Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತ ಪ್ರವಾಸ ಮಾಡಲು ನಿರ್ಧರಿಸಿದ 'ಸ್ಪೈಡರ್ ಮ್ಯಾನ್: ಇಡೀ ದೇಶ ಸುತ್ತಿ ತಾಜ್ ಮಹಲ್ ನೋಡುವ ಆಸೆ
ಹಾಲಿವುಡ್ ಸಿನಿಮಾಗಳು ಭಾರತದ ಬಾಕ್ಸಾಫೀಸ್ನಲ್ಲಿ ನೂರಾರು ಕೋಟಿ ಲೂಟಿ ಮಾಡುತ್ತವೆ. ಸ್ಪೈಡರ್ ಮ್ಯಾನ್, ಅವೆಂಜರ್, ಅವತಾರ್ ಅಂತ ಸಿನಿಮಾಗಳು ಭಾರತೀಯ ಸಿನಿಮಾಗಳ ದಾಖಲೆಯನ್ನೇ ಮುರಿದು ಹಾಕುತ್ತವೆ. ಆ ಮಟ್ಟಿಗೆ ಹಾಲಿವುಡ್ ಸಿನಿಮಾಗಳಿಗೆ ಭಾರತದಲ್ಲಿ ಬೇಡಿಕೆ ಇದೆ. ಕಳೆದ ವರ್ಷ ತೆರೆಕಂಡ 'ಸ್ಪೈಡರ್ ಮ್ಯಾನ್: ನೋ ವೇ ಹೋಮ್' ಸಿನಿಮಾದ ಗಳಿಕೆನೇ ಸಾಕ್ಷಿ. ಕೊರೊನಾ ಕಾಲದಲ್ಲೂ ಭಾರತದಲ್ಲಿ ಕೋಟಿ ಕೋಟಿ ಲೂಟಿ ಮಾಡಿದೆ.
Recommended Video
ಸ್ಪೈಡರ್ ಮ್ಯಾನ್ಗೆ ಭಾರತದಲ್ಲಿ ಅತೀ ಹೆಚ್ಚು ಮಂದಿ ಅಭಿಮಾನಿಗಳಿದ್ದಾರೆ. ಹೀಗಾಗಿ ಸ್ಪೈಡರ್ ಮ್ಯಾನ್ ಖ್ಯಾತಿಯ ಟಾಮ್ ಹಾಲೆಂಡ್ ಭಾರತಕ್ಕೆ ಪ್ರವಾಸ ಮಾಡಲು ಮನಸ್ಸು ಮಾಡಿದ್ದಾರೆ. ಇತ್ತೀಚೆಗ ನಡೆದ ಸಂದರ್ಶನದಲ್ಲಿ ಭಾರತ ಪ್ರವಾಸ ಮಾಡುವುದಾಗಿ ತಿಳಿಸಿದ್ದಾರೆ. ಭಾರತದಲ್ಲಿರುವ ಅಭಿಮಾನಿಗಳನ್ನು ಭೇಟಿ ಮಾಡಲು ನಿರ್ಧಾರ ಮಾಡಿದ್ದಾರೆ. ಹಾಗಿದ್ದರೆ. 'ಸ್ಪೈಡರ್ ಮ್ಯಾನ್' ಯಾವಾಗ ಭಾರತ ಬರುತ್ತಾರೆ? 'ಸ್ಪೈಡರ್ ಮ್ಯಾನ್' ಆಸೆ ಏನು? ತಿಳಿಯಲು ಮುಂದೆ ಓದಿ.
ಸ್ಪೈಡರ್ಮ್ಯಾನ್ ಮೇಲೆ ಮುಗಿಬಿದ್ದ ಹಳೆ ವಿಲನ್ಗಳು: ರೋಚಕ ಹಣಾಹಣಿ
'ಸ್ಪೈಡರ್ ಮ್ಯಾನ್' ಭಾರತ ಪ್ರವಾಸ
'ಸ್ಪೈಡರ್ ಮ್ಯಾನ್' ಖ್ಯಾತಿಯ ಟಾಮ್ ಹಾಲೆಂಡ್ಗೆ ಭಾರತದ ಮೇಲೆ ವಿಶೇಷವಾದ ಒಲವಿದೆ. ಅದರಲ್ಲೂ ಟಾಮ್ ನಟಿಸಿದ 'ಸ್ಪೈಡರ್ ಮ್ಯಾನ್' ಸರಣಿಗಳು ಭಾರತದಲ್ಲಿ ಗೆದ್ದಿವೆ. ಈ ಕಾರಣಕ್ಕೆ ಭಾರತ ಮೇಲೆ ವಿಶೇಷವಾದ ಒಲವಿದೆ. ಇತ್ತೀಚೆಗೆ ಮಾಧ್ಯಮಗಳೊಂದಿಗೆ ನಡೆದ ಸಂದರ್ಶನದಲ್ಲಿ ಭಾರತ ಮೇಲೆ ತನ್ನ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ. ಭಾರತಕ್ಕೆ ಪ್ರವಾಸ ಮಾಡಿ, ಇದೇ ದೇಶವನ್ನು ಸುತ್ತಬೇಕೆಂಬ ಆಸೆ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ ಇದೇ ವೇಳೆ ತಾಜ್ ಮಹಲ್ ಅನ್ನು ನೋಡುವುದಾಗಿ ತಿಳಿಸಿದ್ದಾರೆ.
ಕಾರಿನ ಮೇಲೆ ಕಾರು ಹತ್ತಿಸಿದ ಹಾಲಿವುಡ್ ಸ್ಟಾರ್: ಮಹಿಳೆ ಗಂಭೀರ
'ನಾನು ಭಾರತದ ದೊಡ್ಡ ಅಭಿಮಾನಿ'
"ನಾನು ಭಾರತದ ಅತೀ ದೊಡ್ಡ ಅಭಿಮಾನಿ. ಆದರೆ ನಾನು ಈಗಾಗಲೇ ಹೇಳಿದ ಹಾಗೇ ಅಲ್ಲಿಗೆ ಹೋಗಲು ಅವಕಾಶ ಸಿಕ್ಕಿಲ್ಲ. ಭಾರತದಲ್ಲಿರುವ ನನ್ನ ಅಭಿಮಾನಿಗಳು ನನಗೆ ತೋರಿದ ಪ್ರೀತಿ ಹಾಗೂ ಬೆಂಬಲಕ್ಕೆ ನಾನು ಧನ್ಯನಾಗಿದ್ದೇನೆ. ನಾನು ಒಂದು ದಿನ ಭಾರತಕ್ಕೆ ಬರುತ್ತೇನೆ. ಅಲ್ಲಿರುವ ನನ್ನ ಅಭಿಮಾನಿಗಳನ್ನು ಭೇಟಿ ಮಾಡುತ್ತೇನೆ. ಒಂದು ಭಾರತದಲ್ಲಿಯೇ ನನ್ನ ಸಿನಿಮಾದ ಚಿತ್ರೀಕರಣ ನಡೆಯಬಹುದು. ತಾಜ್ ಮಹಲ್ ಸೇರಿದಂತೆ ಭಾರತದ ಪ್ರತಿಯೊಂದು ಭಾಗವನ್ನು ನಾನು ನೋಡಲು ಬಯಸುತ್ತೇನೆ. ಸುಂದರವಾದದ್ದು ಏನಿದೆಯೋ ಅದೆಲ್ಲವನ್ನೂ ನೋಡಲು ಬಯಸುತ್ತೇನೆ. ಎಂದು ಸ್ಪೈಡರ್ ಮ್ಯಾನ್ ಖ್ಯಾತಿಯ ಟಾಮ್ ಹಾಲೆಂಡ್ ತಿಳಿಸಿದ್ದಾರೆ.
ಭಾರತದಲ್ಲಿ 'ಸ್ಪೈಡರ್ ಮ್ಯಾನ್' ದೋಚಿದ್ದೆಷ್ಟು?
2021ರ ಡಿಸೆಂಬರ್ ತಿಂಗಳಲ್ಲಿ 'ಸ್ಪೈಡರ್ ಮ್ಯಾನ್: ನೋ ವೇ ಹೋಮ್' ಸಿನಿಮಾ ಬಿಡುಗಡೆಯಾಗಿತ್ತು. ಈ ಸಿನಿಮಾ ಭಾರತದಲ್ಲಿಯೇ ಸುಮಾರು 260 ಕೋಟಿ ರೂಪಾಯಿಗೂ ಅಧಿಕ ಗಳಿಕೆ ಕಂಡಿದೆ. ಕೊರೊನಾ ಭೀತಿಯ ನಡುವೆಯೂ ಈ ಸಿನಿಮಾವನ್ನು ಥಿಯೇಟರ್ಗೆ ಹೋಗಿ ನೋಡಿದ್ದಾರೆ. ಹೀಗಾಗಿ ಹಿಂದೆ ಬಂದ 'ಸ್ಪೈಡರ್ ಮ್ಯಾನ್' ಸರಣೆಯಂತೆ, ಅವೆಂಜರ್ ಸಿನಿಮಾದಂತೆ ಈ ಸಿನಿಮಾ ಕೂಡ ಬಾಕ್ಸಾಫೀಸ್ನಲ್ಲಿ ಬೇಜಾನ್ ಸದ್ದು ಮಾಡಿದೆ.
'ದಿ ಲಾರ್ಡ್ ಆಫ್ ದಿ ರಿಂಗ್ಸ್' ವೆಬ್ ಸರಣಿ ಘೋಷಿಸಿದ ಅಮೆಜಾನ್ ಪ್ರೈಂ
4 ಭಾಷೆಯಲ್ಲಿ 'ಅನ್ಚಾರ್ಟೆಡ್' ರಿಲೀಸ್
ಫೆಬ್ರವರಿ 18ರಂದು ಟಾಮ್ ಹಾಲೆಂಡ್ ನಟಿಸಿದ 'ಅನ್ಚಾರ್ಟೆಡ್' ಸಿನಿಮಾ 4 ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. 500 ವರ್ಷಗಳಷ್ಟು ಹಳೆಯದಾದ ನಿಧಿಯನ್ನು ಹುಡುಕುವ ಕತೆಯೆಂದು ಮೇಲ್ನೋಟಕ್ಕೆ ಅನಿಸುತ್ತಿದೆ. ಹೀಗಾಗಿ ಈ ಸಿನಿಮಾ ಸಾಕಷ್ಟು ಕುತೂಹಲ ಹುಟ್ಟಿಸಿದೆ. 'ಸ್ಪೈಡರ್ ಮ್ಯಾನ್' ಸಿನಿಮಾ ಗೆದ್ದ ಬಳಿಕವೇ ಮತ್ತೊಂದು ಸಿನಿಮಾ ಬಿಡುಗಡೆಯಾಗುತ್ತಿದೆ. ಇದು ಭಾರತದಲ್ಲಿ ಇಂಗ್ಲಿಷ್, ಹಿಂದಿ, ತಮಿಳು ಹಾಗೂ ತೆಲುಗು ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗುತ್ತಿದೆ.