Don't Miss!
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- News ಮಳೆ.. ಮಳೆ.. ಅಲ್ಲಲ್ಲ ಮುಂದಿನ 1 ವಾರ ಬೆಂಗಳೂರಲ್ಲಿ ಭಾರಿ ಬಿಸಿಲು!
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Sports CSK vs LSG IPL 2024: ಚೆನ್ನೈ vs ಲಕ್ನೋ ಹೈ-ವೋಲ್ಟೇಜ್ ಪಂದ್ಯದ ಟಾಸ್ ವರದಿ; ಆಡುವ 11ರ ಬಳಗ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಲಯಾಳಂ ಸಿನಿಮಾ ನಿರ್ಮಾಪಕರಿಗೆ ಐಟಿ ಶಾಕ್
ಮಲಯಾಳಂ ಸಿನಿಮಾ ನಿರ್ಮಾಪಕರಿಗೆ ಇಂದು ಶುಕ್ರವಾರ ಶುಭವಾಗಿರಲಿಲ್ಲ. ಮಲಯಾಳಂ ಸಿನಿಮಾ ರಂಗದ ಮೂವರು ನಿರ್ಮಾಪಕರ ಮೇಲೆ ಇಂದು ಐಟಿ ಅಧಿಕಾರಿಗಳು ದಾಳಿ ನಡೆಸಿ ಪರಿಶೀಲನೆ ಮಾಡಿದರು.
ಜನಪ್ರಿಯ ನಟ ಮೋಹನ್ಲಾಲ್ರ ಪರಮಾಪ್ತ ನಿರ್ಮಾಪಕ ಆಂಟೊನಿ ಪೆರಂಬವೂರ್ ನಿರ್ಮಾಪಕ ಆಂಟೊ ಜೋಸೆಫ್ ಮತ್ತು ಲಿಸ್ಟಿನ್ ಸ್ಟಿಫನ್ ಅವರುಗಳ ಮನೆ ಹಾಗೂ ಕಚೇರಿಗಳ ಮೇಲೆ ಐಟಿ ಅಧಿಕಾರಿಗಳು ದಾಳಿ ನಡೆಸಿ ಪರಿಶೀಲನೆ ನಡೆಸಿದರು.
ಬ್ಯಾಂಕ್ ವ್ಯವಹಾರ, ಆಯ-ವ್ಯಯ, ಸಿನಿಮಾದಿಂದ ಬರುವ ಲಾಭ, ಲಾಭದ ಹಣ ವರ್ಗಾವಣೆ ಆಗಿರುವ ಹಾದಿ. ಒಟಿಟಿಗಳೊಟ್ಟಿಗೆ ವ್ಯವಹಾರ ಇನ್ನಿತರೆ ವಿಷಯಗಳ ಪರಿಶೀಲನೆಯನ್ನು ಐಟಿ ಅಧಿಕಾರಿಗಳು ಮಾಡಿದ್ದಾರೆ. ಇದರ ಜೊತೆಗೆ ತೆರಿಗೆ ವಂಚನೆ ಮಾಡಲಾಗಿದೆಯೇ ಎಂಬ ಅಂಶವನ್ನು ಸಹ ಪರಿಶೀಲನೆ ಮಾಡಿದ್ದಾರೆ ಅಧಿಕಾರಿಗಳು.
ಮೋಹನ್ಲಾಲ್ ಅವರ ಪರಮಾಪ್ತನಾಗಿರುವ ಆಂಟೊನಿ ಪೆರಂಬವೂರ್ ನಿರ್ಮಾಣದ 'ಮರಕ್ಕರ್; ಅರಬ್ಬಿ ಕಡಲಿಂಟೆ ಸಿಂಹಂ' ಸಿನಿಮಾ ಡಿಸೆಂಬರ್ 02 ರಂದು ಬಿಡುಗಡೆ ಆಗಲಿದೆ. ಮಲಯಾಳಂನ ಅತಿ ದೊಡ್ಡ ಬಜೆಟ್ ಸಿನಿಮಾ ಇದಾಗಿದೆ. ರಾಷ್ಟ್ರಪ್ರಶಸ್ತಿ ಗಳಿಸಿರುವ ಈ ಸಿನಿಮಾ ಒಟಿಟಿ ಜೊತೆ ಬಹಳ ದೊಡ್ಡ ಮೊತ್ತದ ಒಪ್ಪಂದಕ್ಕೆ ಸಹಿ ಹಾಕಿದೆ. ಅದು ಮಾತ್ರವೇ ಅಲ್ಲದೆ, ಸಿನಿಮಾವು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗುತ್ತಿದ್ದು, ಚಿತ್ರಮಂದಿರಗಳಿಂದ ಭಾರಿ ಮೊತ್ತದ ಅಡ್ವಾನ್ಸ್ ಅನ್ನು ಸಹ ಪಡೆಯಲಾಗಿದೆ.
ಆಂಟೊನಿ ಪೆರಂಬವೂರ್ ಮಲಯಾಳಂನ ಸೂಪರ್ ಹಿಟ್ ನಿರ್ಮಾಪಕರಾಗಿದ್ದು, 'ದೃಶ್ಯಂ', 'ದೃಶ್ಯಂ 2' ಸಿನಿಮಾಗಳನ್ನು ಸಹ ಇವರೇ ನಿರ್ಮಾಣ ಮಾಡಿದ್ದಾರೆ. ಐಟಿ ರೇಡ್ಗೆ ಒಳಗಾಗಿರುವ ಮತ್ತೊಬ್ಬ ನಿರ್ಮಾಪಕ ಆಂಟೊ ಜೋಸೆಫ್ ಹಿರಿಯ ನಿರ್ಮಾಪಕರಾಗಿದ್ದು, ರಾಷ್ಟ್ರಪ್ರಶಸ್ತಿ ವಿಜೇತ ಸಿನಿಮಾ 'ಟೇಕ್ ಆಫ್' ಸೇರಿದಂತೆ ಇತ್ತೀಚೆಗೆ ಬಿಡುಗಡೆ ಆದ 'ಮಲಿಕ್' ಸೇರಿ ಹಲವು ಸೂಪರ್ ಹಿಟ್ ಸಿನಿಮಾಗಳನ್ನು ನಿರ್ಮಾಣ ಮಾಡಿದ್ದಾರೆ.
ಇನ್ನು ಲಿಸ್ಟಿನ್ ಸ್ಟೀಫನ್ ತಮಿಳು ಹಾಗೂ ಮಲಯಾಳಂನಲ್ಲಿ ಹಲವು ಸಿನಿಮಾಗಳನ್ನು ನಿರ್ಮಾಣ ಮಾಡಿದ್ದಾರೆ. ಧನುಶ್ ನಟನೆಯ 'ಮಾರಿ', ದುಲ್ಕರ್ ಸಲ್ಮಾನ್ ನಟನೆಯ 'ಉಸ್ತಾದ್ ಹೋಟೆಲ್' ಸೇರಿ ಹಲವು ಮಲಯಾಳಂ ಹಾಗೂ ತಮಿಳು ಸಿನಿಮಾಗಳನ್ನು ನಿರ್ಮಾಣ ಮಾಡಿದ್ದಾರೆ.
ನಿರ್ಮಾಪಕರ ಮನೆ ಮತ್ತು ಕಚೇರಿಗಳನ್ನಷ್ಟೆ ರೇಡ್ ಮಾಡಲಾಗಿದೆ, ಯಾವ ನಟರ ಮನೆಗಳನ್ನು ರೇಡ್ ಮಾಡಿಲ್ಲ. ಹಿಂದೊಮ್ಮೆ ಮೋಹನ್ಲಾಲ್ ಮನೆಯನ್ನು ರೇಡ್ ಮಾಡಲಾಗಿತ್ತು.