ಜಾರ್ಜ್‌ ಫ್ಲಾಯ್ಡ್‌ ಗೆ ಪ್ರಿಯಾಂಕಾ ಚೋಪ್ರಾ ಬೆಂಬಲ: ಯಾರೀತ ಜಾರ್ಜ್‌ ಫ್ಲಾಯ್ಡ್‌?

ವರ್ಣ ದ್ವೇಷ ಅಳಿಯಬೇಕಿದೆ: ಪ್ರಿಯಾಂಕಾ

'ಅಮೆರಿಕದಲ್ಲಿ ಹರಿದಾಡುತ್ತಿರುವ ಈ 'ವರ್ಣ ದ್ವೇಷ' ಅಳಿಯಬೇಕಿದೆ. ಯಾರೂ ಸಹ ತಮ್ಮ ಚರ್ಮದ ಬಣ್ಣದ ಕಾರಣಕ್ಕೆ ಮತ್ತೊಬ್ಬ ವ್ಯಕ್ತಿಯಿಂದ ಹತನಾಗಬಾರದು' ಎಂದು ನೋವಿನಿಂದ ಬರೆದಿದ್ದಾರೆ ಪ್ರಿಯಾಂಕಾ ಚೋಪ್ರಾ.

ಜಾರ್ಜ್‌ ಫ್ಲುಯ್ಡ್ ಕುಟುಂಬಕ್ಕಾಗಿ ಪ್ರಾರ್ಥನೆ

'ನಾನು ಜಾರ್ಜ್‌ ಫ್ಲುಯ್ಡ್‌ ಕುಟುಂಬದ ಸೌಖ್ಯಕ್ಕಾಗಿ ಪ್ರಾರ್ಥನೆ ಮಾಡುತ್ತಿದ್ದೇನೆ. ಫ್ಲಾಯ್ಡ್‌ ಗೆ ಬೆಂಬಲ ನೀಡಲು 'ಫ್ಲಾಯ್ಡ್‌ ಎಂದು ಇಂಗ್ಲೀಷ್ ಸಂದೇಶ ಕಳುಹಿಸಿ' ಎಂದು ಸಂಖ್ಯೆಯೊಂದನ್ನು ನೀಡಿದ್ದಾರೆ ಪ್ರಿಯಾಂಕಾ ಚೋಪ್ರಾ.

ಕತ್ತಿನ ಮೇಲೆ ಕಾಲಿಟ್ಟಿದ್ದ ಪೊಲೀಸ್ ಅಧಿಕಾರಿ

ಮಿನಿಪೊಲೀಸ್‌ನಲ್ಲಿ ನಲ್ಲಿ ಒಬ್ಬ ಪೊಲೀಸ್ ಅಧಿಕಾರಿ ಜಾರ್ಜ್‌ ಫ್ಲಾಯ್ಡ್ ನ ಕತ್ತಿನ ಮೇಲೆ ಮೊಣಕಾಲು ಊರಿ ಕೂತಿದ್ದ. ಆ ವ್ಯಕ್ತಿ ನನಗೆ ಉಸಿರಾಡಲು ಆಗುತ್ತಿಲ್ಲ, ನನ್ನನ್ನು ಬಿಟ್ಟುಬಿಡಿ, ನನ್ನನ್ನು ಕೊಲ್ಲಬೇಡಿ ಎಂದು ಅಂಗಲಾಚಿದ ಆದರೆ ಆ ಪೊಲೀಸ್ ಬಿಡಲಿಲ್ಲ. ಆತ ಅಂಗಲಾಚುತ್ತಿದ್ದುದು ವಿಡಿಯೋದಲ್ಲಿ ಸೆರೆಯಾಗಿದೆ.

ಕೊಲೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ

ನಂತರ ಜಾರ್ಜ್‌ ಫ್ಲುಯ್ಡ್ ಹತನಾದ. ಘಟನಾ ಸ್ಥಳದಲ್ಲಿದ್ದ ನಾಲ್ವರು ಪೊಲೀಸರನ್ನು ಉದ್ಯೋಗದಿಂದ ವಜಾಗೊಳಿಸಲಾಗಿದೆ. ಜಾರ್ಜ್‌ ಫ್ಲುಯ್ಡ್‌ ಕತ್ತಿನ ಮೇಲೆ ಕಾಲಿಟ್ಟಿದ್ದ ಪೊಲೀಸ್ ಮೇಲೆ ಕೊಲೆ ಆರೋಪ ಹೊರಿಸಿ ಬಂಧಿಸಲಾಗಿದೆ.