ಕಮಲಾ ಹಾರಿಸ್ ಬಗ್ಗೆ 11 ವರ್ಷದ ಹಿಂದೆಯೇ ಭವಿಷ್ಯ ನುಡಿದಿದ್ದ ಮಲ್ಲಿಕಾ ಶೆರಾವತ್

2009 ರಲ್ಲಿ ಕಮಲಾ ಹ್ಯಾರಿಸ್-ಮಲ್ಲಿಕಾ ಭೇಟಿ

ನಟಿ ಮಲ್ಲಿಕಾ ಶೆರಾವತ್ ಬಾಲಿವುಡ್‌ನಲ್ಲಿ ಸಕ್ರಿಯರಾಗಿದ್ದ ಕಾಲದಲ್ಲಿ ಅಂದರೆ 2009 ರ ವೇಳೆಗೆ ಕಾರ್ಯಕ್ರಮವೊಂದರಲ್ಲಿ ಕಮಲಾ ಹ್ಯಾರಿಸ್ ಅವರನ್ನು ಭೇಟಿ ಮಾಡಿದ್ದರು. ಆಗ ಕಮಲಾ ಹ್ಯಾರಿಸ್ ಸ್ಯಾನ್‌ ಫ್ರಾನಿಸಿಸ್ಕೋ ಜಿಲ್ಲಾ ಅಟರ್ನಿ ಆಗಿದ್ದರು.

ಅಂದೇ ಭವಿಷ್ಯ ನುಡಿದಿದ್ದ ಮಲ್ಲಿಕಾ ಶೆರಾವತ್

ಕಮಲಾ ಹ್ಯಾರಿಸ್ ಜೊತೆಯಾಗಿ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದ ಮಲ್ಲಿಕಾ ಶೆರಾವತ್, 'ಅದ್ಭುತವಾದ ಮಹಿಳೆ ಕಮಲಾ ಹ್ಯಾರಿಸ್, ಇವರು ಮುಂದೊಂದು ದಿನ ಅಮೆರಿಕದ ಅಧ್ಯಕ್ಷರಾಗಲಿದ್ದಾರೆ ಎಂದು ಹೇಳಲಾಗಿತ್ತಿದೆ' ಎಂದು ಹೇಳಿದ್ದರು. ಈಗ ಬಹುತೇಕ ಹಾಗೆಯೇ ಆಗಿದೆ.

'ಮಹಿಳೆಯರು ಆಳುತ್ತಾರೆ' ಎಂದಿದ್ದ ಮಲ್ಲಿಕಾ

2009 ರ ಜೂನ್ 23 ರಂದು ಮಲ್ಲಿಕಾ ಶೆರಾವತ್ ಈ ಫೋಸ್ಟ್ ಅನ್ನು ತಮ್ಮ ಫೇಸ್‌ಬುಕ್ ಖಾತೆಯಲ್ಲಿ ಪ್ರಕಟಿಸಿದ್ದರು. 'ಮಹಿಳೆಯರು ಆಳುತ್ತಾರೆ' ಎಂದು ಸಹ ಮಲ್ಲಿಕಾ ಶೆರಾವತ್ ಅದೇ ಪೋಸ್ಟ್‌ನಲ್ಲಿ ಹೇಳಿದ್ದರು. ಪ್ರಸ್ತುತ ಉಪಾಧ್ಯಕ್ಷೆ ಆಗಿರುವ ಕಮಲಾ ಹ್ಯಾರಿಸ್, ಮುಂದೆ ಅಮೆರಿಕದ ಅಧ್ಯಕ್ಷೆ ಆಗುವ ಸಾಧ್ಯತೆ ದಟ್ಟವಾಗಿದೆ.

ಚೈನೀಸ್-ಹಾಲಿವುಡ್ ಸಿನಿಮಾಗಳಲ್ಲಿ ನಟನೆ

ಆಗೊಮ್ಮೆ ಈಗೊಮ್ಮೆ ಬಾಲಿವುಡ್‌ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುತ್ತಿರುವ ಮಲ್ಲಿಕಾ ಶೆರಾವತ್ ಚೈನೀಸ್, ಹಾಲಿವುಡ್ ಸಿನಿಮಾಗಳಲ್ಲಿಯೂ ಅಭಿನಯಿಸಿದ್ದಾರೆ. ಕನ್ನಡದ 'ಪ್ರೀತಿ ಏಕೆ ಭೂಮಿ ಮೇಲಿದೆ' ಸಿನಿಮಾದಲ್ಲಿ ಐಟಂ ಹಾಡಿಗೆ ಸೊಂಟು ಕುಣಿಸಿದ್ದರು ಮಲ್ಲಿಕಾ.