Don't Miss!
- News ಮೈತ್ರಿ ಹೆಸರಿನಲ್ಲಿ ಬೆನ್ನಿಗೆ ಚೂರಿ ಹಾಕಿದರು; ಎಚ್.ಡಿ. ಕುಮಾರಸ್ವಾಮಿ ಆಕ್ರೋಶ
- Automobiles KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹಾಲಿವುಡ್ಗೆ ಹಾರಿದ ನಟ ರಣದೀಪ್ ಹೂಡಾ: ಫಸ್ಟ್ ಲುಕ್ ಹೇಗಿದೆ?
ಬಾಲಿವುಡ್ನ ಇರ್ಫಾನ್ ಖಾನ್, ಅನಿಲ್ ಕಪೂರ್, ನಸೀರುದ್ದೀನ್ ಶಾ, ಐಶ್ವರ್ಯಾ ರೈ, ದೀಪಿಕಾ ಪಡುಕೋಣೆ, ಪ್ರಿಯಾಂಕಾ ಚೋಪ್ರಾ ಮುಂತಾದವರ ಸಾಲಿಗೆ ಖ್ಯಾತ ನಟ ರಣದೀಪ್ ಹೂಡಾ ಸೇರಿಕೊಂಡಿದ್ದಾರೆ. ಇತ್ತೀಚೆಗಷ್ಟೇ ಇಮ್ತಿಯಾಜ್ ಅಲಿ ನಿರ್ದೇಶನದ 'ಲವ್ ಆಜ್ ಕಲ್' ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದ ರಣದೀಪ್ ಹೂಡಾ, ಹಾಲಿವುಡ್ಗೆ ಪಾದಾರ್ಪಣೆ ಮಾಡುತ್ತಿದ್ದಾರೆ.
Recommended Video
ನೆಟ್ಫ್ಲಿಕ್ಸ್ನ 'ಎಕ್ಸ್ಟ್ರ್ಯಾಕ್ಷನ್' ಚಿತ್ರದ ಮೂಲಕ ರಣದೀಪ್ ಹೂಡಾ, ಹಾಲಿವುಡ್ ಅಂಗಳಕ್ಕೆ ಕಾಲಿಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ಕ್ರಿಸ್ ಹೆಮ್ಸ್ವರ್ಥ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಸ್ಯಾಮ್ ಹರ್ಗ್ರೇವ್ ನಿರ್ದೇಶನದ ಮೊದಲ ಚಿತ್ರವಿದು. 'ಅವೆಂಜರ್ಸ್: ಎಂಡ್ಗೇಮ್' ಖ್ಯಾತಿಯ ನಿರ್ದೇಶಕ ಸಹೋದರರಲ್ಲಿ ಒಬ್ಬರಾದ ಜೋ ರುಸ್ಸೋ ಚಿತ್ರಕ್ಕೆ ಕಥೆ ಬರೆದಿದ್ದಾರೆ.
ಹಾಲಿವುಡ್ಗೆ ಹಾರಿದ ಬಾಲಿವುಡ್ ನಟ ಹೃತಿಕ್ ರೋಷನ್!
'ಈ ಚಿತ್ರದಲ್ಲಿ ನಾನು ಸಾಕಷ್ಟು ಆಕ್ಷನ್ ಮಾಡಬೇಕಾಗುತ್ತದೆ. ಹಾಲಿವುಡ್ನಲ್ಲಿ ಇಷ್ಟು ಆಕ್ಷನ್ ಭರಿತ ಪಾತ್ರವನ್ನು ಮಾಡುತ್ತಿರುವ ಭಾರತದ ನಟ ನಾನೇ ಮೊದಲಿಗನಿರಬೇಕು. ಹೆಮ್ಸ್ವರ್ಥ್, ರುಸ್ಸೋ ಸಹೋದರರು ಮತ್ತು ನಿರ್ದೇಶಕ ಹರ್ಗ್ರೇವ್ ಅವರೊಂದಿಗೆ ಕೆಲಸ ಮಾಡುತ್ತಿರುವುದು ಅಮೋಘ ಅನುಭವ' ಎಂದು ರಣದೀಪ್ ಹೂಡಾ ಹೇಳಿದ್ದಾರೆ.
ತಮ್ಮ ಪಾತ್ರದ ಬಗ್ಗೆ ವಿವರ ಹಂಚಿಕೊಂಡಿರುವ ಹೂಡಾ, 'ಪಾತ್ರವನ್ನು ರೆಕ್ಕಿಂಗ್ ಬಾಲ್ (ಕಟ್ಟಡ ಉರುಳಿಸಲು ಕ್ರೇನ್ನಲ್ಲಿ ಬಳಸುವ ಲೋಹದ ಬೃಹತ್ ಗುಂಡು) ಎಂದು ವರ್ಣಿಸಲಾಗಿದೆ. ಸೇನಾ ಸಿಬ್ಬಂದಿಯ ಪಾತ್ರವನ್ನು ನೀಡಿದ್ದಾರೆ. ಆಕ್ಷನ್ ದೃಶ್ಯಗಳಿಗೆ ನಾವು ಹತ್ತು ದಿನಗಳವರೆಗೆ ದಿನಕ್ಕೆ ಎರಡು ಬಾರಿ ತಾಲೀಮು ಮಾಡುತ್ತಿದ್ದೇವೆ. ನನ್ನ ಪಾತ್ರ ಇದುವರೆಗೂ ಬಹಳ ನಾಟಕೀಯವಾಗಿದೆ' ಎಂದು ರಣದೀಪ್ ವಿವರಿಸಿದ್ದಾರೆ.
ವಿಶ್ವದ ನಂ.1 ಚಿತ್ರನಿರ್ದೇಶಕನ ಮಗಳು ಈಗ ಪಾರ್ನ್ ಸ್ಟಾರ್
ಎಕ್ಸ್ಟ್ರಾಕ್ಷನ್ ನೆಟ್ಫ್ಲಿಕ್ಸ್ನಲ್ಲಿ ಏಪ್ರಿಲ್ 24ರಿಂದ ಪ್ರಸಾರವಾಗಲಿದೆ. ಈ ಹಾಲಿವುಡ್ ಸಿನಿಮಾವಲ್ಲದೆ ರಣದೀಪ್, ಸಲ್ಮಾನ್ ಖಾನ್ ನಾಯಕರಾಗಿರುವ 'ರಾಧೆ' ಚಿತ್ರದಲ್ಲಿ ನೆಗೆಟಿವ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ ಈದ್ ಹಬ್ಬದ ವೇಳೆ ಬಿಡುಗಡೆಯಾಗಲಿದೆ.