ಚಿತ್ರೀಕರಣ ಮುಗಿಸಿದ ದೃಶ್ಯಂ 2 ತಂಡ: ಪೋಸ್ಟ್ ಪ್ರೊಡಕ್ಷನ್ ಶುರು

ಮೇ 21 ರಂದು ಸಿನಿಮಾ ಘೋಷಣೆ ಆಗಿತ್ತು

ದೃಶ್ಯ 2 ಸಿನಿಮಾ ನಿರ್ದೇಶಿಸುತ್ತಿರುವುದಾಗಿ ಮೇ 21 ರಂದು ನಿರ್ದೇಶಕ ಜೀತು ಜೋಸೆಫ್ ಘೋಷಿಸಿದ್ದರು. ಸೆಪ್ಟೆಂಬರ್ 23 ರಿಂದ ಚಿತ್ರೀಕರಣ ಪ್ರಾರಂಭವಾಯಿತು. 44 ದಿನಗಳಲ್ಲಿ ಚಿತ್ರೀಕರಣವನ್ನು ಪೂರ್ಣಗೊಳಿಸಿದೆ ಚಿತ್ರತಂಡ.

ಪೋಸ್ಟ್ ಪ್ರೊಡಕ್ಷನ್ ಕಾರ್ಯ ಸಾಗಿದೆ

ಇನ್ನು ಪೋಸ್ಟ್ ಪ್ರೊಡಕ್ಷನ್ ಕಾರ್ಯ ಪ್ರಾರಂಭವಾಗಲಿದ್ದು, ಸಂಕಲನ, ಹಿನ್ನೆಲೆ ಸಂಗೀತ, ಡಬ್ಬಿಂಗ್, ಸ್ಫೆಷಲ್ ಎಫೆಕ್ಟ್ಸ್, ಸಂಗೀತಿ ರೀಮಿಕ್ಸಿಂಗ್, ಸೆನ್ಸಾರ್, ಪ್ರಚಾರದ ನಂತರ ಸಿನಿಮಾ ಬಿಡುಗಡೆ ಆಗಲಿದೆ. ಇದೆಲ್ಲದಕ್ಕೂ ಸುಮಾರು ಒಂದು ತಿಂಗಳು ಸಮಯ ಹಿಡಿಯುವ ಸಾಧ್ಯತೆ ಇದೆ.

ಚೈನೀಸ್, ಸಿಂಹಳಿ ಭಾಷೆಗೂ ರೀಮೇಕ್

ದೃಶ್ಯಂ ಮೊದಲ ಸಿನಿಮಾ ಬಿಡುಗಡೆ ಆಗಿ ಭಾರಿ ದೊಡ್ಡ ದಾಖಲೆ ಸೃಷ್ಟಿಸಿತು. ದೃಶ್ಯಂ ಸಿನಿಮಾವು, ಕನ್ನಡ, ತೆಲುಗು, ತಮಿಳು, ಹಿಂದಿ, ಸಿಂಹಳೀ ಭಾಷೆ ಹಾಗೂ ಚೈನೀಸ್ ಭಾಷೆಗೂ ರೀಮೇಕ್ ಆಯಿತು. ವಿಶೇಷವೆಂದರೆ ಬಹುತೇಕ ಭಾಷೆಗಳಲ್ಲಿ ಈ ಸಿನಿಮಾ ಹಿಟ್ ಆಯಿತು.

Recommended Video

Vijay Deverakonda ತಮ್ಮನಿಗೋಸ್ಕರ ಸಾಲು ಸಾಲು ಟ್ವೀಟ್ ಮಾಡಿದ Rashmika | Filmibeat Kannada

ದೃಶ್ಯಂ 2 ಸಹ ಕನ್ನಡಕ್ಕೆ ರೀಮೇಕ್ ಆಗುತ್ತದೆಯೇ?

ಕನ್ನಡದಲ್ಲಿ ದೃಶ್ಯಂ ರೀಮೇಕ್‌ನಲ್ಲಿ ರವಿಚಂದ್ರನ್ ನಟಿಸಿದ್ದರು. ಸಿನಿಮಾ ಸೂಪರ್ ಹಿಟ್ ಆಯಿತು. ರವಿಚಂದ್ರನ್ ಅವರ ರಾಜೇಂದ್ರ ಪೊನ್ನಪ್ಪ ಪಾತ್ರ ಜನಪ್ರಿಯವಾಯಿತು. ಇದೀಗ ದೃಶ್ಯಂ 2 ಬಿಡುಗಡೆ ಆಗಲಿದ್ದು, ಆ ಸಿನಿಮಾವನ್ನೂ ಸಹ ಕನ್ನಡದಲ್ಲಿ ರೀಮೇಕ್ ಮಾಡುತ್ತಾರೆಯೇ ಕಾದು ನೋಡಬೇಕಿದೆ.