ಹಿರಿಯ ನಿರ್ದೇಶಕನ ವಿರುದ್ಧ ಲೈಂಗಿಕ ಕಿರುಕುಳ ದೂರು ನೀಡಿದ ನಟಿ

ಮೂರು ದಶಕದಿಂದಲೂ ಸಿನಿಮಾ ರಂಗದಲ್ಲಿರುವ ಕಮಲ್

ಮೂರು ದಶಕಗಳಿಂದಲೂ ಮಲೆಯಾಳಂ ಸಿನಿಮಾ ಉದ್ಯಮದಲ್ಲಿರುವ ನಿರ್ದೇಶಕ ಕಮಲ್ ಮೇಲೆ ಇದೇ ಮೊದಲ ಬಾರಿಗೆ ಲೈಂಗಿಕ ದೌರ್ಜನ್ಯದ ಆರೋಪ ಬಂದಿದೆ.

ಇನ್ನೂ ಇಬ್ಬರು ಮಹಿಳೆಯರಿಗೂ ಅನ್ಯಾಯ: ಆರೋಪ

ದೂರಿನಲ್ಲಿ ಹೇಳಿರುವ ಪ್ರಕಾರ, ಯುವತಿಯು ತಾನು ಮಾತ್ರವಲ್ಲದೆ ಇನ್ನೂ ಇಬ್ಬರು ಯುವತಿಯರು ನಿರ್ದೇಶಕ ಕಮಲ್ ಇಂದ ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗಿರುವುದಾಗಿ ಹೇಳಿದ್ದಾರೆ. ದೂರಿನ ಪ್ರತಿಯನ್ನು ಮಲೆಯಾಳಂ ನ ಮಾಧ್ಯಮಗಳು ಪ್ರದರ್ಶಿಸಿವೆ.

ಮಲಯಳಂ ಸಿನಿಮಾ ಅಕಾಡೆಮಿ ನಿರ್ದೇಶಕ ಕಮಲ್

ಮಲಯಾಳಂ ಸಿನಿಮಾ ಅಕಾಡೆಮಿಯ ನಿರ್ದೇಶಕರೂ ಆಗಿರುವ ಕಮಲ್, 1986 ರಲ್ಲಿ ಮೊದಲ ಸಿನಿಮಾವನ್ನು ನಿರ್ದೇಶಿಸಿದ್ದರು. ಮೂರು ದಶಕಗಳಿಂದ ಹಲವು ಹಿಟ್ ಸಿನಿಮಾಗಳನ್ನು ನೀಡಿರುವ ಅವರು, ಹಲವು ಪ್ರಶಸ್ತಿಗಳಿಗೂ ಭಾಜನರಾಗಿದ್ದಾರೆ.

2019 ರಲ್ಲಿ ದೂರು ದಾಖಲಾಗಿತ್ತು

2019 ರಲ್ಲಿ ವಕೀಲನೊಬ್ಬ ತನ್ನನ್ನು ನಿರ್ದೇಶಕ ಕಮಲ್ ಮನೆಯಲ್ಲಿ ಕೂಡಿಹಾಕಿಕೊಂಡು ಹಿಂಸೆ ಮಾಡಿದ್ದಾರೆ ಎಂದು ದೂರು ದಾಖಲಿಸಿದ್ದರು. ಆ ಪ್ರಕರಣ ಇನ್ನೂ ನ್ಯಾಯಾಲಯದಲ್ಲಿದೆ.