ಬೆಸ್ಟ್‌ ನಿರ್ದೇಶಕನ ಸಿನಿಮಾ ನೋಡಲು ಮುಸುಕು ಧರಿಸಿ ಚಿತ್ರಮಂದಿರಕ್ಕೆ ಬಂದ ಟಾಮ್ ಕ್ರೂಸ್

ಕೆಲವು ದೇಶಗಳಲ್ಲಷ್ಟೆ ಟೆನೆಟ್ ಬಿಡುಗಡೆ ಆಗಿದೆ

ಅಮೆರಿಕ ಸೇರಿ ಕೆಲವೆಡೆಯಷ್ಟೆ 'ಟೆನೆಟ್' ಸಿನಿಮಾ ಬಿಡುಗಡೆ ಆಗಿದೆ. ಮಿಶನ್ ಇಂಪಾಸಿಬಲ್ ಖ್ಯಾತಿಯ ಟಾಮ್ ಕ್ರೂಸ್ ಮೊದಲ ದಿನವೇ ಸಿನಿಮಾ ನೋಡಲು ಹೋಗಿದ್ದಾರೆ. ಚಿತ್ರಮಂದಿರದಲ್ಲಿ ಸಾಮಾನ್ಯರಂತೆ ಕೂತು ಸಿನಿಮಾ ನೋಡಿ ಬಂದಿದ್ದಾರೆ ಟಾಮ್.

ಮಾಸ್ಕ್ ಧರಿಸಿದ್ದರೂ ಗುರುತಿಸಿದ ಮಕ್ಕಳು

ಟಾಮ್ ಕ್ರೂಸ್ ಮಾಸ್ಕ್‌ ಧರಿಸಿಕೊಂಡೆ ಚಿತ್ರಮಂದಿರಕ್ಕೆ ಹೋಗಿದ್ದಾರೆ. ಆದರೆ ದಾರಿಯಲ್ಲಿಯೇ ಕೆಲವು ಮಕ್ಕಳು ಟಾಮ್ ಕ್ರೂಸ್ ಅನ್ನು ಗುರುತಿಸಿದ್ದಾರೆ. ಮಾಸ್ಕ್ ಹಾಕಿಕೊಂಡಿದ್ದರೂ ತಮ್ಮನ್ನು ಗುರುತಿಸಿದ್ದರ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ ಟಾಮ್ ಕ್ರೂಸ್.

ಸಿನಿಮಾವನ್ನು ಬಹುವಾಗಿ ಮೆಚ್ಚಿಕೊಂಡ ಟಾಮ್ ಟ್ರೂಸ್

ಸಿನಿಮಾ ನೋಡಿದ ಬಳಿಕ, ಎಲ್ಲರಿಗೂ ಮರಳಿ ಚಿತ್ರಮಂದಿರಕ್ಕೆ ಬಂದಿರುವುದಕ್ಕೆ ಧನ್ಯವಾದ ಹೇಳಿರುವ ಟಾಮ್ ಕ್ರೂಸ್, ಟೆನೆಟ್ ಸಿನಿಮಾ ನನಗೆ ಬಹಳ ಇಷ್ಟವಾಯಿತು ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ನಿರ್ದೇಶಕನ ಕಲ್ಪನೆಗೆ ಚಪ್ಪಾಳೆ ತಟ್ಟಿ ಅಭಿನಂದನೆ ಸಲ್ಲಿಸಿದ್ದಾರೆ.

ಅಂತರಿಕ್ಷದಲ್ಲಿ ಚಿತ್ರೀಕರಣ ನಡೆಸಲಿದ್ದಾರೆ

ಟಾಮ್ ಕ್ರೂಸ್ ಮಿಶನ್ ಇಂಪಾಸಿಬಲ್ ನ 7 ನೇ ಸರಣಿಯ ಚಿತ್ರೀಕರಣದಲ್ಲಿ ತೊಡಗಿಕೊಂಡಿದ್ದಾರೆ. ಈ ಸಿನಿಮಾದ ನಿರ್ಮಾಪಕರಾಗಿರುವ ಟಾಮ್ ಕ್ರೂಸ್, ಅದ್ಭುತ ಸಾಹಸಭರಿತ ಮಿಶನ್ ಇಂಪಾಸಿಬಲ್ ಸರಣಿಯ ಹೊಸ ಸಿನಿಮಾವನ್ನು ಅಂತರಿಕ್ಷದಲ್ಲಿ ಚಿತ್ರೀಕರಣ ಮಾಡಲಿದ್ದಾರೆ.