Don't Miss!
- Automobiles Bullet Train: ಭಾರತದಲ್ಲಿ ಮೊದಲ ಬಾರಿಗೆ ನವೀನ ರೀತಿಯ ಹಳಿ ಬಳಕೆ.. 320 ಕಿ.ಮೀ ವೇಗದಲ್ಲಿ ಓಡುತ್ತೆ ರೈಲು!
- Lifestyle ಬಾಯಲ್ಲಿ ನೀರು ತರಿಸುವ ಮಾವಿನ ಕಾಯಿ ಚಟ್ನಿ..! 5 ನಿಮಿಷದಲ್ಲಿ ರೆಡಿ..!
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- News RBI: ಬ್ಯಾಂಕ್ ಕೆಲಸ ಮುಗಿದಿಲ್ವಾ? ಭಯ ಬೇಡ ಮಾರ್ಚ್ 30, 31ಕ್ಕೂ ಓಪನ್ ಇರುತ್ತೆ ಆರ್ಬಿಐ ಕಚೇರಿಗಳು!
- Finance ಮೊದಲ ಬಾರಿಗೆ ಅಂಬಾನಿ ಅದಾನಿ ಸೇರಿ ವ್ಯಾಪಾರ ಒಪ್ಪಂದ, ಇಲ್ಲಿದೆ ಒಪ್ಪಂದ ವಿವರ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮೋಹನ್ಲಾಲ್ ಮಗಳಿಗೆ ದುಲ್ಕರ್ ಸಲ್ಮಾನ್ ಸುಂದರ ಸಂದೇಶ
ಮೋಹನ್ಲಾಲ್ ಮತ್ತು ಮಮ್ಮುಟಿ, ಮಲಯಾಳಂ ನ ಇಬ್ಬರು ಸೂಪರ್ ಸ್ಟಾರ್ಗಳು. ಇಬ್ಬರೂ ಉತ್ತಮ ಗೆಳೆಯರೂ ಸಹ ಹೌದು.
ಮೋಹನ್ ಲಾಲ್, ಮಮ್ಮುಟಿ ಮಾತ್ರವೇ ಅಲ್ಲದೆ, ಈ ಇಬ್ಬರು ಕುಟುಂಬಗಳೂ ಸಹ ಬಹು ಆಪ್ತ. ಮಮ್ಮುಟಿ ಮಗ ಖ್ಯಾತ ನಟ ದುಲ್ಕರ್ ಸಲ್ಮಾನ್ ಹಾಗೂ ಮೋಹನ್ಲಾಲ್ ಮಕ್ಕಳಾದ ಪ್ರಣವ್ ಮೋಹನ್ಲಾಲ್ ಹಾಗೂ ಪ್ರಣವ್ ಮೋಹನ್ಲಾಲ್ ನಡುವೆ ಉತ್ತಮ ಗೆಳೆತನವಿದೆ.
ಇದೀಗ ಮೋಹನ್ಲಾಲ್ ಮಗಳಾದ ವಿಸ್ಮಯಾ ಮೋಹನ್ಲಾಲ್ ಗೆ ಸ್ಟಾರ್ ನಟ, ಮಮ್ಮುಟಿ ಮಗ ದುಲ್ಕರ್ ಸಲ್ಮಾನ್ ಸಾಮಾಜಿಕ ಜಾಲತಾಣದಲ್ಲಿ ಸುಂದರ ಸಾಲುಗಳನ್ನು ಬರೆದಿದ್ದಾರೆ.
ವಿಸ್ಮಯಾ ಮೋಹನ್ಲಾಲ್ ಕವಯತ್ರಿ ಹಾಗು ಚಿತ್ರಕಾರ್ತಿ ಆಗಿದ್ದು ತನ್ನ ಮೊದಲ ಕವನ ಸಂಕಲನವನ್ನು ಹೊರತಂದಿದ್ದಾರೆ. ಅದರ ಒಂದು ಕಾಪಿಯನ್ನು ದುಲ್ಕರ್ ಸಲ್ಮಾನ್ ಗೆ ಕಳಿಸಿದ್ದಾರೆ. ಅದರ ಚಿತ್ರ ಹಂಚಿಕೊಂಡು ವಿಸ್ಮಯ ಜೊತೆಗಿನ ಹಳೆಯ ನೆನಪು ಹಂಚಿಕೊಂಡಿದ್ದಾರೆ ದುಲ್ಕರ್ ಸಲ್ಮಾನ್.
'ಮಾಯಾ (ವಿಸ್ಮಯಾ) ಎಂದರೆ ನನಗೆ ನೆನಪಾಗುವುದು ಆಕೆಯ ಮೊದಲ ವರ್ಷದ ಹುಟ್ಟುಹಬ್ಬ. ಚೆನ್ನೈನಲ್ಲಿ ಅವರ ಪೋಷಕರು ದೊಡ್ಡ ಪಾರ್ಟಿ ಕೊಟ್ಟಿದ್ದರು. ಬಂಗಾರದ ಬಣ್ಣದ ಉಡುಗೆ ತೊಟ್ಟು ಮಿಂಚಿದ್ದಳು ಮಾಯಾ. ಆದರೆ ಪಾರ್ಟಿ ಪ್ರಾರಂಭವಾಗುತ್ತಿದ್ದಂತೆ 'ಬರ್ತ್ಡೇ ಗರ್ಲ್' ಕಾಣೆಯಾಗಿಬಿಟ್ಟಳು. ನಾವೆಲ್ಲರೂ ಆಕೆಯೊಂದಿಗೆ ಆಟವಾಡುವ ಆಸೆಯಿಂದ ಅವರ ಅಮ್ಮನನ್ನು ಕೇಳಿದಾಗ, ಆಕೆ ಮಲಗಿದ್ದಾಳೆ ಎಂದು ಹೇಳಿದರು. ಈಗ ಆಕೆ ಬೆಳೆದು ದೊಡ್ಡವಳಾಗಿದ್ದಾಳೆ ಸ್ವರಚಿತ ಪುಸ್ತಕ ಬಿಡುಗಡೆ ಮಾಡಿದ್ದಾಳೆ. ಡೂಡಲ್ಗಳು, ಚಿತ್ರಗಳು ಇನ್ನೂ ಏನೇನೋ ಮಾಡುತ್ತಿದ್ದಾಳೆ. ಮಾಯಾ ಗೆ ಅಭಿನಂದನೆಗಳು, ನಿನ್ನ ಮೊದಲ ಪುಸ್ತಕದ ಪಾರ್ಟಿಯಲ್ಲಿ ಬೇಗ ನಿದ್ದೆ ಮಾಡಿಬಿಡಬೇಡ' ಎಂದು ಬರೆದಿದ್ದಾರೆ ದುಲ್ಕರ್ ಸಲ್ಮಾನ್.
ಇದಕ್ಕೆ ಪ್ರತಿಕ್ರಿಯಿಸಿರುವ ವಿಸ್ಮಯಾ, 'ಇದು ಬಹಳ ಮಧುರವಾದ ಸಂದೇಶ ಚಾಲು ಚೆಟ್ಟಾ (ದುಲ್ಕರ್ ಸಲ್ಮಾನ್) ನೀವು ಇನ್ನೂ ಆ ಹುಟ್ಟುಹಬ್ಬ ನೆನಪಿಟ್ಟುಕೊಂಡಿರುವುದು ಅದ್ಭುತ' ಎಂದಿದ್ದಾರೆ.
Recommended Video
ದುಲ್ಕರ್ ಸಲ್ಮಾನ್ ಹಾಗೂ ಮೋಹನ್ ಲಾಲ್ ಮೊದಲ ಮಗ ಪ್ರಣವ್ ಮೋಹನ್ಲಾಲ್ ಬಹುತೇಕ ಒಂದೇ ವಯಸ್ಸಿನವರು, ಮತ್ತು ಇಬ್ಬರೂ ಒಳ್ಳೆಯ ಗೆಳೆಯರು ಹಾಗೂ ಪಾರ್ಟನರ್ಗಳು ಸಹ. ಪ್ರಣವ್ ಹಾಗೂ ದುಲ್ಕರ್ ಸಲ್ಮಾನ್ ಒಟ್ಟಿಗೆ ಸಿನಿಮಾದಲ್ಲಿ ನಟಿಸುವ ಸಾಧ್ಯತೆಯೂ ಇದೆ.