ಮದ್ವೆಗೆ ₹7 ಕೋಟಿಯ ಒಡವೆ ಧರಿಸಿದ್ದ ರಶ್ಮಿಕಾಳ ಸ್ಲಿಪ್ಪರ್ ಬೆಲೆ ಇಷ್ಟೇನಾ?

ಸಿನಿಮಾ ಲೋಕದ ಕ್ರೇಜಿ ಜೋಡಿ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಮದುವೆ ಸಡಗರದ ಸುದ್ದಿಗಳು ಸೋಷಿಯಲ್ ಮೀಡಿಯಾದಲ್ಲಿ ಇಂದಿಗೂ ವೈರಲ್ ಆಗುತ್ತಲೇ ಇವೆ. ಅಭಿಮಾನಿಗಳು ಪ್ರೀತಿಯಿಂದ 'ವಿರೋಷ್' ಎಂದು ಕರೆಯುವ ಈ ಜೋಡಿಯ ವಿವಾಹ ಮಹೋತ್ಸವ ಅದ್ದೂರಿಯಾಗಿ ನೆರವೇರಿದೆ. ಈಗ ಈ ಮದುವೆಗೆ ಸಂಬಂಧಿಸಿದ ಒಂದೊಂದೇ ಆಸಕ್ತಿದಾಯಕ ವಿಚಾರಗಳು ಹೊರಬರುತ್ತಿವೆ.

ನಟಿ ರಶ್ಮಿಕಾ ಮಂದಣ್ಣ ತಮ್ಮ ಮದುವೆಯಲ್ಲಿ ದೇವತೆಯಂತೆ ಮಿಂಚಿದ್ದಾರೆ. ಅವರ ಉಡುಗೆ ಮತ್ತು ತೊಡುಗೆಯ ಬಗ್ಗೆ ನೆಟ್ಟಿಗರು ಭಾರೀ ಚರ್ಚೆ ನಡೆಸುತ್ತಿದ್ದಾರೆ. ವಿಶೇಷವಾಗಿ ರಶ್ಮಿಕಾ ಧರಿಸಿದ್ದ ಆಭರಣಗಳು ಮತ್ತು ಸೀರೆಯ ಅಂದಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಆದರೆ ಈ ಸಂಭ್ರಮದ ನಡುವೆ ಎಲ್ಲರ ಗಮನ ಸೆಳೆದಿರುವುದು ರಶ್ಮಿಕಾ ಕಾಲಿನಲ್ಲಿದ್ದ ಆ ಗೋಲ್ಡನ್ ಸ್ಲಿಪ್ಪರ್.

ಸಾಮಾನ್ಯವಾಗಿ ಸ್ಟಾರ್ ನಟಿಯರು ಲಕ್ಷಾಂತರ ರೂಪಾಯಿ ಬೆಲೆ ಬಾಳುವ ಚಪ್ಪಲಿಗಳನ್ನು ಧರಿಸುವುದು ನಮಗೆ ಗೊತ್ತು. ರಶ್ಮಿಕಾ ಕೂಡ ಕೋಟಿ ಕೋಟಿ ಬೆಲೆಯ ಒಡವೆ ತೊಟ್ಟಾಗ, ಅವರ ಸ್ಲಿಪ್ಪರ್ ಬೆಲೆ ಕೂಡ ಲಕ್ಷ ದಾಟಿರಬಹುದು ಎಂದು ಎಲ್ಲರೂ ಅಂದುಕೊಂಡಿದ್ದರು. ಆದರೆ ಅದರ ಅಸಲಿ ಬೆಲೆ ತಿಳಿದ ಫ್ಯಾನ್ಸ್ ಈಗ ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ.

ಏಳು ಕೋಟಿ ಮೌಲ್ಯದ ಚಿನ್ನದ ಆಭರಣ

ರಶ್ಮಿಕಾ ಮಂದಣ್ಣ ತಮ್ಮ ಮದುವೆಯಲ್ಲಿ ಪಕ್ಕಾ ದಕ್ಷಿಣ ಭಾರತದ ವಧುವಿನಂತೆ ಕಂಗೊಳಿಸಿದ್ದಾರೆ. ಅವರು ಧರಿಸಿದ್ದ 'ಟೆಂಪಲ್ ಡಿಸೈನ್' ಆಭರಣಗಳು ಈ ಸಂಭ್ರಮದ ಹೈಲೈಟ್ ಆಗಿದ್ದವು. ಈ ಆಭರಣಗಳನ್ನು ಸಿದ್ಧಪಡಿಸಲು ವಿಶೇಷ ವಿನ್ಯಾಸಕಾರರು ಬರೋಬ್ಬರಿ 10 ತಿಂಗಳ ಕಾಲ ಶ್ರಮಿಸಿದ್ದಾರೆ ಎಂಬ ಮಾಹಿತಿ ಸಿಕ್ಕಿದೆ. ವರದಿಗಳ ಪ್ರಕಾರ, ರಶ್ಮಿಕಾ ಧರಿಸಿದ್ದ ಈ ಚಿನ್ನಾಭರಣಗಳ ಒಟ್ಟು ಮೌಲ್ಯ ಸುಮಾರು 7 ಕೋಟಿ ರೂಪಾಯಿಗಳು. ಕೇವಲ ಆಭರಣ ಮಾತ್ರವಲ್ಲ, ಅವರು ಉಟ್ಟಿದ್ದ ರೇಷ್ಮೆ ಸೀರೆ ಕೂಡ ಅಪ್ಪಟ ಚಿನ್ನದ ಎಳೆಗಳಿಂದ ಮಾಡಲ್ಪಟ್ಟಿದೆ ಎನ್ನಲಾಗುತ್ತಿದೆ. ಇದು ರಶ್ಮಿಕಾ ಅವರ ಶ್ರೀಮಂತ ಲುಕ್ಗೆ ಮತ್ತಷ್ಟು ಮೆರುಗು ನೀಡಿತ್ತು.

ವಜ್ರಗಳಿಗೆ ನೋ ಎಂಟ್ರಿ...ಯಾಕೆ ಗೊತ್ತಾ?

ಸಾಮಾನ್ಯವಾಗಿ ದೊಡ್ಡ ದೊಡ್ಡ ಶ್ರೀಮಂತರ ಮದುವೆ ಎಂದರೆ ಅಲ್ಲಿ ವಜ್ರದ ವೈಭವ ಇದ್ದೇ ಇರುತ್ತದೆ. ಆದರೆ 'ವಿರೋಷ್' ಮದುವೆಯಲ್ಲಿ ವಜ್ರಗಳಿಗೆ ಜಾಗವಿರಲಿಲ್ಲ. ಇದಕ್ಕೆ ಕಾರಣ ನೆಗೆಟಿವ್ ಎನರ್ಜಿ ಎಂಬ ನಂಬಿಕೆ. ವಜ್ರಗಳು ಶೀತಲ ಗುಣವನ್ನು ಹೊಂದಿರುತ್ತವೆ ಮತ್ತು ಕೆಲವೊಮ್ಮೆ ನೆಗೆಟಿವ್ ಎನರ್ಜಿ ತರುತ್ತವೆ ಎಂಬ ಕಾರಣಕ್ಕೆ ಇದನ್ನು ದೂರ ಇಡಲಾಗಿತ್ತು. ದಕ್ಷಿಣ ಭಾರತದ ಸಂಪ್ರದಾಯದ ಮದುವೆಗಳಲ್ಲಿ ಚಿನ್ನಕ್ಕೆ ಹೆಚ್ಚಿನ ಪ್ರಾಶಸ್ತ್ಯ ನೀಡಲಾಗುತ್ತದೆ. ಹೀಗಾಗಿ ವಿಜಯ್ ಮತ್ತು ರಶ್ಮಿಕಾ ಜೋಡಿ ಸಂಪೂರ್ಣವಾಗಿ ಚಿನ್ನಾಭರಣಗಳನ್ನೇ ಆಯ್ಕೆ ಮಾಡಿಕೊಂಡಿದ್ದರು. ಇದು ಅವರ ಮದುವೆಗೆ ಒಂದು ಸಾಂಪ್ರದಾಯಿಕ ಕಳೆಯನ್ನು ನೀಡಿತ್ತು.

ಅಭಿಮಾನಿಗಳ ಕಣ್ಣು ಬಿದ್ದಿದ್ದು ಆ ಸ್ಲಿಪ್ಪರ್ ಮೇಲೆ

ರಶ್ಮಿಕಾ ಅವರ ಇಷ್ಟೊಂದು ದುಬಾರಿ ಆಭರಣಗಳ ನಡುವೆ ಅವರು ಧರಿಸಿದ್ದ ಗೋಲ್ಡನ್ ಬಣ್ಣದ ಸ್ಲಿಪ್ಪರ್ ಎಲ್ಲರ ಗಮನ ಸೆಳೆಯಿತು. ನೋಡಲು ಸಿಂಪಲ್ ಆಗಿದ್ದರೂ, ಇದು ಅಂತರಾಷ್ಟ್ರೀಯ ಬ್ರ್ಯಾಂಡ್ ಇರಬಹುದು ಮತ್ತು ಇದರ ಬೆಲೆ ಲಕ್ಷ ದಾಟಿರಬಹುದು ಎಂದು ನೆಟ್ಟಿಗರು ಲೆಕ್ಕಾಚಾರ ಹಾಕುತ್ತಿದ್ದರು. ಆದರೆ, ಕಿಲಾಡಿ ಅಭಿಮಾನಿಗಳು ಬಿಡುತ್ತಾರೆಯೇ? ಈ ಸ್ಲಿಪ್ಪರ್ ಯಾವ ಬ್ರ್ಯಾಂಡ್ ಮತ್ತು ಇದರ ಬೆಲೆ ಎಷ್ಟು ಎಂದು ಪತ್ತೆ ಹಚ್ಚಿದ್ದಾರೆ. ಇದು 'ಅಪರಾಜಿತಾ ತೂರ್' ಎಂಬ ಹೆಸರಾಂತ ಬ್ರ್ಯಾಂಡ್ನ ಸ್ಲಿಪ್ಪರ್ ಆಗಿದೆ. ಇದರ ವಿನ್ಯಾಸವು ರಶ್ಮಿಕಾ ಅವರ ಚಿನ್ನದ ಸೀರೆಗೆ ಹೇಳಿ ಮಾಡಿಸಿದಂತಿತ್ತು.

ಬೆಲೆ ಕೇಳಿ ಶಾಕ್ ಆದ ಫ್ಯಾನ್ಸ್

ಇಷ್ಟು ದೊಡ್ಡ ಸ್ಟಾರ್ ನಟಿ, ಅದರಲ್ಲೂ ಕೋಟಿ ಬೆಲೆಯ ಆಭರಣ ಧರಿಸಿರುವಾಗ ಈ ಚಪ್ಪಲಿಯ ಬೆಲೆ ಎಷ್ಟು ಎಂದು ತಿಳಿದರೆ ನೀವು ದಂಗಾಗುತ್ತೀರಿ. ಈ 'ಅಪರಾಜಿತಾ ತೂರ್' ಬ್ರ್ಯಾಂಡ್‌ನ ಸ್ಲಿಪ್ಪರ್ ಬೆಲೆ ಕೇವಲ 24,399 ರೂಪಾಯಿಗಳು. ಲಕ್ಷಾಂತರ ರೂಪಾಯಿ ಬೆಲೆ ಬಾಳುವ ಚಪ್ಪಲಿಗಳನ್ನು ಧರಿಸುವ ಶಕ್ತಿ ಇದ್ದರೂ, ರಶ್ಮಿಕಾ ಇಷ್ಟು ಕಡಿಮೆ ಬೆಲೆಯ ಸ್ಲಿಪ್ಪರ್ ಧರಿಸಿದ್ದೇಕೆ ಎಂದು ಫ್ಯಾನ್ಸ್ ಚರ್ಚೆ ಮಾಡುತ್ತಿದ್ದಾರೆ. "ಕೋಟಿ ಕೋಟಿ ಒಡವೆ ಮುಂದೆ 24 ಸಾವಿರದ ಚಪ್ಪಲಿ ಅಂದ್ರೆ ತುಂಬಾ ಕಡಿಮೆ ಆಯ್ತಲ್ಲ" ಎಂದು ಕೆಲವರು ಕಾಲೆಳೆದರೆ, ಇನ್ನು ಕೆಲವರು "ರಶ್ಮಿಕಾ ಅವರ ಸಿಂಪ್ಲಿಸಿಟಿಯೇ ಹೀಗೆ" ಎಂದು ಮೆಚ್ಚುಗೆ ಸೂಚಿಸುತ್ತಿದ್ದಾರೆ.

ಒಟ್ಟಿನಲ್ಲಿ ರಶ್ಮಿಕಾ ಮತ್ತು ವಿಜಯ್ ದೇವರಕೊಂಡ ಮದುವೆಯ ಪ್ರತಿ ವಿಚಾರವೂ ಈಗ ಟ್ರೆಂಡಿಂಗ್‌ನಲ್ಲಿದೆ. ಸ್ಟಾರ್ ನಟಿಯರು ಕೇವಲ ಬೆಲೆಗಿಂತ ಕಂಫರ್ಟ್ ಮತ್ತು ಡಿಸೈನ್ಗೆ ಹೆಚ್ಚು ಒತ್ತು ನೀಡುತ್ತಾರೆ.