ಅತ್ಯಾಪ್ತ ಗೆಳತಿಯ ಮದುವೆ ; ನ್ಯೂಯಾರ್ಕ್‌ನಲ್ಲಿ ಬಾಂಧನಿ ಸೀರೆಯಲ್ಲಿ ಮಿರ ಮಿರ ಮಿಂಚಿದ ದೀಪಿಕಾ ಪಡುಕೋಣೆ

ಬಾಲಿವುಡ್ ಅಂಗಳದಲ್ಲಿ ಕೆಲವು ಜೋಡಿಗಳೆಂದರೆ ಅಭಿಮಾನಿಗಳಿಗೆ ಎಲ್ಲಿಲ್ಲದ ಪ್ರೀತಿ. ಅವರು ತೆರೆಯ ಮೇಲೆ ಕಾಣಿಸಿಕೊಂಡರೂ ಸಂಭ್ರಮ, ತೆರೆಯ ಹಿಂದೆ ಜೊತೆಯಾಗಿ ಓಡಾಡಿದರೂ ಹಬ್ಬವೇ ಸರಿ. ಸದಾ ಲೈಮ್ ಲೈಟ್ ನಲ್ಲಿರುವ ಈ ಜೋಡಿ ಈಗ ದೇಶ ಬಿಟ್ಟು ವಿದೇಶಕ್ಕೆ ಹಾರಿದ್ದಾರೆ. ಅಲ್ಲಿ ಇವರು ಬೀಸಿದ ಫ್ಯಾಷನ್ ಗಾಳಿ ಈಗ ಇಡೀ ಸೋಷಿಯಲ್ ಮೀಡಿಯಾವನ್ನು ಆವರಿಸಿಕೊಂಡಿದೆ.

ಸಾಮಾನ್ಯವಾಗಿ ಸ್ಟಾರ್ ನಟ-ನಟಿಯರು ಅಂದ ಮೇಲೆ ಅಲ್ಲಿ ಐಷಾರಾಮಿ ಜೀವನ ಇರಲೇಬೇಕು. ಅದರಲ್ಲೂ ಈ ಸ್ಟಾರ್ ಕಪಲ್ ಅಂದ್ರೆ ಇಡೀ ಇಂಡಿಯಾದಲ್ಲೇ ಸಖತ್ ಕ್ರೇಜ್ ಇದೆ. ಇವರು ಎಲ್ಲಿಗೆ ಹೋದರೂ ಅಲ್ಲಿ ಕ್ಯಾಮೆರಾ ಕಣ್ಣುಗಳು ಬೆನ್ನತ್ತಿರುತ್ತವೆ. ಅಂತರಾಷ್ಟ್ರೀಯ ಮಟ್ಟದಲ್ಲೂ ಗುರುತಿಸಿಕೊಂಡಿರುವ ಈ ಜೋಡಿ ಈಗ ಅಮೆರಿಕದ ಬೀದಿಗಳಲ್ಲಿ ಸಖತ್ ಸದ್ದು ಮಾಡುತ್ತಿದ್ದಾರೆ.

ಇತ್ತೀಚೆಗಷ್ಟೇ ಈ ಪವರ್ ಕಪಲ್ ಒಂದು ವಿಶೇಷ ಕಾರಣಕ್ಕಾಗಿ ನ್ಯೂಯಾರ್ಕ್‌ ಲಗ್ಗೆ ಇಟ್ಟಿದ್ದರು. ಅಲ್ಲಿನ ಸುಂದರ ತಾಣಗಳಲ್ಲಿ ಇವರು ಹೆಜ್ಜೆ ಹಾಕುತ್ತಿದ್ದರೆ, ಸ್ಥಳೀಯರು ಕೂಡ ಬೆರಗಾಗಿ ನೋಡುತ್ತಿದ್ದರು. ಅಷ್ಟರಮಟ್ಟಿಗೆ ಈ ಜೋಡಿಯ ಗತ್ತು ಮತ್ತು ಗಾಂಭೀರ್ಯ ಎಲ್ಲರ ಗಮನ ಸೆಳೆಯುತ್ತಿತ್ತು. ಈ ಸುಂದರ ಕ್ಷಣಗಳ ಫೋಟೋಗಳು ಈಗ ಅಭಿಮಾನಿಗಳ ನಿದ್ದೆ ಗೆಡಿಸಿವೆ.

ಅತ್ಯಾಪ್ತ ಗೆಳತಿ ಮದುವೆ ಸಂಭ್ರಮದಲ್ಲಿ ದೀಪಿಕಾ, ಸಾಥ್ ನೀಡಿದ ರಣವೀರ್

ಹೌದು ನಾವು ಮಾತಾಡ್ತಿರೋದು ಬಾಲಿವುಡ್‌ನ ಹಾಟ್ ಅಂಡ್ ಕ್ಯೂಟ್ ಕಪಲ್ ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಬಗ್ಗೆ. ಈ ಜೋಡಿ ಇತ್ತೀಚೆಗೆ ನ್ಯೂಯಾರ್ಕ್ ನಗರಕ್ಕೆ ಭೇಟಿ ನೀಡಿದ್ದರು. ತಮ್ಮ ಅತ್ಯಂತ ಆಪ್ತ ಗೆಳತಿ ಸ್ನೇಹಾ ರಾಮಚಂದ್ರ ಅವರ ಮದುವೆ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಮದುವೆ ಅಂದ ಮೇಲೆ ಅಲ್ಲಿ ಫ್ಯಾಷನ್ ಅಬ್ಬರ ಜೋರಾಗಿಯೇ ಇರಬೇಕಲ್ಲವೇ? ದೀಪಿಕಾ ಮತ್ತು ರಣವೀರ್ ತಮ್ಮ ಉಡುಗೆಯ ಮೂಲಕವೇ ಮದುವೆ ಮನೆಯ ಸೆಂಟರ್ ಆಫ್ ಅಟ್ರಾಕ್ಷನ್ ಆಗಿದ್ದರು.

ವಿದೇಶಿ ನೆಲದಲ್ಲಿ ನಡೆದ ಈ ವಿವಾಹ ಮಹೋತ್ಸವದಲ್ಲಿ ನಮ್ಮ ದೇಶಿ ಸಂಸ್ಕೃತಿ ಎದ್ದು ಕಾಣುತ್ತಿತ್ತು. ದೀಪಿಕಾ ಪಡುಕೋಣೆ ಅವರು ತೊಟ್ಟಿದ್ದ ಉಡುಗೆ ಈಗ ಫ್ಯಾಷನ್ ಲೋಕದಲ್ಲಿ ಹೊಸ ಸಂಚಲನ ಮೂಡಿಸಿದೆ. ಸದಾ ಡಿಫರೆಂಟ್ ಆಗಿ ಕಾಣಿಸಿಕೊಳ್ಳುವ ಈ ಜೋಡಿ, ಈ ಬಾರಿ ಅಪ್ಪಟ ಭಾರತೀಯ ಸಂಪ್ರದಾಯಕ್ಕೆ ಮಾರುಹೋಗಿದ್ದಾರೆ.

ಪರ್ಪಲ್ ಬಣ್ಣದ ಬಾಂಧನಿ ಸೀರೆಯಲ್ಲಿ ಮಿಂಚಿದ 'ಮಸ್ತಾನಿ'...

ಈ ಮದುವೆ ಸಮಾರಂಭಕ್ಕಾಗಿ ದೀಪಿಕಾ ಪಡುಕೋಣೆ ಅವರು ಆಯ್ದುಕೊಂಡಿದ್ದು ಪರ್ಪಲ್ (ನೇರಳೆ) ಬಣ್ಣದ ಸುಂದರ ಬಾಂಧನಿ ಸೀರೆ. ಈ ಸೀರೆಯಲ್ಲಿ ದೀಪಿಕಾ ಸೌಂದರ್ಯಕ್ಕೆ ಸರಿಸಾಟಿಯೇ ಇಲ್ಲ ಎನ್ನುವಂತಿತ್ತು. ಅವರ ಎತ್ತರ ಹಾಗೂ ಮೈಕಟ್ಟಿಗೆ ಈ ಸೀರೆ ಅಚ್ಚುಕಟ್ಟಾಗಿ ಒಪ್ಪುತ್ತಿತ್ತು. ಈ ಸೀರೆಗೆ ಮ್ಯಾಚ್ ಆಗುವಂತೆ ಅವರು ಧರಿಸಿದ್ದ ಮುತ್ತಿನ ಹಾರ ಮತ್ತು ಕಿವಿಯೋಲೆಗಳು ರಾಯಲ್ ಲುಕ್ ನೀಡಿದ್ದವು.

ದೀಪಿಕಾ ಯಾವಾಗಲೂ ಅಷ್ಟೇ, ಎಂತಹದ್ದೇ ಉಡುಗೆ ತೊಟ್ಟರೂ ಅದಕ್ಕೆ ತನ್ನದೇ ಆದ ಸ್ಟೈಲ್ ನೀಡುತ್ತಾರೆ. ನ್ಯೂಯಾರ್ಕ್‌ನ ಚಳಿಯ ವಾತಾವರಣದಲ್ಲಿ ಈ ಪರ್ಪಲ್ ಸೀರೆ ತೊಟ್ಟು ಅವರು ಹೆಜ್ಜೆ ಹಾಕುತ್ತಿದ್ದರೆ ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ. ಅವರ ಮುಗುಳ್ನಗು ಮತ್ತು ಸರಳತೆ ಅಲ್ಲಿನ ಜನರನ್ನು ಮಂತ್ರಮುಗ್ಧರನ್ನಾಗಿ ಮಾಡಿದೆ.

ಬ್ಲೂ ಸೂಟ್‌ನಲ್ಲಿ ಮಿಂಚಿದ ರಣವೀರ್ ಸಿಂಗ್

ಇನ್ನು ದೀಪಿಕಾಗೆ ಸಾಥ್ ನೀಡಿದ ರಣವೀರ್ ಸಿಂಗ್ ಅವರು ಎಂದಿನಂತೆ ಫುಲ್ ಎನರ್ಜಿಟಿಕ್ ಆಗಿ ಕಾಣುತ್ತಿದ್ದರು. ರಣವೀರ್ ಅಂದ್ರೆ ನಮಗೆ ನೆನಪಾಗುವುದು ಅವರ ವಿಭಿನ್ನ ಫ್ಯಾಷನ್. ಆದರೆ ಈ ಮದುವೆ ಸಮಾರಂಭದಲ್ಲಿ ಅವರು ಅತ್ಯಂತ ಕ್ಲಾಸಿಕ್ ಆಗಿ ಕಾಣಿಸಿಕೊಂಡಿದ್ದಾರೆ. ತಿಳಿ ನೀಲಿ ಬಣ್ಣದ ಬ್ಲೇಜರ್ ಮತ್ತು ಸೂಟ್ ಧರಿಸಿ ರಣವೀರ್ ಸಿಂಗ್ ಸಖತ್ ಶಾರ್ಪ್ ಆಗಿ ಕಾಣುತ್ತಿದ್ದರು.

ಒಟ್ಟಿನಲ್ಲಿ ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಜೋಡಿ ತಮ್ಮ ಗೆಳೆಯನ ಮದುವೆಯನ್ನು ಸಖತ್ ಆಗಿ ಎಂಜಾಯ್ ಮಾಡಿದ್ದಾರೆ. ಇತ್ತೀಚೆಗೆ ತಂದೆ-ತಾಯಿಯಾಗಿ ಭಡ್ತಿ ಪಡೆದ ಈ ಜೋಡಿ, ಸಂಭ್ರಮದ ಮೂಡ್‌ನಲ್ಲಿದ್ದಾರೆ. ಅವರ ಈ ಖುಷಿ ಹೀಗೆಯೇ ಮುಂದುವರಿಯಲಿ ಎಂಬುದು ಅಭಿಮಾನಿಗಳ ಆಶಯ.