ಮುಖಪುಟ

ಹಾಲಿವುಡ್

ಪಾರ್ನ್‌ ಸಿನಿಮಾಕ್ಕೆ ಕಾಮೆಂಟೆರಿ ಕೊಡಲು ಗಾಯಕನೊಬ್ಬನಿಗೆ 7 ಕೋಟಿ ರೂ ಗೂ ಹೆಚ್ಚು ಸಂಭಾವನೆಯ ಆಫರ್ ಅನ್ನು ನೀಡಲಾಗಿದೆ.

ಖ್ಯಾತ ರ್ಯಾಪರ್ ಸ್ನೂಪ್ ಡಾಗ್‌ ಈ ಆಫರ್ ಪಡೆದಿರುವ ವ್ಯಕ್ತಿ. ಆಫರ್ ನೀಡಿರುವುದು ಐಮ್‌ಲೈವ್ ಎಂಬ ನೀಲಿ ಚಿತ್ರ ತಯಾರಿಸುವ ಸಂಸ್ಥೆ.

ನೀಲಿ ಚಿತ್ರಕ್ಕೆ ಧ್ವನಿಯ ಅವಶ್ಯಕತೆ ಏನಿದೆ ಎಂದುಕೊಳ್ಳಬೇಡಿ. ಐಮ್‌ಲೈವ್ ಸಂಸ್ಥೆಯು ಅಂದರಿಗಾಗಿ ನೀಲಿ ಚಿತ್ರಗಳನ್ನು ತಯಾರಿಸುತ್ತಿದ್ದು, ಕಣ್ಣುಕಾಣದವರಿಗೆ ತೆರೆಯ ಮೇಲೆ ಏನು ನಡೆಯುತ್ತಿದೆ ಎಂಬುದನ್ನು ಭಾವನೆ ಸಹಿತ ವಿವರಿಸಿ ಹೇಳಲಾಗುತ್ತದೆ. ಈಗಾಗಲೇ ಈ ರೀತಿಯ ವಿಡಿಯೋಗಳು ಅಂತರ್ಜಾಲದಲ್ಲಿ ಸಾಕಷ್ಟಿವೆ.

ಇದೀಗ ಗಾಯಕ ಸ್ನೂಪ್ ಡಾಗ್‌ಗೆ ಆಫರ್ ಬಂದಿದ್ದು, ನೀಲಿ ಚಿತ್ರದ ದೃಶ್ಯ ವೀಕ್ಷಕ ವಿವರಣೆಯನ್ನು ಅವರು ನೀಡಬೇಕಿದೆ. ಅದೂ ಭಾವನೆಗಳ ಸಹಿತ!

ಕೆಲವು ದಿನಗಳ ಹಿಂದಷ್ಟೆ ಸ್ನೂಪ್ ಡಾಗ್ ಬಾಕ್ಸಿಂಗ್‌ ಪಂದ್ಯವೊಂದರ ವೀಕ್ಷಕ ವಿವರಣೆ ನೀಡಿದ್ದರು. ಸ್ನೂಪ್ ಡಾಗ್ ನೀಡಿದ್ದ ವೀಕ್ಷಕ ವಿವರಣೆ ಸಾಕಷ್ಟು ಮೆಚ್ಚುಗೆ ಗಳಿಸಿತ್ತು. ಅದರ ನಂತರ ಸ್ನೂಪ್ ಡಾಗ್ ತಮ್ಮನ್ನು ವೀಕ್ಷಕ ವಿವರಣೆಗಾರರನ್ನಾಗಿ ಕರೆದುಕೊಳ್ಳಿ ಎಂದು ಕೆಲವು ಕ್ರೀಡಾ ಚಾನೆಲ್‌ಗಳಿಗೆ ತಮ್ಮ ಇನ್‌ಸ್ಟಾಗ್ರಾಂ ಮೂಲಕ ಮನವಿ ಮಾಡಿದ್ದರು.

ಇದನ್ನು ಗಮನಿಸಿದ ಐಮ್‌ಲೈವ್ ಸಂಸ್ಥೆಯು ತಮ್ಮ ನೀಲಿ ಚಿತ್ರಗಳಿಗೆ ವೀಕ್ಷಕ ವಿವರಣೆ ನೀಡುವಂತೆ ಬಹಿರಂಗ ಆಫರ್ ಅನ್ನು ನೀಡಿದೆ. ಸ್ನೂಪ್ ಡಾಗ್, ಆ ಆಫರ್ ಅನ್ನು ತೆಗೆದುಕೊಳ್ಳುತ್ತಾರಾ ಅಥವಾ ನಿರಾಕರಿಸುತ್ತಾರಾ ನೋಡಬೇಕಿದೆ.