Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಲಕ್ಷಾಂತರ ಡಾಲರ್ ಗೆ ಮರ್ಲಿನ್ ಮನ್ರೋ ಬ್ರಾ ಹರಾಜು
ತನ್ನ ಮರಣಾನಂತರವೂ ಅಭಿಮಾನಿಗಳ ಹೃದಯದಲ್ಲಿ ಭದ್ರ ಸ್ಥಾನ ಸಂಪಾದಿಸಿದ ವಿಶ್ವವಿಖ್ಯಾತ ಸೆಕ್ಸಿ ತಾರೆ ಮರ್ಲಿನ್ ಮನ್ರೋ. ಹಾಲಿವುಡ್ ನಲ್ಲಿ ಮರ್ಲಿನ್ ಅವರು ಸೃಷ್ಟಿಸಿದಷ್ಟು ಸಂಚಲನ ಇನ್ಯಾವ ತಾರಾಮಣಿ ಕೈಯಲ್ಲೂ ಸಾಧ್ಯವಾಗಲಿಲ್ಲ. ಕೇವಲ ಅಮೆರಿಕಾದಲ್ಲಷ್ಟೇ ಅಲ್ಲ, ಜಗತ್ತಿನಾದ್ಯಂತ ಆಕೆಯ ಹೆಸರು ಕೇಳಿದರೆ ಹುಚ್ಚೆದ್ದು ಕುಣಿಯವ ಅಭಿಮಾನಿಗಳಿದ್ದಾರೆ.
ಹತ್ತು ವರ್ಷಗಳಲ್ಲಿ ಅಭಿನಯಿಸಿದ್ದು ಕೇವಲ ಹನ್ನೊಂದು ಸಿನಿಮಾಗಳಲ್ಲಿ ಮಾತ್ರ. ಆದರೆ ಬೆಳ್ಳಿತೆರೆಯ ಮೇಲೆ ಅಳಿಸಲಾಗದ ಮುದ್ರೆ ಒತ್ತಿದರು. ನ್ಯೂಯಾರ್ಕ್ ಪತ್ರಿಕೆಗಳಲ್ಲಿ ಆ ದಿನಗಳಲ್ಲಿ ಆಕೆಯ ಫೋಟೋ, ಗಾಸಿಪ್, ಲೇಖನ, ವರದಿ ಇಲ್ಲದ ದಿನಗಲೇ ಇರುತ್ತಿರಲಿಲ್ಲ.
ತನ್ನ 36ನೇ ವರ್ಷದಲ್ಲಿ ಮರ್ಲಿನ್ ಮನ್ರೋ ಹೆಚ್ಚಿನ ನಿದ್ರೆ ಮಾತ್ರೆಗಳನ್ನು ತೆಗೆದುಕೊಂಡ ಕಾರಣ ಚಿರನಿದ್ರೆಗೆ ಜಾರಿದರು (ಆಗಸ್ಟ್ 6, 1962). ಅದು ಹತ್ಯೆಯೋ, ಆತ್ಮಹತ್ಯೆಯೋ ಎಂಬ ಬಗ್ಗೆ ಈಗಲೂ ಗೊಂದಲ ಇದೆ.
ಮರ್ಲಿನ್ ಮನ್ರೋ ಸಾವಿನ ವಾರ್ತೆ ಕೇಳಿ ಜಗತ್ತಿನಾದ್ಯಂತ ಆಕೆಯ 24 ಮಂದಿ ಅಭಿಮಾನಿಗಳು ಆತ್ಮಹತ್ಯೆಗೆ ಶರಣಾದರು. ಈಗಲೂ ಅವರು ಬಳಸಿದ ವಸ್ತ್ರಗಳು, ವಸ್ತುಗಳನ್ನು ಹರಾಜು ಹಾಕಿದರೆ ಲಕ್ಷಾಂತರ ಡಾಲರ್ ಕೊಟ್ಟು ಶ್ರೀಮಂತರು ಖರೀದಿಸುತ್ತಿದ್ದಾರೆ.
ಮರ್ಲಿನ್ ಮನ್ರೋಗೆ ಸಂಬಂಧಿಸಿದ ಕೆಲವು ವಸ್ತುಗಳನ್ನು ಇತ್ತೀಚೆಗೆ ಹರಾಜು ಹಾಕಲಾಯಿತು. ಅವರಿಗೆ ಸಂಬಂಧಿಸಿದ ಲವ್ ಲೆಟರ್, ಅವರು ಬಳಸಿದ್ದ ಬ್ರಾ, ಕೋಟು ಇನ್ನಷ್ಟು ವಸ್ತುಗಳನ್ನು ಹರಾಜು ಹಾಕಲಾಯಿತು. ಮರ್ಲಿನ್ ಧರಿಸಿದ್ದ ಸಿಲ್ಕ್ ಓವರ್ ಕೋಟ್ 1,75,00 ಡಾಲರ್ ಗೆ ಮಾರಾಟವಾಗಿದೆ.
ಅವರು ಧರಿಸಿದ್ದ ಬ್ಲ್ಯಾಕ್ ಕಾಕ್ ಟೈಯಿಲ್ ಡ್ರೆಸ್, ಒಪೆರಾ ಕೋಟ್ 93,750 ಡಾಲರ್ ಗೆ ಮಾರಾಟವಾಗಿದೆ. ಅದರಲ್ಲೂ ಶ್ವೇತ ವರ್ಣದ ಬ್ರಾ 20,000 ಡಾಲರ್ ಗೆ ಹರಾಜಾಗಿದೆ. ಸಣ್ಣ ಲಿಪ್ ಬ್ರಷ್ 10,000 ಡಾಲರ್, ಮೇಕಪ್ ಕಾಂಪಾಕ್ಟ್ 46,875 ಡಾಲರ್ ಗೆ ಹರಾಜಾದ ಇತರೆ ವಸ್ತುಗಳು. (ಏಜೆನ್ಸೀಸ್)