Don't Miss!
- News ಸಿನಿಮಾದಲ್ಲಿ ರೀಲ್ ಬಿಟ್ಟಂತೆ ರಾಜಕೀಯದಲ್ಲೂ ರೀಲ್ ಬಿಟ್ಟರೆ ಜನ ಒಪ್ಪಲ್ಲ: ಡಿ ಕೆ ಸುರೇಶ್ ಹೀಗೆ ಹೇಳಿದ್ದು ಯಾರಿಗೆ?
- Automobiles ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಜಮೌಳಿಗೆ ಹಾಲಿವುಡ್ ಖ್ಯಾತ ನಿರ್ಮಾಣ ಸಂಸ್ಥೆಯಿಂದ ಅವಕಾಶ! ಸ್ವೀಕರಿಸುತ್ತಾರೆಯೇ?
'RRR' ಸಿನಿಮಾದ ಮೂಲಕ ನಿರ್ದೇಶಕ ರಾಜಮೌಳಿ ವಿಶ್ವದರ್ಜೆಯ ಸಿನಿಮಾ ನಿರ್ದೇಶಕ ಎಂಬ ಖ್ಯಾತಿ ಗಳಿಸಿದ್ದಾರೆ. ಅವರ ಸಿನಿಮಾವನ್ನು ಹಾಲಿವುಡ್ ಪ್ರೇಕ್ಷಕರು ಮಾತ್ರವಲ್ಲ, ಜನಪ್ರಿಯ ಸಿನಿಮಾ ಕರ್ಮಿಗಳು ಸಹ ನೋಡಿ ಬಹುವಾಗಿ ಮೆಚ್ಚಿಕೊಂಡಿದ್ದಾರೆ.
ಇದೀಗ ಭಾರತದ ಅದರಲ್ಲಿಯೂ ದಕ್ಷಿಣ ಭಾರತದ ಅಪರೂಪದ ಪ್ರತಿಭೆ ರಾಜಮೌಳಿಯನ್ನು ಹಾಲಿವುಡ್ ತನ್ನ ತೆಕ್ಕೆಗೆ ತೆಗೆದುಕೊಳ್ಳಲು ನೋಡುತ್ತಿದೆ.
ಜಪಾನಿಯರ ಮನಗೆದ್ದ ರಾಮ್-ಭೀಮ್ ಬ್ರೊಮ್ಯಾನ್ಸ್: ಹಳೇ ದಾಖಲೆ ಮುರಿದು ನಂಬರ್ ವನ್ ಸ್ಥಾನದತ್ತ RRR ಓಟ!
ಹಾಲಿವುಡ್ನ ಜನಪ್ರಿಯ ನಿರ್ಮಾಣ ಸಂಸ್ಥೆ ಮಾರ್ವೆಲ್ ರಾಜಮೌಳಿಗೆ ಆಫರ್ ಒಂದನ್ನು ನೀಡಿದೆ. ಭಾರಿ ಅದ್ಧೂರಿ ಸಿನಿಮಾಗಳಿಗೆ ಜನಪ್ರಿಯವಾಗಿರುವ ಮಾರ್ವೆಲ್ ಸಂಸ್ಥೆಯು, ರಾಜಮೌಳಿಯನ್ನು ಸಂಪರ್ಕಿಸಿದ್ದು, ತಮಗಾಗಿ ಸಿನಿಮಾ ಮಾಡಿಕೊಡುವಂತೆ ಮನವಿ ಮಾಡಿದೆ. ಈ ವಿಷಯವನ್ನು ಸ್ವತಃ ರಾಜಮೌಳಿ ಬಹಿರಂಗಪಡಿಸಿದ್ದಾರೆ.
ಮಾರ್ವೆಲ್ ಸಂಸ್ಥೆಯ ಸದ್ಯದ ಬಾಸ್ ಕೆವಿನ್ ಫ್ರಿಜೆ ರಾಜಮೌಳಿಯನ್ನು ಸಂಪರ್ಕ ಮಾಡಿರುವ ಬಗ್ಗೆ ಹಾಲಿವುಡ್ ಪತ್ರಿಕೆಗಳಲ್ಲಿಯೂ ದೊಡ್ಡದಾಗಿ ವರದಿಯಾಗಿದ್ದು, ಈ ಬಗ್ಗೆ ಮಾತನಾಡಿರುವ ನಿರ್ದೇಶಕ ರಾಜಮೌಳಿ, ''ಹಾಲಿವುಡ್ನಿಂದ ಈ ಬಗ್ಗೆ ಸಾಕಷ್ಟು ಮನವಿಗಳು, ವಿಚಾರಣೆಗಳು ಬಂದಿವೆ. ಆದರೆ ನಾನು ಮಹೇಶ್ ಬಾಬು ಅವರೊಟ್ಟಿಗೆ ಸಿನಿಮಾ ಮಾಡುವುದು ಖಾತ್ರಿಯಾಗಿದೆ. ಅವರು ತೆಲುಗಿನ ಸೂಪರ್ ಸ್ಟಾರ್ ನಟ. ಅವರೊಟ್ಟಿಗೆ ಸಿನಿಮಾ ಮಾಡಲು ನಾನು ಕಮಿಟ್ ಆಗಿದ್ದೇನೆ'' ಎಂದಿದ್ದಾರೆ.
ಮುಂದುವರೆದು, ''ಆದರೆ ನನಗೆ ಹಾಲಿವುಡ್ ಬಗ್ಗೆ ಆಸಕ್ತಿ ಇದೆ. ಅವರು ಸಿನಿಮಾ ಮಾಡುವ ರೀತಿ. ಅವರ ಮೆಥೆಡಾಲಜಿಗಳು, ಚಿತ್ರೀಕರಣ ಮಾಡುವ ರೀತಿ ಹೀಗೆ ಹಲವು ವಿಷಯಗಳನ್ನು ಕಲಿಯುವ ಆಸಕ್ತಿ ಇದೆ. ಅವರೊಟ್ಟಿಗೆ ಸಹಯೋಗ ಸಾಧಿಸಿ ಇನ್ನಷ್ಟು ಅದ್ಭುತವಾದ ಸಿನಿಮಾಗಳನ್ನು ಹೊರತರುವ ಯೋಜನೆ ಇದೆ ಎಂದಿದ್ದಾರೆ.
ಈ ಸಂದರ್ಭದಲ್ಲಿ ತಾವು ಮೆಚ್ಚುವ ಹಾಲಿವುಡ್ ಸಿನಿಮಾಗಳ ಬಗ್ಗೆಯೂ ಮಾತನಾಡಿರುವ ರಾಜಮೌಳಿ, 'ಬೆನ್ ಹರ್', 'ಇಂಡಿಯಾನಾ ಜೋನ್ಸ್' ತಮಗೆ ಇಷ್ಟವೆಂದು, ಎಂದಾದರೂ 'ಪ್ರಿನ್ಸ್ ಆಫ್ ಪರ್ಷಿಯಾ' ಸಿನಿಮಾವನ್ನು ತೆಲುಗಿಗೆ ಬದಲಾಯಿಸಿ ನಿರ್ಮಿಸುವ ಆಸೆಯನ್ನೂ ಸಹ ಅವರು ವ್ಯಕ್ತಪಡಿಸಿದ್ದಾರೆ.