ನಟ ಮೋಹನ್ ಲಾಲ್ ಗೆ ತೆಲುಗು ಸಿನಿ ಗಣ್ಯರಿಂದ ಬರ್ತಡೇ ವಿಶ್

Updated: Friday, May 21, 2021, 16:03 [IST]

ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ಮಲಯಾಳಂನ ಖ್ಯಾತ ನಟ ಮೋಹನ್ ಲಾಲ್ ಗೆ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. 61ನೇ ವಸಂತಕ್ಕೆ ಕಾಲಿಟ್ಟಿರುವ ಸೂಪರ್ ಸ್ಟಾರ್ ಗೆ ಅಭಿಮಾನಿಗಳು ಮತ್ತು ಬೇರೆ ಬೇರೆ ಭಾಷೆಯ ಚಿತ್ರರಂಗದ ಗಣ್ಯರಿಂದ ಪ್ರೀತಿಯ ಶುಭಾಶಯ ತಿಳಿಸುತ್ತಿದ್ದಾರೆ.

ಸುಮಾರು ಸುಮಾರು 3 ದಶಕಗಳಿಗೂ ಅಧಿಕ ಕಾಲ ಚಿತ್ರರಂಗದಲ್ಲಿ ಸಕ್ರೀಯರಾಗಿರುವ ಮೋಹನ್ ಲಾಲ್ ಮಲಯಾಳಂ ಮಾತ್ರವಲ್ಲದೇ ದಕ್ಷಿಣ ಭಾರತದ ಎಲ್ಲಾ ಭಾಷೆಯಲ್ಲೂ ನಟಿಸಿ ಸಿನಿ ಪ್ರೇಕ್ಷಕರ ಮನಗೆದಿದ್ದಾರೆ. ಗಡಿಗೂ ಮೀರಿದ ಅಭಿಮಾನಿ ಬಳಗ ಹೊಂದಿರುವ ಮೋಹನ್ ಲಾಲ್ ಎಲ್ಲಾ ಭಾಷೆಯ ಕಲಾವಿದರ ಜೊತೆ ಉತ್ತಮ ಸ್ನೇಹ ಬಾಂಧವ್ಯ ಹೊಂದಿದ್ದಾರೆ. ಇಂದು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ಸೂಪರ್ ಸ್ಟಾರ್ ಗೆ ತೆಲುಗು ಸಿನಿ ಗಣ್ಯರಿಂದ ಪ್ರೀತಿಯ ವಿಶ್ ಹರಿದುಬಂದಿದೆ. ಮುಂದೆ ಓದಿ...

ಮೆಗಾಸ್ಟಾರ್ ಚಿರಂಜೀವಿ ವಿಶ್

ಮೋಹನ್ ಲಾಲ್ ಸ್ನೇಹಿತರ ಬಳಗದಲ್ಲಿ ತೆಲುಗಿನ ಸ್ಟಾರ್ ನಟ ಚಿರಂಜೀವಿ ಕೂಡ ಒಬ್ಬರು. ಇಬ್ಬರ ನಡುವೆ ಉತ್ತಮವಾದ ಸ್ನೇಹ ಸಂಬಂಧವಿದೆ. ಸ್ನೇಹಿತನಿಗೆ ಚಿರಂಜೀವಿ ಸಾಮಾಜಿಕ ಜಾಲತಾಣದ ಮೂಲಕ ಶುಭಾಶಯ ತಿಳಿಸಿದ್ದಾರೆ. 'ಆತ್ಮೀಯ ಮೋಹನ್ ಲಾಲ್ ಗೆ ಜನ್ಮ ದಿನದ ಶುಭಾಶಯಗಳು. ಸಿನಿಮಾ ಪ್ರತಿಭೆಯ ಪವರ್ ಹೌಸ್, ಅದ್ಭುತ ವ್ಯಕ್ತಿತ್ವ ಮತ್ತು ನನ್ನ ಪ್ರೀತಿಯ ಸಹೋದರನಿಗೆ ಹುಟ್ಟುಹಬ್ಬ ಶುಭಾಶಯಗಳು.' ಎಂದಿದ್ದಾರೆ.

ಶುಭಕೋರಿದ ಮಹೇಶ್ ಬಾಬು

ಇನ್ನು ತೆಲುಗಿನ ಮತ್ತೋರ್ವ ಖ್ಯಾತ ನಟ ಮಹೇಶ್ ಬಾಬು ಕೂಡ ಪ್ರೀತಿಯ ಶುಭಾಶಯ ತಿಳಿಸಿದ್ದಾರೆ. 'ಹುಟ್ಟುಹಬ್ಬದ ಶುಭಾಶಯಗಳು ಮೋಹನ್ ಲಾಲ್ ಸರ್. ಯಾವಾಗಲೂ ಸಂತೋಷ ಮತ್ತು ಉತ್ತಮ ಆರೋಗ್ಯದಿಂದ ಇರಿ ಎಂದು ಹಾರೈಸುತ್ತೇನೆ' ಎಂದು ಟ್ವೀಟ್ ಮಾಡಿದ್ದಾರೆ.

ನಟ ರಾಮ್ ಚರಣ್

ನಟ ಮೋಹನ್ ಲಾಲ್ ತೆಲುಗು ಸ್ಟಾರ್ ಚಿರಂಜೀವಿ ಕುಟುಂಬದ ಜೊತೆ ಉತ್ತಮ ಬಾಂಧವ್ಯ ಇಟ್ಟುಕೊಂಡಿದ್ದಾರೆ. ಮಲಯಾಳಂ ಸೂಪರ್ ಸ್ಟಾರ್ ಗೆ ನಟ ರಾಮ್ ಚರಣ್ ಕೂಡ ವಿಶ್ ಮಾಡಿದ್ದಾರೆ. ಶುಭಾಶಯ ತಿಳಿಸುವ ಜೊತೆಗೆ ಮೋಹನ್ ಲಾಲ್ ಜೊತೆಗಿನ ಸುಂದರ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ಕನ್ನಡದ ನಟ ಸುದೀಪ್ ವಿಶ್

ಕನ್ನಡದ ಖ್ಯಾತ ನಟ ಸುದೀಪ್ ಕೂಡ ಪ್ರೀತಿಯ ಶುಭಾಶಯ ತಿಳಿಸಿದ್ದಾರೆ. 'ಸಂತೋಷ ಮತ್ತು ಆರೋಗ್ಯವಾಗಿರಿ. ಮತ್ತಷ್ಟು ಶಕ್ತಿ ಸಿಗಲಿ. ಹುಟ್ಟುಹಬ್ಬದ ಶುಭಾಶಯಗಳು' ಎಂದು ಟ್ವೀಟ್ ಮಾಡಿದ್ದಾರೆ. ಇತ್ತೀಚಿಗೆ 25 ವರ್ಷದ ಸಿನಿಮಾ ಪಯಣ ಆಚರಿಸಿಕೊಂಡ ನಟ ಸುದೀಪ್ ಗೆ ಮೋಹನ್ ಲಾಲ್ ವಿಶ್ ಮಾಡಿದ್ದರು.