Don't Miss!
- Technology ಇಂದು ಮತ್ತೆ ಮೊಟೊರೊಲಾ ಎಡ್ಜ್ 50 ಪ್ರೊ ಫೋನಿನ ಸ್ಪೆಷಲ್ ಸೇಲ್!..ಡಿಸ್ಕೌಂಟ್ ಎಷ್ಟು?
- News ಐತಿಹಾಸಿಕ ಪ್ರಸಿದ್ಧ ವದ್ದಿಕೆರೆ ಸಿದ್ದಪ್ಪನ ಬಗ್ಗೆ ನಿಮಗೆಷ್ಟು ಗೊತ್ತು?-ಇಲ್ಲಿದೆ ಸಂಪೂರ್ಣ ವಿವರ
- Sports PBKS vs MI IPL 2024: ಮತ್ತೊಮ್ಮೆ ಕೊನೆಯ ಓವರ್ನಲ್ಲಿ ಮುಗ್ಗರಿಸಿದ ಪಂಜಾಬ್ ಕಿಂಗ್ಸ್ ಪ್ಲೇಆಫ್ ಸನ್ನಿವೇಶ ಹೇಗಿದೆ?
- Finance ಕಚ್ಚಾ ತೈಲ ಆಮದು ಗಣನೀಯ ಇಳಿಕೆ, ಪೆಟ್ರೋಲ್ ಡಿಸೇಲ್ ಬೆಲೆ ಹೆಚ್ಚಾಗುತ್ತಾ?
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಿನಿಮಾ ನೋಡಿ ಪೊಲೀಸ್ ಅಧಿಕಾರಿಯ ಕೊಲ್ಲಲು ಸ್ಕೆಚ್ ಹಾಕಿದ್ದ ಸ್ಟಾರ್ ನಟ!
ಸಿನಿಮಾ ನೋಡಿ ಕಳ್ಳತನ ಮಾಡಿದ, ಅಪಹರಣ ಮಾಡಿದ, ಕೊಲೆ ಮಾಡಿದ ಸಾಕಷ್ಟು ಪ್ರಕರಣಗಳು ಈಗಾಗಲೇ ಇವೆ. ಆದರೆ ಸಿನಿಮಾ ನಟನೊಬ್ಬ ತಾನೇ ಸಿನಿಮಾ ನೋಡಿ ಹತ್ಯೆಗೆ ಸ್ಕೆಚ್ ಹಾಕಿದ್ದ ಘಟನೆ ಇದೀಗ ಬೆಳಕಿಗೆ ಬಂದಿದೆ.
2017ರಲ್ಲಿ ನಡೆದಿದ್ದ ಮಲಯಾಳಂ ಸ್ಟಾರ್ ನಟಿಯ ಮೇಲೆ ಅತ್ಯಾಚಾರ ಯತ್ನ, ಹಲ್ಲೆ ಪ್ರಕರಣದ ಆರೋಪಿಯಾಗಿರುವ ಮಲಯಾಳಂ ಸಿನಿಮಾಗಳ ಸ್ಟಾರ್ ನಟ ದಿಲೀಪ್, ಪೊಲೀಸ್ ಅಧಿಕಾರಿಯನ್ನು ಕೊಲ್ಲಲು ಸ್ಕೆಚ್ ರೂಪಿಸಿದ್ದಾಗಿ ಪೊಲೀಸ್ ಇಲಾಖೆ ಆರೋಪ ಹೊರಿಸಿದ್ದು, ಪೊಲೀಸ್ ಅಧಿಕಾರಿಯನ್ನು ಕೊಲ್ಲಲು ಸಿನಿಮಾದಿಂದಲೇ ದಿಲೀಪ್ ಹಾಗೂ ಅವನ ತಂಡ ಪ್ರೇರಣೆ ಪಡೆದಿತ್ತು ಎಂದು ಆರೋಪಿಸಿದೆ.
ಪೊಲೀಸ್ ಅಧಿಕಾರಿ ಡಿವೈಎಸ್ಪಿ ಬೈಜು ಫೌಲೋಸ್ ಅನ್ನು ಕೊಲ್ಲಲು ದಿಲೀಪ್ ಹಾಗೂ ಅವನ ಕೆಲವು ಸಹಚರರು ಯೋಜನೆ ಹಾಕಿದ್ದರು ಎಂಬ ಆರೋಪವನ್ನು ಪೊಲೀಸರು ಹೊರಿಸಿದ್ದಾರೆ. ಪ್ರಕರಣದ ವಿಚಾರಣೆ ನಡೆದು ನಿನ್ನೆಯಷ್ಟೆ ನಟ ದಿಲೀಪ್ಗೆ ಜಾಮೀನು ಮಂಜೂರಾಗಿದೆ ಆದರೆ ಇದಕ್ಕೆ ಆಕ್ಷೇಪಣೆ ಸಲ್ಲಿಸಿರುವ ಕೇರಳ ಪೊಲೀಸ್ ಇಲಾಖೆ, ದಿಲೀಪ್ ಹಾಗೂ ಅವನ ಸಹಚರರು ಮಾಡಿದ್ದ ಹತ್ಯೆ ಸಂಚಿನ ಬಗ್ಗೆ ಮಾಧ್ಯಮಗಳೊಂದಿಗೂ ಮಾಹಿತಿ ಹಂಚಿಕೊಂಡಿದ್ದಾರೆ.
ಮಲಯಾಳಂ ನಟಿಯ ಅತ್ಯಾಚಾರ ಯತ್ನ ಹಾಗೂ ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೇರಳ ಪೊಲೀಸರು ಪಲ್ಸರ್ ಸುನಿ ಹಾಗೂ ಆತನ ಸಹಚರರನ್ನು 2017 ರಲ್ಲಿಯೇ ಬಂಧಿಸಿದ್ದರು. ಆದರೆ ನಟಿಯ ಅತ್ಯಾಚಾರ ಹಲ್ಲೆಗೆ ನಟ ದಿಲೀಪ್ ಆದೇಶ ನೀಡಿದ್ದ ಎಂಬ ಅಂಶ ಬಯಲಾದ ಬಳಿಕ ದಿಲೀಪ್ ಅನ್ನು ಬಂಧಿಸಲಾಯ್ತು. ಪ್ರಕರಣದ ತನಿಖೆಯನ್ನು ಡಿವೈಎಸ್ಪಿ ಬೈಜು ಫೌಲೋಸ್ ಅವರಿಗೆ ಒಪ್ಪಿಸಲಾಗಿತ್ತು. ಇವರ ತನಿಖೆಯಿಂದ ಸಾಕಷ್ಟು ಅಂಶಗಳು ಹೊರಗೆ ಬಂದವು. ನಟಿಯ ಮೇಲೆ ಹಲ್ಲೆ ನಡೆಸಿದ, ದೌರ್ಜನ್ಯ ನಡೆಸಿದ ಘಟನೆಯನ್ನು ಮೊಬೈಲ್ನಲ್ಲಿ ಚಿತ್ರೀಕರಿಸಲಾಗಿದ್ದು ಆ ವಿಡಿಯೋವನ್ನು ದಿಲೀಪ್ಗೆ ನೀಡಲಾಗಿದೆ ಎಂದು ಎಂಬ ಅಂಶವೂ ಹೊರಗೆ ಬಂತು. ಆದರೆ ಈ ಆರೋಪವನ್ನು ತಳ್ಳಿ ಹಾಕಿರುವ ದಿಲೀಪ್ ತಮಗೆ ಪಲ್ಸರ್ ಸುನಿಯ ಪರಿಚಯವೇ ಇಲ್ಲವೆಂದು ವಾದಿಸುತ್ತಲೇ ಬರುತ್ತಿದ್ದಾರೆ.