ಲಾಕ್‌ಡೌನ್ ನಡುವೆ ಎರಡನೇ ಮದುವೆಯಾದ ಮಲೆಯಾಳಂ ಖ್ಯಾತ ನಟ

ಮಲೆಯಾಳಂ ಖ್ಯಾತ ನಟರಲ್ಲಿ ಒಬ್ಬರು

ಮಲೆಯಾಳಂ ನ ಹಲವು ಸಿನಿಮಾಗಳಲ್ಲಿ ಪೋಷಕರ ಪಾತ್ರ, ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವ ಕಪ್ಪನೆಯ, ಅಜಾನುಭಾಹು ನಟ ಚೆಂಬನ್ ವಿನೋದ್ ಜೋಸ್. ಅವರಿಗಿದು ಎರಡನೇ ಬಾರಿಗೆ ಮದುವೆಯಾಗಿದ್ದಾರೆ.

ಸರಳವಾಗಿ ವಿವಾಹವಾದ ಚೆಂಬನ್

ಕೇರಳದ ಕೊಟ್ಟಾಯಂ ನ ಮರಿಯಮ್ ಜೋಸೆಫ್ ಎಂಬ ಸಮಾಜಶಾಸ್ತ್ರಜ್ಞೆಯನ್ನು ಚೆಂಬನ್ ವಿವಾಹವಾಗಿದ್ದಾರೆ. ಲಾಕ್‌ಡೌನ್ ಇದ್ದ ಕಾರಣ ಅತ್ಯಂತ ಸರಳವಾಗಿ ಈ ಮದುವೆ ನೆರವೇರಿದೆ. ಹೊಸ ಜೋಡಿಯ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.

ಚೆಂಬನ್ ಗೆ ಇದು ಎರಡನೇ ಮದುವೆ

ಚೆಂಬನ್ ವಿನೋದ್ ಜೋಸ್ ಅವರಿಗೆ ಇದು ಎರಡನೇ ಮದುವೆ. ಮೊದಲಿಗೆ ಇವರು ಸುನಿತಾ ಎಂಬ ವೈದ್ಯೆಯನ್ನು ವಿವಾಹವಾಗಿದ್ದರು. ಅವರು ನ್ಯೂಯಾರ್ಕ್‌ ನಲ್ಲಿ ನೆಲೆಸಿದ್ದರು. ನಂತರ ಇಬ್ಬರೂ ವಿಚ್ಛೇಧನ ಪಡೆದವರು.

ಹಲವು ಸಿನಿಮಾಗಳಲ್ಲಿ ನಟಿಸಿರುವ ಚೆಂಬನ್

ಚೆಂಬನ್ ಅವರು 2010 ರಲ್ಲಿ 'ನಾಯಗನ್' ಮಲೆಯಾಳಂ ಸಿನಿಮಾ ಉದ್ಯಮ ಪ್ರವೇಶಿಸಿದರು. ತಮಿಳು, ಮರಾಠಿ ಸಿನಿಮಾಗಳಲ್ಲಿಯೂ ನಟಿಸಿರುವ ಇವರ ಖಲಿ, ಒಪ್ಪಂ, ಟ್ರ್ಯಾನ್ಸ್, ಜಲ್ಲಿಕಟ್ಟು, ಅಂಗಮಲೈ ಡೈರೀಸ್, ಚಾರ್ಲಿ ಖ್ಯಾತ ಸಿನಿಮಾಗಳು.