Click it and Unblock the Notifications
Don't Miss!
-
ನೇಹಾ ಹಿರೇಮಠ್ ಹತ್ಯೆ ಪ್ರಕರಣ; ನಟ ಧ್ರುವ ಸರ್ಜಾ ಏನಂದ್ರು? -
RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ -
ನಾಳೆ ಬೆಂಗಳೂರಿನಲ್ಲಿ ಚಿಕನ್, ಮಟನ್ ಮಾರಾಟಕ್ಕೆ ನಿಷೇಧ -
ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು! -
Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV -
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಪ್ಪನಿಗೆ ಆಕ್ಷನ್-ಕಟ್ ಹೇಳಲಿದ್ದಾರೆಯೇ ದುಲ್ಕರ್ ಸಲ್ಮಾನ್?
ದುಲ್ಕರ್ ಸಲ್ಮಾನ್ ಸದ್ಯದ ಭಾರತೀಯ ಸಿನಿ ಉದ್ಯಮದಲ್ಲಿ ಮಿನುಗುತ್ತಿರುವ ನಟ. ಮಲೆಯಾಳಂ ಸಿನಿರಂಗವನ್ನು ತಮ್ಮ ಅದ್ಭುತ ಅಭಿನಯದಿಂದ ಸೂರೆಗೊಳಿಸಿರುವ ಇವರು, ಕಾಲಿವುಡ್, ಬಾಲಿವುಡ್‌ನಲ್ಲೂ ಛಾಪು ಮೂಡಿಸಿದ್ದಾರೆ.
Recommended Video
ಅದ್ಭುತ ನಟರಾಗಿರುವ ದುಲ್ಕರ್ ಸಲ್ಮಾನ್, ಬೇಡಿಕೆಯ ಉತ್ತುಂಗದಲ್ಲಿರುವಾಗಲೇ ನಿರ್ದೇಶನದತ್ತ ಮುಖ ಮಾಡುವ ಸೂಚನೆ ನೀಡಿದ್ದಾರೆ.
ದುಲ್ಕರ್ ತಂದೆ ಖ್ಯಾತ ನಟ ಮುಮ್ಮುಟಿ ಎಂಬುದು ಬಹುತೇಕರಿಗೆ ಗೊತ್ತಿರುವ ಸಂಗತಿಯೇ. ತಮ್ಮ ತಂದೆಗೆ ಆಕ್ಷಯ್-ಕಟ್ ಹೇಳುವ ಆಸೆಯನ್ನು ದುಲ್ಕರ್ ಹೊರ ಹಾಕಿದ್ದು, ಇದಕ್ಕಾಗಿ ತಯಾರಿ ಆರಂಭಿಸಿದ್ದಾರೆ.
ಕಿರುಚಿತ್ರಕ್ಕೆ ಅಪ್ಪನಿಗೆ ಆಕ್ಷನ್-ಕಟ್ ಹೇಳಿದ್ದಾರೆ ದುಲ್ಕರ್ ಸಲ್ಮಾನ್
ಭಾರತೀಯ ಸಿನಿ ರಂಗದ ಸ್ಟಾರ್‌ಗಳೆಲ್ಲಾ ಸೇರಿ 'ಫ್ಯಾಮಿಲಿ' ಎಂಬ ಕಿರುಚಿತ್ರ ಮಾಡಿದ್ದು, ಇದರಲ್ಲಿ ಅಮಿತಾಬ್ ಬಚ್ಚನ್, ಶಿವರಾಜ್ ಕುಮಾರ್, ಚಿರಂಜೀವಿ, ರಜನೀಕಾಂತ್, ಮುಮ್ಮುಟಿ, ಮೋಹನ್‌ ಲಾಲ್ ಮುಂತಾದವರು ನಟಿಸಿದ್ದರು. ಈ ಕಿರುಚಿತ್ರಕ್ಕಾಗಿ ಮುಮ್ಮುಟಿ ಪಾತ್ರದ ಶೂಟ್ ಮಾಡಿದ್ದು ದುಲ್ಕರ್ ಸಲ್ಮಾನ್ ಅಂತೆ.
ದುಲ್ಕರ್ ಸಲ್ಮಾನ್-ಮುಮ್ಮುಟಿ ಒಟ್ಟಿಗೆ ನಟನೆ?
ಮಲೆಯಾಳಂ ಸಿನಿ ಪ್ರಿಯರು ಮೊದಲಿನಿಂದಲೂ ದುಲ್ಕರ್ ಸಲ್ಮಾನ್ ಮತ್ತು ಮುಮ್ಮುಟಿ ಒಟ್ಟಿಗೆ ನಟಿಸಬೇಕೆಂದು ಒತ್ತಾಯ ಮಾಡುತ್ತಲೇ ಇದ್ದಾರೆ. ಆದರೀಗ ಅಪ್ಪನ ಸಿನಿಮಾವನ್ನು ಮಗ ನಿರ್ದೇಶಿಸಲಿ ಎಂಬ ಒತ್ತಾಯವೂ ಕೇಳಿಬರುತ್ತಿದೆ.
ಸಿನಿಮಾ ಪ್ರವೇಶಕ್ಕೆ ಮೊದಲು ಕಿರುಚಿತ್ರ ಮಾಡಿದ್ದರು ದುಲ್ಕರ್ ಸಲ್ಮಾನ್
ದುಲ್ಕರ್ ಸಲ್ಮಾನ್ ಸಿನಿಮಾ ರಂಗ ಪ್ರವೇಶಿಸುವುದಕ್ಕೆ ಮೊದಲೇ ಕಿರು ಚಿತ್ರಗಳನ್ನು ನಿರ್ದೇಶಿಸಿ, ನಿರ್ಮಿಸಿದ್ದರು. ಅವರು ನಿರ್ದೇಶಕನಾಗುವ ಕನಸಿಟ್ಟುಕೊಂಡೇ ಸಿನಿಮಾ ರಂಗಕ್ಕೆ ಬಂದವರು.
ತಮ್ಮದೇ ಪ್ರೊಡಕ್ಷನ್ ಹೌಸ್ ತೆರೆದಿರುವ ದುಲ್ಕರ್
ಇತ್ತೀಚೆಗಷ್ಟೆ ತಮ್ಮದೇ ಪ್ರೊಡಕ್ಷನ್ ಹೌಸ್ ಸಹ ತೆರೆದಿರುವ ದುಲ್ಕರ್ ಶೀಘ್ರದಲ್ಲಿಯೇ ನಿರ್ದೇಶಕನ ಟೋಪಿ ಧರಿಸುವ ಸಾಧ್ಯತೆ ಇದೆ. ಅವರು ತಮ್ಮ ಕೆಲವು ಸಂದರ್ಶನಗಳಲ್ಲಿ ಸಹ ಈ ಬಗ್ಗೆ ಹೇಳಿಕೊಂಡಿದ್ದಾರೆ.
