ಭಾರತದಲ್ಲಿ ಅತಿಹೆಚ್ಚು ಕಲೆಕ್ಷನ್ ಮಾಡಿದ 5 ಹಾಲಿವುಡ್ ಚಿತ್ರಗಳು; ಅವತಾರ್ 2 ಈ ಪಟ್ಟಿ ಸೇರುತ್ತಾ?

ಭಾರತದಲ್ಲಿ ಅತಿಹೆಚ್ಚು ಗಳಿಸಿದ ಹಾಲಿವುಡ್ ಸಿನಿಮಾಗಳು

ಭಾರತದ ದೇಶದಲ್ಲಿ ಅತಿಹೆಚ್ಚು ಕಲೆಕ್ಷನ್ ಮಾಡಿರುವ ಹಾಲಿವುಡ್‌ನ ಟಾಪ್ 5 ಚಿತ್ರಗಳ ಪಟ್ಟಿ ಇಲ್ಲಿದೆ..

1. ಅವೆಂಜರ್ಸ್; ಎಂಡ್‌ಗೇಮ್ - 445 ಕೋಟಿ ಗ್ರಾಸ್

2. ಅವೆಂಜರ್ಸ್ ಇನ್ಫಿನಿಟಿ ವಾರ್ - 297 ಕೋಟಿ ಗ್ರಾಸ್

3. ಸ್ಪೈಡರ್ ಮ್ಯಾನ್ ನೋ ವೇ ಹೋಮ್ - 262 ಕೋಟಿ ಗ್ರಾಸ್

4. ದ ಜಂಗಲ್ ಬುಕ್ - 260 ಕೋಟಿ ಗ್ರಾಸ್

5. ದ ಲಯನ್ ಕಿಂಗ್ 185 ಕೋಟಿ ಗ್ರಾಸ್

ಅವತಾರ್ ಎಷ್ಟು ಗಳಿಸಿತ್ತು?

ಇನ್ನು ಡಿಸೆಂಬರ್ 16ರಂದು ಬಿಡುಗಡೆಯಾಗಲಿರುವ ಅವತಾರ್ ದ ವೇ ಆಫ್ ವಾಟರ್ ಈ ಮೇಲಿನ ಚಿತ್ರಗಳಿಗಿಂತ ಹೆಚ್ಚು ಗಳಿಸಬಹುದಾ ಎಂಬ ಚರ್ಚೆ ಶುರುವಾಗಿದ್ದು, ಚಿತ್ರ ಚೆನ್ನಾಗಿದ್ದರೆ ಸಾಕು ಈ ದಾಖಲೆಗಳನ್ನು ಅವತಾರ್ 2 ಹೊಡೆದುರುಳಿಸಲಿದೆ ಎಂಬ ಅಭಿಪ್ರಾಯಗಳನ್ನು ಸಿನಿ ಪಂಡಿತರು ವ್ಯಕ್ತಪಡಿಸಿದ್ದಾರೆ. ಅವತಾರ್ 2009ರಲ್ಲಿ ಬಿಡುಗಡೆಗೊಂಡು ಅಂದಿನ ಟಿಕೆಟ್ ದರಕ್ಕೆ ಭಾರತದಲ್ಲಿ ಬರೋಬ್ಬರಿ 145 ಕೋಟಿ ಗ್ರಾಸ್ ಗಳಿಸಿತ್ತು. ಹೀಗಾಗಿ ಅಂದು ಕಡಿಮೆ ಟಿಕೆಟ್ ದರದಲ್ಲೇ ನೂರು ಕೋಟಿ ಕ್ಲಬ್ ಸೇರಿದ್ದ ಅವತಾರ್ ಚಿತ್ರದ ಸೀಕ್ವೆಲ್ ಈಗಿನ ಟಿಕೆಟ್ ದರ ಹಾಗೂ ಕ್ರೇಜ್‌ಗೆ ಭರ್ಜರಿ ಗಳಿಕೆ ಮಾಡಲಿದೆ ಎಂದು ಅಂದಾಜಿಸಲಾಗುತ್ತಿದೆ.

2019ರಲ್ಲಿ ಎಂಡ್ ಗೇಮ್ ದಾಖಲೆ

2019ರಲ್ಲಿ ಬಿಡುಗಡೆಗೊಂಡಿದ್ದ ಅವೆಂಜರ್ಸ್ ಎಂಡ್ ಗೇಮ್ ಚಿತ್ರ ಭಾರತದಲ್ಲಿ ಬರೋಬ್ಬರಿ 445 ಕೋಟಿ ಗಳಿಸಿ ದೇಶದಲ್ಲಿ ಅತಿಹೆಚ್ಚು ಗಳಿಕೆ ಮಾಡಿದ ಹಾಲಿವುಡ್ ಚಿತ್ರ ಎನಿಸಿಕೊಳ್ಳುವುದು ಮಾತ್ರವಲ್ಲದೇ ಆ ವರ್ಷ ಭಾರತದಲ್ಲಿ ಬಿಡುಗಡೆಗೊಂಡಿದ್ದ ದೇಶದ ಎಲ್ಲಾ ಚಿತ್ರಗಳನ್ನೂ ಕಲೆಕ್ಷನ್ ವಿಚಾರದಲ್ಲಿ ಹಿಂದಿಕ್ಕಿ ವರ್ಷದಲ್ಲಿ ಅತಿಹೆಚ್ಚು ಗಳಿಕೆ ಮಾಡಿದ ಚಿತ್ರ ಎನಿಸಿಕೊಂಡಿತ್ತು. ಹೌದು, ಆ ವರ್ಷ ಸಾಹೋ ಹಾಗೂ ವಾರ್ ಚಿತ್ರದ ಕಲೆಕ್ಷನ್‌ಗಳನ್ನು ಹಿಂದಿಕ್ಕಿದ್ದ ಅವೆಂಜರ್ಸ್ ಎಂಡ್‌ಗೇಮ್ 2019ರಲ್ಲಿ ಭಾರತದಲ್ಲಿ ಅತಿಹೆಚ್ಚು ಗಳಿಕೆ ಮಾಡಿದ ಚಿತ್ರ ಎಂಬ ವಿಶೇಷ ದಾಖಲೆ ಬರೆದಿತ್ತು.