ನಿವೇದಿತಾ ಗೌಡಗೆ ಬಂದಿದೆ ಎರಡು ಹೊಸ ಸಿನಿಮಾ ಆಫರ್!

ಹೇಗಿತ್ತು ನಿಮ್ಮ ಇಡೀ 'ಬಿಗ್ ಬಾಸ್' ಜರ್ನಿ ?

''ತುಂಬ ಚೆನ್ನಾಗಿತ್ತು. ಬಿಗ್ ಬಾಸ್ ಕಾರ್ಯಕ್ರಮಕ್ಕೆ ನಾನು ತುಂಬ ಇಷ್ಟ ಪಟ್ಟು ಹೋಗಿದೆ. ನಾನು ಅಲ್ಲಿಗೆ ಹೋಗಬೇಕು ಅಂತ ಕನಸು ಕಂಡಿದೆ. ಅಲ್ಲಿ ಕೆಲವು ಕಷ್ಟ ಇತ್ತು ಆದರೆ ನಾನು ಮ್ಯಾನೆಜ್ ಮಾಡಿಕೊಂಡೆ. ಅಲ್ಲಿ ತುಂಬ ಖುಷಿ ಇತ್ತು.''

ಬಿಗ್ ಬಾಸ್ ಮನೆಗೆ ಮೊದಲು ಹೋದಾಗ ಅಲ್ಲಿಗೆ ಹೇಗೆ ಹೊಂದುಕೊಂಡ್ರಿ?

''ಮೊದಲು ಹೋದಾಗ ತುಂಬ ಟೆನ್ಷನ್ ಇತ್ತು. ಆದರೆ ಎಲ್ಲರ ಜೊತೆಗೆ ಚೆನ್ನಾಗಿ ಹೊಂದುಕೊಂಡೆ. ನಾನು ಕಾಮನ್ ಮ್ಯಾನ್ ಆಗಿ ಅಲ್ಲಿಗೆ ಹೋಗಿದ್ದರು ನನಗೆ ಯಾವುದು ಫೀಲ್ ಇರಲಿಲ್ಲ. ಒಬ್ಬ ಪರ್ಸನ್ ಆಗಿ ನಾನು ಹೋಗಿದೆ ಅಷ್ಟೆ.''

ಚಂದನ್ ಶೆಟ್ಟಿ ಜೊತೆಗೆ ಸಿನಿಮಾ ಮಾಡ್ತಿರಂತೆ ಹೌದಾ?

''ನಾನು ಸಿನಿಮಾ ಬಗ್ಗೆ ಸದ್ಯ ತಲೆ ಕೆಡಿಸಿಕೊಂಡಿಲ್ಲ. ನಾನು ಮೊದಲು ನನ್ನ ವಿದ್ಯಾಬ್ಯಾಸ ಮುಂದುವರೆಸಬೇಕು.''

ಬಿಗ್ ಬಾಸ್ ಮನೆಯಲ್ಲಿ ಸ್ಟ್ರಾಟೆಜಿ ಇಟ್ಟುಕೊಂಡು ಆಟ ಆಗಿದ್ರಾ?

''ನಾನು ನಿವೇದಿತಾ ಆಗಿ ಮನೆಯಲ್ಲಿ ಇದ್ದೇ. ಕೆಲವರು ಸ್ಟ್ರಾಟೆಜಿ.. ಗೇಮ್ ಪ್ಲಾನ್.. ಅಂತ್ತಾರೆ. ಅದು ಏನು ಅಂತ ಈಗಲೂ ನನಗೆ ಗೊತ್ತಿಲ್ಲ. ಯಾರು ನನಗೆ ಸ್ಟ್ರಾಟೆಜಿ ಮಾಡಿದ್ದೀನಿ ಅಂತ ಹೇಳಿದ್ದರೋ ಅವರೇ ಸ್ಟ್ರಾಟೆಜಿ ಮಾಡಿದ್ದಾರೆ. ನಾನು ಎಲ್ಲ ವಿಷಯದಲ್ಲಿಯೂ ಡೈರೆಕ್ಟ್ ಆಗಿ ಮಾತನಾಡುತ್ತಿದೆ.''

ಯಾವ ಟಾಸ್ಕ್ ತುಂಬ ಇಷ್ಟ ಆಗಿದ್ದು.. ಯಾವುದು ಕಷ್ಟ ಇತ್ತು..?

''ಸ್ಕೂಲ್ ಟಾಸ್ಕ್ ನನಗೆ ತುಂಬ ಇಷ್ಟ ಆಯ್ತು. ಯಾಕಂದ್ರೆ ಅದರಲ್ಲಿ ನಾನು ಕ್ಯಾಪ್ಟನ್ ಆಗಿದ್ದೆ. ಎಲ್ಲವನ್ನು ನಾನೇ ನೋಡಿಕೊಳ್ಳಬೇಕಿತ್ತು. ಚಾಲೆಂಜಿಂಗ್ ಆಗಿ ಇತ್ತು. ಅದು ಬಿಟ್ಟರೆ ಕೋಳ ಹಾಕಿದ್ದ ಟಾಸ್ಕ್ ಇಷ್ಟ ಆಯ್ತು. ಕೊನೆ ವಾರದ ಎಲ್ಲ ಟಾಸ್ಕ್ ಇಷ್ಟ ಆಯ್ತು. ನನಗೆ ಕಷ್ಟ ಅಂತ ಯಾವುದು ಟಾಸ್ಕ್ ಅನಿಸಿಲ್ಲ.''

'ಬಿಗ್ ಬಾಸ್'ಗೆ ಹೋದಾಗ ಒಂದು ವಾರ ಇದ್ದರೆ ಸಾಕು ಅಂತ ಹೇಳಿದ್ರಿ.. ಆದರೆ ಅಷ್ಟೊಂದು ದಿನ ಇದ್ರಿ ಅದು ಹೇಗೆ?

''ನನಗೆ 106 ದಿನ ಇರಬೇಕು ಅಂತ ಇಷ್ಟ ಇತ್ತು. ಅಲ್ಲಿ ತುಂಬ ಹೆಸರು ಮಾಡಿದ ಸ್ಪರ್ಧಿಗಳೆ ಬಂದಿದ್ದರು. ಅದರ ಜೊತೆಗೆ ನಾನು ಕಾಂಪೀಟ್ ಮಾಡುತ್ತೇನಾ.. ಇಲ್ವಾ.. ಎಂದು ಒಂದು ವಾರ ಇದ್ದರೆ ಸಾಕು ಎಂದು ಮೊದಲು ಅಂದು ಕೊಂಡೆ. ಆಮೇಲೆ ನಾನು ಸೇವ್ ಆಗ್ತಾ ಆಗ್ತಾ ನನಗೆ ಒಂದು ಆತ್ಮವಿಶ್ವಾಸ ಬಂತು.''

ಒಂದು ಟಾಸ್ಕ್ ನಲ್ಲಿ ಚಂದನ್ ಶೆಟ್ಟಿ ಅವರು ಔಟ್ ಆಗಲಿ ಎಂದು ಹೇಳಿದ್ರಿ ಯಾಕೆ?

''ಕೋಳದ ಟಾಸ್ಕ್ ನಲ್ಲಿ ನಾನು ಮತ್ತು ಚಂದನ್ ಇಬ್ಬರಲ್ಲಿ ಒಬ್ಬರನ್ನು ನಾಮಿನೇಟ್ ಆಗಬೇಕಿತ್ತು. ಆಗ ಅಷ್ಟೇ ಅವರ ಹೆಸರನ್ನು ತೆಗೆದುಕೊಂಡೆ. ಅದು ಬಿಟ್ಟರೆ ಬೇರೆ ಯಾವುದೇ ಟೈಂ ನಲ್ಲಿಯೂ ನಾನು ಚಂದನ್ ನಾಮಿನೇಟ್ ಮಾಡಿಲ್ಲ.''

ಕೆಲವೊಂದು ಟಾಸ್ಕ್ ನಲ್ಲಿ ಭಾಗವಹಿಸುವುದಕ್ಕೆ ನೀವು ಹಿಂಜರಿಯುತ್ತ ಇದ್ರಾ?

''ಮೊದಲು ಎಲ್ಲರೂ ನನಗೆ ಆಗಲ್ಲ ಎಂದು ಹೇಳಿದರು. ನನಗೆ ಅದೇ ವಿಷಯ ಮೈಂಡ್ ನಲ್ಲಿ ಬಂತು. ಅದಕ್ಕೆ ಮೊದ ಮೊದಲು ನಾನು ಹೆಚ್ಚು ಟಾಸ್ಕ್ ಮಾಡಲಿಲ್ಲ. ಆಮೇಲೆ ನನಗೂ ಎಲ್ಲ ಟಾಸ್ಕ್ ಮಾಡಬೇಕು ಅನಿಸಿತು.''

ಯಾರಾದರೂ ನಿಮ್ಮನ್ನು ಡಾಮಿನೇಟ್ ಮಾಡಿದ್ರಾ?

''ನನಗೆ ಏನಾದರೂ ಹೇಳಬೇಕು ಅನಿಸಿದರೆ ಹೇಳುತ್ತಿದೆ. ನನಗೆ ಬೇಕಾದನ್ನು ಮಾತ್ರ ತೆಗೆದುಕೊಳ್ಳುತ್ತಿದೆ. ನನಗೆ ಡಾಮಿನೇಟ್ ಆದೆ ಎನ್ನುವ ಫೀಲ್ ಬಂದಿಲ್ಲ.''

ಚಂದನ್ ನಿಮ್ಮ ಬಗ್ಗೆ ಒಂದು ಹಾಡು ಮಾಡಿದ್ದಾರೆ ಅದಕ್ಕೆ ನೀವೆ ನಟಿಸುತ್ತೀರಾ?

''ನೋಡಬೇಕು.. ಮಾಡುವ ಆಸೆ ಇದೆ.. ಯಾಕೆ ಮಾಡಬಾರದು..''

ಬಿಗ್ ಬಾಸ್ ನಿಂದ ಬಂದ ಮೇಲೆ ಏನನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೀರ?

''ಪ್ರತಿಯೊಂದನ್ನು ಮಿಸ್ ಮಾಡಿಕೊಳ್ಳುತ್ತೇನೆ. ನನ್ನ ಮೈಕ್, ಬಿಗ್ ಬಾಸ್ ವಾಯ್ಸ್, ಟಾಕ್ಸ್ ಎಲ್ಲವನ್ನು ಮಿಸ್ ಮಾಡಿಕೊಳ್ಳುತ್ತೇನೆ. ಬಿಗ್ ಬಾಸ್ ಮನೆಯಿಂದ ಆಚೆ ಬಂದ ಮೇಲೆ ಅದೇ ಮೂಡ್ ನಲ್ಲಿ ಇದ್ದೇನೆ.''

ನಿಮ್ಮ ಮುಂದಿನ ಪ್ಲಾನ್ ಏನು.. ಯಾವುದಾದ್ರೂ ಸಿನಿಮಾ ಮಾಡುತ್ತೀರ?

''ನಾನು ಬಿ.ಸಿ.ಎ ಮಾಡಿ ಎಂ.ಸಿ.ಎ ಮಾಡಬೇಕು. ಮುಂದೆ ಏನು ಮಾಡಬೇಕು ಎನ್ನುವ ಪ್ಲಾನ್ ಇರಲಿಲ್ಲ. ಆಫರ್ ಗಳು ಬರುತ್ತಿದೆ. ಮುಂದೆ ನನಗೆ ಇಷ್ಟ ಆದರೆ ಸಿನಿಮಾ ಮಾಡುತ್ತೇನೆ''