ನಟ ದಿಲೀಪ್ ಬಂಧನದ ಹಿಂದಿರುವ ಸಾಕ್ಷಿಗಳೇನು?

ಪಲ್ಸರ್ ಸುನಿಗೂ ನನಗೂ ಸಂಬಂಧವಿಲ್ಲ

ಬಹುಭಾಷಾ ನಟಿಯ ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಮಲಯಾಳ ನಟ ದಿಲೀಪ್ ಅವರ ಹೆಸರು ಕೇಳಿ ಬಂದಿತ್ತು. ಹೀಗಾಗಿ, ಕಳೆದ ವಾರ ಪೊಲೀಸರು ದಿಲೀಪ್ ಅವರನ್ನ ವಿಚಾರಣೆ ನಡೆಸಿದ್ದರು. ಈ ವೇಳೆ ನಟಿಯ ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ 1ನೇ ಆರೋಪಿ ಆಗಿ ಜೈಲು ಸೇರಿರುವ ಪಲ್ಸರ್ ಸುನಿಗೂ ನನಗೂ ಯಾವುದೇ ಪರಿಚಯವಿಲ್ಲ, ಮತ್ತು ಸಂಬಂಧವಿಲ್ಲವೆಂದು ದಿಲೀಪ್ ಪೊಲೀಸರಿಗೆ ಹೇಳಿಕೆ ನೀಡಿದ್ದರು.

ಪಲ್ಸರ್ ಸುನಿ ಜೊತೆ ದಿಲೀಪ್ ಫೋಟೋ

ಪಲ್ಸರ್ ಸುನಿಗೂ ನನಗೂ ಪರಿಚಯವಿಲ್ಲವೆಂದು ಹೇಳಿದ್ದ ದಿಲೀಪ್ ಅವರನ್ನ ಪೊಲೀಸರು ಫೋಟೋ ಆಧಾರದ ಮೇಲೆ ಬಂಧಿಸಿದ್ದಾರೆ. ಈ ಫೋಟೋದಲ್ಲಿ ಪಲ್ಸರ್ ಸುನಿ ಜೊತೆ ದಿಲೀಪ್ ಕಾಣಿಸಿಕೊಂಡಿದ್ದಾರೆ. ಹೀಗಾಗಿ, ಪಲ್ಸರ್ ಸುನಿ ಪರಿಚಯವಿಲ್ಲವೆಂದು ಹೇಳಿದ್ದರು, ಆದ್ರೆ, ಫೋಟೋ ತೆಗೆಸಿಕೊಂಡಿದ್ದಾರೆ ಎಂಬ ಅನುಮಾನದಿಂದ ದಿಲೀಪ್ ಅವರನ್ನ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.

ಪಲ್ಸರ್ ಸುನಿ ಸಹ ಖೈದಿ ಬಾಯ್ಬಿಟ್ಟ ಸತ್ಯ

ಇನ್ನು ಪಲ್ಸರ್ ಸುನಿ ಜೊತೆ ಜೈಲಿನಲ್ಲಿದ್ದ ಸಹ ಖೈದಿಯೊಬ್ಬ ಈ ಪ್ರಕರಣದ ರೂವಾರಿ ನಟ ದಿಲೀಪ್ ಎಂದು ಪೊಲೀಸರಿಗೆ ಮಾಹಿತಿ ನೀಡಿದ್ದಾರಂತೆ. ಈ ವಿಷ್ಯವನ್ನ ಸ್ವತಃ ಪಲ್ಸರ್ ಸುನಿ, ತನ್ನ ಸಹ ಖೈದಿಯೊಂದಿಗೆ ಹೇಳಿಕೊಂಡಿದ್ದನಂತೆ. ಪಲ್ಸರ್ ಸುನಿ ಸಹ ಖೈದಿ ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾನಂತೆ.

ದಿಲೀಪ್ ವಿರುದ್ಧ ಎರಡು ಸಾಕ್ಷಿಗಳು

ಒಂದು ಫೋಟೋ ಮತ್ತು ಪಲ್ಸರ್ ಸುನಿಯ ಸಹ ಖೈದಿಯ ಹೇಳಿಕೆ, ಇವರೆಡನ್ನ ಪರಿಗಣಿಸಿ ನಟ ದಿಲೀಪ್ ಅವರನ್ನ ಬಂಧಿಸಲಾಗಿದೆಯಂತೆ. ಸದ್ಯ, ದಿಲೀಪ್ ಅವರನ್ನ 14 ದಿನ ನ್ಯಾಯಾಂಗ ಬಂಧನಕ್ಕೆ ನೀಡಲಾಗಿದೆ. ತನಿಖೆ ವೇಳೆ ಮತ್ತಷ್ಟು ಸತ್ಯ ಸಂಗತಿಗಳು ಹೊರಬೀಳುವ ಸಾಧ್ಯತೆ ಇದೆ ಎನ್ನಲಾಗಿದೆ.