ಮಲಯಾಳಂ ನಟ ದಿಲೀಪ್ ಗೆ ಜಾಮೀನು ನೀಡದ ಕೇರಳ ಹೈಕೋರ್ಟ್

ಬಹುಭಾಷಾ ನಟಿಯ ಅಪಹರಣ ಮತ್ತು ಲೈಂಗಿಕ ಕಿರುಕುಳ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಬಂಧನಕ್ಕೊಳಗಾಗಿದ್ದ ಮಲಯಾಳಂನ ಖ್ಯಾತ ನಟ ದಿಲೀಪ್ ಗೆ ಕೇರಳ ಹೈಕೋರ್ಟ್ ಜಾಮೀನು ತಿರಸ್ಕರಿಸಿದೆ.

ನ್ಯಾಯಾಂಗ ಬಂಧನದಲ್ಲಿದ್ದ ನಟ ದಿಲೀಪ್ ಅವರ ಜಾಮೀನು ಅರ್ಜಿಯನ್ನ ಸೋಮವಾರ (ಜುಲೈ 23) ಕೇರಳ ಹೈಕೋರ್ಟ ವಿಚಾರಣೆ ನಡೆಸಿತು. ಆದ್ರೆ, ಸಾಕ್ಷಿಗಳ ಮೇಲೆ ನಟ ಪ್ರಭಾವ ಬೀರುವ ಸಾಧ್ಯತೆಯಿದೆ ಎಂಬ ಕಾರಣಕ್ಕೆ ಜಾಮೀನು ನೀಡಲು ಕೋರ್ಟ್ ನಿರಾಕರಿಸಿದೆ.

ನಟಿಯ ಅಪಹರಣಕ್ಕೆ ಸಂಬಂಧಪಟ್ಟಂತೆ ಕಳೆದ 10 ನೇ ತಾರೀಖಿನಂದು ದಿಲೀಪ್ ಅವರನ್ನ ಪೊಲೀಸರು ಬಂಧಿಸಿ, ನಂತರ 14 ದಿನಗಳ ಕಾಲ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿತ್ತು. ಈಗ, ಹೈ ಕೋರ್ಟ್ ಜಾಮೀನು ನಿರಾಕರಿಸಿರುವ ಹಿನ್ನೆಲೆ ಮತ್ತಷ್ಟು ದಿನ ಜೈಲಿನಲ್ಲಿ ದಿಲೀಪ್ ಕಾಲ ಕಳೆಯಬೇಕಿದೆ.