Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸ್ಪೈಡರ್ಮ್ಯಾನ್ ಮೇಲೆ ಮುಗಿಬಿದ್ದ ಹಳೆ ವಿಲನ್ಗಳು: ರೋಚಕ ಹಣಾಹಣಿ
ಮಾರ್ವೆಲ್ ಯೂನಿವರ್ಸ್ನ ಜನಪ್ರಿಯ ಸೂಪರ್ ಹೀರೋ ಸ್ಪೈಡರ್ಮ್ಯಾನ್ನ ಹೊಸ ಸಿನಿಮಾ 'ಸ್ಪೈಡರ್ಮ್ಯಾನ್; ನೋ ವೇ ಹೋಮ್'ನ ಅಧಿಕೃತ ಟ್ರೈಲರ್ ಬಿಡುಗಡೆ ಆಗಿದ್ದು, ಸ್ಪೈಡರ್ಮ್ಯಾನ್ ಮೇಲೆ ಎಲ್ಲ ಮಾಜಿ ವಿಲನ್ಗಳು ಒಟ್ಟಿಗೆ ಮುಗಿಬಿದ್ದಿರುವುದು ಟ್ರೇಲರ್ನಿಂದ ಗೊತ್ತಾಗುತ್ತಿದೆ.
ನಿನ್ನೆಯಷ್ಟೇ 'ಸ್ಪೈಡರ್ಮ್ಯಾನ್; ನೋ ವೇ ಹೋಮ್'ನ ಟ್ರೇಲರ್ ಬಿಡುಗಡೆ ಆಗಿದ್ದು, ಟ್ರೇಲರ್ನಿಂದ ಗೊತ್ತಾಗುತ್ತಿರುವ ಅಂಶವೆಂದರೆ ಸ್ಪೈಡರ್ಮ್ಯಾನ್ ಯಾರೆಂಬುದು ಎಲ್ಲರಿಗೂ ಗೊತ್ತಾಗಿದೆ. ಅದು ಮಾತ್ರವೇ ಅಲ್ಲದೆ ಸ್ಪೈಡರ್ಮ್ಯಾನ್ ಅನ್ನು ಅಪರಾಧಿಯೆಂದು ಸರ್ಕಾರ ಆತನನ್ನು ಬಂಧಿಸಲು ಯತ್ನಿಸುತ್ತಿದೆ. ಇದು ಸ್ವತಃ ಸ್ಪೈಡರ್ಮ್ಯಾನ್ ಆಗಿರುವ ಪೀಟರ್ ಪಾರ್ಕರ್ಗೆ ಹಿಡಿಸುತ್ತಿಲ್ಲ. ಹಾಗಾಗಿ ಆತ ಡಾಕ್ಟರ್ ಸ್ಟ್ರೇಂಜ್ನ ಸಹಾಯದೊಂದಿಗೆ ಸಮಯವನ್ನು ಹಿಂದಕ್ಕೆ ಚಲಿಸುವಂತೆ ಮಾಡುತ್ತಾನೆ, ತನ್ನ ಗುರುತು ಪತ್ತೆಯಾಗದಿರುವಂತೆ ಮಾಡಲು ಯತ್ನಿಸುತ್ತಾನೆ.
ಆದರೆ ಇದರಿಂದಾಗಿ ಸ್ಪೈಡರ್ಮ್ಯಾನ್ನ ಹಳೆಯ ಶತ್ರುಗಳೆಲ್ಲ ಜೀವಂತವಾಗಿ ಮತ್ತೆ ಸ್ಪೈಡರ್ಮ್ಯಾನ್ ಮೇಲೆ ಯುದ್ಧ ಸಾರುತ್ತಾರೆ. ಸ್ಲೈಡರ್ಮ್ಯಾನ್ ಮೊದಲ ಸಿನಿಮಾದ ವಿಲನ್ ಗ್ರೀನ್ ಗಾಬ್ಲಿಂಗ್ ಆ ನಂತರ ಸಿನಿಮಾ ಸರಣಿಗಳ ವಿಲನ್ಗಳಾದ ಸ್ಯಾಂಡ್ಮ್ಯಾನ್, ಡಾಕ್ಟರ್ ಹಾಕ್, ಲಿಜರ್ಡ್ ಮ್ಯಾನ್, ಎಲೆಕ್ಟ್ರಾ ಮ್ಯಾನ್, ಬ್ಕ್ಯಾಲ್ ಸ್ಪೈಡರ್ ಇನ್ನೂ ಕೆಲವು ವಿಲನ್ಗಳು ಸಿನಿಮಾದಲ್ಲಿದ್ದಾರೆ. ಸ್ಪೈಡರ್ಮ್ಯಾನ್ ಮೊದಲ ಸಿನಿಮಾದಲ್ಲಿದ್ದ ಪತ್ರಿಕೆ ಎಡಿಟರ್ ಪಾತ್ರವೂ 'ಸ್ಪೈಡರ್ಮ್ಯಾನ್ ನೋ ವೇ ಹೋಮ್' ಸಿನಿಮಾದಲ್ಲಿದೆ.
ಹಲವು ವಿಲನ್ಗಳು ಒಮ್ಮೆಲೆ ಸ್ಪೈಡರ್ಮ್ಯಾನ್ ಮೇಲೆ ಮುಗಿಬೀಳುವ ಜೊತೆಗೆ ಡಾಕ್ಟರ್ ಸ್ಟ್ರೇಂಜ್ ಸಹ ಸ್ಪೈಡರ್ಮ್ಯಾನ್ ಮೇಲೆ ಫೈಟ್ ಮಾಡುತ್ತಿರುವ ದೃಶ್ಯಗಳು ಟ್ರೇಲರ್ನಲ್ಲಿದೆ. ಇದು ಸ್ಪೈಡರ್ ಅಭಿಮಾನಿಗಳಿಗೆ ಆಶ್ಚರ್ಯ ತರಿಸಿದೆ.
ಆದರೆ ಸಿನಿಮಾದಲ್ಲಿ ಮತ್ತೊಂದು ಆಸಕ್ತಿದಾಯಕ ಅಂಶವೂ ಇದೆ. ಡಾಕ್ಟರ್ ಸ್ಟ್ರೇಂಜ್ನಿಂದಾಗಿ ಈ ಹಿಂದಿನ ವಿಲನ್ಗಳು ವರ್ತಮಾನಕ್ಕೆ ಬರುತ್ತಾರೆ ಜೊತೆಗೆ ಹಳೆಯ ಸ್ಪೈಡರ್ಮ್ಯಾನ್ಗಳು ಸಹ ಬರುತ್ತಾರೆ. ಈ ಅಂಶವನ್ನು ಇದೀಗ ಬಿಡುಗಡೆ ಆಗಿರುವ ಟ್ರೇಲರ್ನಲ್ಲಿ ತೋರಿಸಿಲ್ಲವಾದರೂ ಈ ಬಗ್ಗೆ ಟ್ರೇಲರ್ನಲ್ಲಿ ಕೆಲವು
ಸುಳಿವುಗಳಂತೂ ಇವೆ. ಡಾಕ್ ಹಾಕ್ ಹಾಗೂ ಬ್ಲ್ಯಾಕ್ ಸ್ಪೈಡರ್ಮ್ಯಾನ್, ಹಾಲಿ ಸ್ಪೈಡರ್ಮ್ಯಾನ್ ಪರವಾಗಿ ಉಳಿದ ವಿಲನ್ಗಳ ಜೊತೆ ಫೈಟ್ ಮಾಡುವ ಬಗ್ಗೆಯೂ ಕೆಲವು ಸುಳಿವುಗಳು ಟ್ರೇಲರ್ನಲ್ಲಿದೆ. ಆದರೆ ನಾಯಕಿ ಎಂಜಿ ಸಹ ಹಳೆಯ ರೂಪದಲ್ಲಿ ಮರಳಿ ಬರುತ್ತಾಳೊ ಇಲ್ಲವೋ ಸಿನಿಮಾ ನೋಡಿದ ಮೇಲೆಯೇ ಗೊತ್ತಾಗಲಿದೆ.
'ಸ್ಪೈಡರ್ಮ್ಯಾನ್ ನೋ ವೇ ಹೋಮ್' ಸಿನಿಮಾವು ಡಿಸೆಂಬರ್ 17 ರಂದು ಪ್ರಪಂಚದಾದ್ಯಂತ ಬಿಡುಗಡೆ ಆಗಲಿದೆ. ಈ ಸಿನಿಮಾವು ಸ್ಪೈಡರ್ಮ್ಯಾನ್ ಫ್ರಾಂಚೈಸಿಯ ಕೊನೆಯ ಸಿನಿಮಾ ಎನ್ನಲಾಗುತ್ತಿದೆ. ಅಥವಾ ಕೆಲವು ವರ್ಷಗಳಿಂದ ಸ್ಪೈಡರ್ಮ್ಯಾನ್ ಆಗಿ ನಟಿಸುತ್ತಿರುವ ಟಾಮ್ ಹಾಲೆಂಡ್ರ ಕೊನೆಯ ಸಿನಿಮಾ ಆಗಲಿದೆ ಎಂಬ ಸುದ್ದಿಯೂ ಇದೆ. 'ನೋ ವೇ ಹೋಮ್' ಅನ್ನು ಜಾನ್ ವ್ಯಾಟ್ಸ್ ನಿರ್ದೇಶನ ಮಾಡಿದ್ದಾರೆ. ಜಾನ್ ವ್ಯಾಟ್ಸ್ ಈ ಹಿಂದೆ 'ಸ್ಪೈಡರ್ಮ್ಯಾನ್; ಹೋಮ್ ಕಮಿಂಗ್' ಮತ್ತು 'ಸ್ಪೈಡರ್ಮ್ಯಾನ್; ಫಾರ್ ಫ್ರಮ್ ಹೋಮ್' ಸಿನಿಮಾ ನಿರ್ದೇಶಿಸಿದ್ದರು. ಇವುಗಳ ಜೊತೆಗೆ 'ಕ್ಲೌನ್', 'ಕಾಪ್ ಕಾರ್' 'ಫೆಂಟಾಸ್ಟಿಕ್ ಫೋರ್' ಸಿನಿಮಾ ಸಹ ನಿರ್ದೇಶನ ಮಾಡಿದ್ದಾರೆ.