ ಮೋರ್', 'ಹೋಲ್ಡ್ ಇಟ್ ಅಗೇನ್ಸ್ ಮೀ' ಇನ್ನೂ ಹಲವಾರು ಹಾಡುಗಳು ಬಹು ಪ್ರಸಿದ್ಧ. ಇದರ ಜೊತೆಗೆ, 'ಲಾಂಗ್ ಶಾಟ್', 'ಕ್ರಾಸ್ ರೋಡ್ಸ್', 'ಜಾಕ್‌ಆಸ್ 3ಡಿ', 'ಕಾರ್ಪೊರೇಟ್ ಅನಿಮಲ್ಸ್' ಇನ್ನೂ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ.