Don't Miss!
- Sports ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್
- News Heavy Rain: ಭಾರೀ ಗಾಳಿ, ಮಳೆಗೆ ಧರೆಗುರುಳಿದ ಮರಗಳು, ವಿದ್ಯುತ್ ಕಂಬಗಳು: ಸಿಡಿಲು ಬಡಿದು 25 ಮೇಕೆಗಳ ಸಾವು
- Technology ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು?
- Lifestyle ಹೊಟ್ಟೆಯೇ ಇಲ್ಲದೆ ಬದುಕಿದ್ದ ನತಾಶಾ ದಿಡ್ಡಿ ನಿಧನ...! ಈಕೆ ಯಾರು ಗೊತ್ತಾ?
- Finance ಸುಗಮ, ಸುರಕ್ಷಿತ ಸಂಚಾರಕ್ಕಾಗಿ ವಿಶೇಷ ಅಭಿಯಾನ ಆರಂಭಿಸಿದ ಬೆಂಗಳೂರು ಸಂಚಾರಿ ಪೊಲೀಸ್
- Automobiles ಹಲವು ಆಯ್ಕೆಗಳಲ್ಲಿ ಸಿಗಲಿದೆ 5 ಡೋರ್ ಥಾರ್: ಸುದ್ದಿ ತಿಳಿದು ನಿಟ್ಟುಸಿರು ಬಿಟ್ಟ ಮಹೀಂದ್ರಾ ಫ್ಯಾನ್ಸ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತನಗಿಂತ 17 ವರ್ಷ ಚಿಕ್ಕವಳನ್ನು ವರಿಸಿದ ನಟ, ಟ್ರೋಲಿಗರಿಗೆ ತಿರುಗೇಟು
ಎರಡು ತಿಂಗಳ ಹಿಂದೆ ಲಾಕ್ ಡೌನ್ ನಡುವೆಯೇ ಮಲಯಾಳಂನ ಖ್ಯಾತ ನಟ, ನಿರ್ದೇಶಕ ಚೆಂಬನ್ ವಿನೋದ್ ಜೋಸ್, ತಮಗಿಂತ 17 ವರ್ಷ ಚಿಕ್ಕವರಾದ ಮರಿಯಮ್ ಥಾಮಸ್ ಅವರನ್ನು ಮದುವೆಯಾಗಿದ್ದು ಸದ್ದು ಮಾಡಿತ್ತು. ಅತ್ಯಂತ ಸರಳವಾಗಿ ಗುಟ್ಟು ಗುಟ್ಟಾಗಿ ನಡೆದ ಮದುವೆಯಲ್ಲಿ ಚೆಂಬನ್ ವಿನೋದ್ ತಮ್ಮ ದಾಂಪತ್ಯ ಜೀವನದ ಎರಡನೆಯ ಇನ್ನಿಂಗ್ಸ್ ಆರಂಭಿಸಿದ್ದರು.
Recommended Video
ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಎರಡನೆಯ ಮದುವೆಯಾಗುವುದು ವಿಶೇಷವಲ್ಲ. ಆದರೆ ವಿನೋದ್ ಮದುವೆಯಾಗಿರುವುದು ತಮಗಿಂತ 17 ವರ್ಷ ಚಿಕ್ಕ ಯುವತಿಯನ್ನು. ಇತ್ತೀಚೆಗೆ ತೆಲುಗಿನ ಖ್ಯಾತ ನಿರ್ಮಾಪಕ ದಿಲ್ ರಾಜು ತಮ್ಮ ಮಗಳಿಗಿಂತ ಒಂದು ವರ್ಷವಷ್ಟೇ ದೊಡ್ಡವರಾದ ಮಹಿಳೆಯನ್ನು ಎರಡನೆಯ ಮದುವೆಯಾಗಿದ್ದು ಸುದ್ದಿಯಾಗಿತ್ತು.
ಲಾಕ್ಡೌನ್ ನಡುವೆ ಎರಡನೇ ಮದುವೆಯಾದ ಮಲೆಯಾಳಂ ಖ್ಯಾತ ನಟ
ಚೆಂಬನ್ ವಿನೋದ್ ಮತ್ತು ಮರಿಯಮ್ ಮದುವೆ ಕೆಲವೇ ಆಪ್ತರ ಸಮ್ಮುಖದಲ್ಲಿ ನಡೆದಿದ್ದರೂ, ದೊಡ್ಡ ಸದ್ದು ಮಾಡಿತ್ತು. ಇದಕ್ಕೆ ಕಾರಣ ಇಬ್ಬರ ನಡುವಿನ ವಯಸ್ಸಿನ ಅಂತರ ಹಾಗೂ ವಿನೋದ್ ಎರಡನೆಯ ಮದುವೆ ಎನ್ನುವುದು. ಮುಂದೆ ಓದಿ..
ನಿರ್ಧಾರ ತೆಗೆದುಕೊಳ್ಳುವ ಸಾಮರ್ಥ್ಯವಿದೆ
ವಿನೋದ್ ಮತ್ತು ಮರಿಯಮ್ ಅವರನ್ನು ಟ್ರೋಲರ್ಗಳು ವಿಪರೀತ ಎನ್ನುವಷ್ಟು ಟ್ರೋಲ್ ಮಾಡಿದ್ದರು. ಈ ಬಗ್ಗೆ ಕೊನೆಗೂ ವಿನೋದ್ ಮಾತನಾಡಿದ್ದಾರೆ. 'ಆಕೆಗೆ 25 ವರ್ಷ. ಇಷ್ಟು ವರ್ಷದವರಿಗೆ ತಮ್ಮದೇ ನಿರ್ಧಾರಗಳನ್ನು ತೆಗೆದುಕೊಳ್ಳುವಷ್ಟು ವೈಯಕ್ತಿಕ ಸಾಮರ್ಥ್ಯ ಇರುತ್ತದೆ' ಎಂದು ತಿರುಗೇಟು ನೀಡಿದ್ದಾರೆ.
ಮೂಗು ತೂರಿಸುವುದು ಬೇಡ
ತಮ್ಮನ್ನು ಜನರು ಇಷ್ಟಪಡದೆ ಹೋದರೆ ತೊಂದರೆಯೇನೂ ಇಲ್ಲ. ಆದರೆ ಬೇರೆಯವರ ಖಾಸಗಿ ಜೀವನದಲ್ಲಿ ಅನಾವಶ್ಯಕವಾಗಿ ಮೂಗು ತೂರಿಸುವುದು ಸರಿಯಾದ ರೀತಿಯಲ್ಲ. ಮದುವೆಯಲ್ಲಿ ಗಂಡು ಮತ್ತು ಹೆಣ್ಣಿನ ನಡುವೆ ಇಷ್ಟೇ ವಯಸ್ಸಿನ ಅಂತರ ಕಾಪಾಡಿಕೊಳ್ಳಬೇಕು ಎಂಬ ಕಾನೂನೇನಾದರು ಇದೆಯೇ? ಎಂದು ಅವರು ಪ್ರಶ್ನಿಸಿದ್ದಾರೆ.
ಲಾಕ್ಡೌನ್ನಲ್ಲಿ ಸಿಂಪಲ್ಲಾಗಿ ಮೂರನೇ ಮದುವೆಯಾದ ಜನಪ್ರಿಯ ನಟಿ
ಮದುವೆ ಸಮಾರಂಭದಲ್ಲಿ ಭೇಟಿ
ಮದುವೆಯೊಂದರಲ್ಲಿ ಇಬ್ಬರೂ ಭೇಟಿಯಾಗಿದ್ದೆವು. ವಯಸ್ಸಿನ ಅಂತರ ನನಗೆ ಮುಖ್ಯ ಎನಿಸಲಿಲ್ಲ. ಇಬ್ಬರಿಗೂ ಸ್ನೇಹಿತರಾಗಿರುವವರ ಮದವೆಯಲ್ಲಿ ಭೇಟಿ ಮಾಡಿದ್ದೆವು. ಪುಣೆಯಲ್ಲಿ ಓದು ಮುಗಿಸಿದ ಬಳಿಕ ನಾನು ಕೊಚ್ಚಿಯಲ್ಲಿ ಕೆಲಸ ಮಾಡಲು ಆರಂಭಿಸಿದೆ. ನಾವಿಬ್ಬರೂ ಸುದೀರ್ಘ ಸಮಯದಿಂದ ಇಷ್ಟಪಟ್ಟಿದ್ದೇವೆ. ಹಾಗೆಯೇ ಮದುವೆಯಾಗಲು ನಿರ್ಧರಿಸಿದ್ದೆವು ಎಂದು ಮರಿಯಮ್ ಹೇಳಿದ್ದಾರೆ.
ದೂರಮಾಡಿಕೊಳ್ಳಲು ಬಯಸೊಲ್ಲ
ನನ್ನ ಹಾಗೂ ಚೆಂಬನ್ ನಡುವೆ ಉತ್ತಮ ಸಮರಸವಿದೆ. ಅವರ ಜತೆ ಯಾವ ವಿಚಾರವನ್ನೂ ನಾನು ಮುಕ್ತವಾಗಿ ಮಾತನಾಡಬಲ್ಲೆ. ಅವರು ನನಗಿಂತ ವಯಸ್ಸಿನಲ್ಲಿ ಹೆಚ್ಚು ದೊಡ್ಡವರು ಎಂಬ ಕಾರಣಕ್ಕೆ ಅವರನ್ನು ದೂರಮಾಡಿಕೊಳ್ಳಲು ಇಷ್ಟವಿಲ್ಲ ಎಂದಿದ್ದಾರೆ.
ಮೊದಲ ಪತ್ನಿಯಿಂದ ವಿಚ್ಚೇದನ
44 ವರ್ಷ ಚೆಂಬನ್ ಬೆಂಗಳೂರಿನಲ್ಲಿ ಫಿಸಿಯೋಥೆರಪಿ ಉನ್ನತ ಶಿಕ್ಷಣ ಪಡೆದಿದ್ದರು. ನಾಯಕನ್, ಅಮೆನ್, ತಮಾರ್ ಪದಾರ್ ಮುಂತಾದ ಚಿತ್ರಗಳಲ್ಲಿ ನಟಿಸಿರುವ ಚೆಂಬನ್, ಸುನೀತಾ ಎಂಬುವವರನ್ನು ಮದುವೆಯಾಗಿದ್ದರು. ಅವರಿಗೆ ಜಾನ್ ಕ್ರಿಸ್ ಚೆಂಬನ್ ಎಂಬ ಮಗ ಇದ್ದಾರೆ. ಮೊದಲ ಪತ್ನಿಯಿಂದ ವಿಚ್ಚೇದನ ಪಡೆದಿದ್ದು, ಸುನೀತಾ ಮತ್ತು ಮಗ ನ್ಯೂಯಾರ್ಕ್ನಲ್ಲಿ ನೆಲೆಸಿದ್ದಾರೆ. ಚೆಂಬನ್ ಎರಡನೆಯ ಪತ್ನಿ ಮರಿಯಮ್ ವೃತ್ತಿಯಿಂದ ಸೈಕಾಲಜಿಸ್ಟ್ ಆಗಿದ್ದು, ಜುಂಬಾ ಡ್ಯಾನ್ಸರ್ ಕೂಡ ಹೌದು.
ಟಗರು ಸರೋಜ ಜೊತೆ ಚಿಕ್ಕಣ್ಣ ಮದುವೆ ಆಗಿರುವುದು ನಿಜವೇ?
ಐದು ಮಂದಿ ಹಾಜರಿ
ಇಬ್ಬರೂ ಅಂಗಮಲಿ ಸಬ್ ರಿಜಿಸ್ಟ್ರಾರ್ ಕಚೇರಿಯಲ್ಲಿ ಸ್ಪೆಷಲ್ ಮ್ಯಾರಿಯೇಜ್ ಆಕ್ಟ್ ಅನುಗುಣವಾಗಿ ಮದುವೆಯಾಗಿದ್ದರು. ಲಾಕ್ ಡೌನ್ ನಿಯಮಗಳಂತೆ ಕೇವಲ ಐದು ಮಂದಿ ಮದುವೆಯಲ್ಲಿ ಹಾಜರಿದ್ದರು. ತಮಗಿಂತ ತುಂಬಾ ಚಿಕ್ಕವರನ್ನು ಮದುವೆಯಾದ ಚೆಂಬನ್ ಅವರನ್ನು ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಮಾಡಲಾಗಿತ್ತು.