ಚಿರು ಸರ್ಜಾ-ಮೇಘನಾ ರಾಜ್ ಜೊತೆಗಿನ ಸಂತಸದ ಕ್ಷಣ ಹಂಚಿಕೊಂಡ ಮಲೆಯಾಳಂ ನಟಿ

ಚಿತ್ರ ಹಂಚಿಕೊಂಡಿರುವ ನಾಜರಿಯಾ

ಬೆಂಗಳೂರು ಡೇಸ್, ರಾಜಾ-ರಾಣಿ ಖ್ಯಾತಿಯ ಮಲಯಾಳಂ ನಟಿ ನಾಜರಿಯಾ ನಜೀಮ್ ಅವರು ಇದೀಗ ಮೇಘನಾ ರಾಜ್ ಹಾಗೂ ಚಿರು ಸರ್ಜಾ ಜೊತೆಗಿರುವ ಸಂತಸದ ಕ್ಷಣದ ಚಿತ್ರವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಐದು ದಿನಗಳ ಹಿಂದೆ ಈ ಚಿತ್ರವನ್ನು ಅವರು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಮದುವೆಗೆ ಸಹ ಆಗಮಿಸಿದ್ದರು ನಟಿ

ಮಲಯಾಳಂ ಹಾಗೂ ತಮಿಳಿನಲ್ಲಿ ಖ್ಯಾತವಾಗಿರುವ ನಟಿ ನಾಜರಿಯಾ ಮೇಘನಾ ರಾಜ್ ಹಾಗೂ ಚಿರು ಸರ್ಜಾ ಅವರಿಗೆ ಆಪ್ತ ಗೆಳತಿ. ಇಬ್ಬರ ಮದುವೆ ಸಮಾರಂಭಕ್ಕೆ ಸಹ ನಾಜರಿಯಾ ಬಂದು ಶುಭಾಶಯ ಕೋರಿದ್ದರು.

ಮ್ಯಾಡ್ ಡ್ಯಾಡ್ ಸಿನಿಮಾದಲ್ಲಿ ಒಟ್ಟಿಗೆ ನಟನೆ

ಮೇಘನಾ ರಾಜ್ ಹಾಗೂ ನಾಜರಿಯಾ ಮಲೆಯಾಳಂ ನ 'ಮ್ಯಾಡ್ ಡ್ಯಾಡ್' ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಮೇಘನಾ ರಾಜ್ ಅವರು ಕನ್ನಡದಲ್ಲಿ ಮಾತ್ರವಲ್ಲದೆ ಮಲೆಯಾಳಂ ನಲ್ಲಿ ಸಹ ಬಹುಬೇಡಿಕೆಯ ನಟಿ. ಹಾಗಾಗಿ ನಾಜರಿಯಾ ಜೊತೆಗೆ ತುಂಬಾ ಉತ್ತಮ ಗೆಳೆತನ ಇಟ್ಟುಕೊಂಡಿದ್ದಾರೆ.

ನಟ ಫಹಾದ್ ಫಾಸಿಲ್ ಪತ್ನಿ

ಮಲಯಾಳಂ ಹಾಗೂ ತಮಿಳಿನಲ್ಲಿ ಖ್ಯಾತವಾಗಿರುವ ಈ ನಟಿ, ಸ್ಟಾರ್ ನಟ ಫಹಾದ್ ಫಾಸಿಲ್ ಪತ್ನಿ ಸಹ ಹೌದು. ಅವರ ನಟನೆಯ ಇತ್ತೀಚಿನ ಸಿನಿಮಾ ಟ್ರಾನ್ಸ್‌ ಹಿಟ್ ಆಗಿದ್ದು, ಉತ್ತಮ ವಿಮರ್ಶೆಯನ್ನು ಸಹ ಪಡೆದಿದೆ.