Don't Miss!
- News ಕಾಂಗ್ರೆಸ್ ಜನರಿಗೆ ಹೋಲ್ಸೆಲ್ ಮೋಸ ಮಾಡುತ್ತಿದೆ: ಮಾಜಿ ಸಿಎಂ
- Sports ಲಾರೆಸ್ ವರ್ಲ್ಡ್ ಸ್ಪೋರ್ಟ್ಸ್ ಅವಾರ್ಡ್ಸ್ನಲ್ಲಿ ವಿರಾಟ್ ಕೊಹ್ಲಿಯ 50ನೇ ಏಕದಿನ ಶತಕ!
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಿತ್ರೀಕರಣ ಸೆಟ್ನಲ್ಲೇ ಕುಸಿದು ಜೀವ ಬಿಟ್ಟ ಹಿರಿಯ ನಟ
ಮಲಯಾಳಂ ಚಿತ್ರರಂಗ ಹಾಗೂ ನಾಟಕ ರಂಗದ ಹಿರಿಯ ಕಲಾವಿದ ಖಲೀದ್ ಶುಕ್ರವಾರ ನಿಧನ ಹೊಂದಿದ್ದಾರೆ. ಅವರಿಗೆ 74 ವರ್ಷ ವಯಸ್ಸಾಗಿತ್ತು.
ಬಹು ದಶಕಗಳಿಂದಲೂ ಮಲಯಾಳಂ ಸಿನಿಮಾ ರಂಗದಲ್ಲಿ ಸಕ್ರಿಯರಾಗಿರುವ ಖಲೀದ್ ಅವರು ಸಿನಿಮಾದ ಶೂಟಿಂಗ್ ವೇಳೆ ಸೆಟ್ನಲ್ಲಿಯೇ ಕುಸಿದು ಪ್ರಾಣ ಬಿಟ್ಟಿರುವುದು ಕಾಕತಾಳೀಯ.
ಮಲಯಾಳಂನ ನಟ ಟೊವಿನೊ ಥಾಮಸ್ ನಟಿಸುತ್ತಿರುವ ಹೊಸ ಸಿನಿಮಾದಲ್ಲಿ ನಟಿಸುತ್ತಿದ್ದರು ಖಲೀದ್, ಸಿನಿಮಾದ ಚಿತ್ರೀಕರಣ ಕೇರಳದ ವೈಕೋಮ್ ಬಳಿ ನಡೆಯುತ್ತಿದ್ದು, ಆ ವೇಳೆ ಸೆಟ್ನಲ್ಲಿಯೇ ಕುಸಿದು ಬಿದ್ದ ಖಲೀದ್ ಸಾವನ್ನಪ್ಪಿದ್ದಾರೆ.
''ಶುಕ್ರವಾರ ಬೆಳಿಗ್ಗೆ 9:30 ರ ವೇಳೆಗೆ ಸೆಟ್ನಲ್ಲಿನ ಬಾತ್ರೂಮ್ನಲ್ಲಿ ಖಲೀದ್ ಪ್ರಜ್ಞೆಯಿಲ್ಲದೆ ಬಿದ್ದಿದ್ದರು, ಇದನ್ನು ಗಮನಿಸಿದ ಸೆಟ್ನ ಸಿಬ್ಬಂದಿ ಅವರನ್ನು ಸಮೀಪದ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ ಆದರೆ ಅದಾಗಲೇ ವರ ಪ್ರಾಣ ಪಕ್ಷಿ ಹಾರಿಹೋಗಿತ್ತೆಂದು ವೈದ್ಯರು ಖಚಿತಪಡಿಸಿದ್ದಾರೆ.
ಖಲೀದ್ ಅವರದ್ದು ಸಿನಿಮಾ ಕುಟುಂಬ
ಹಲವಾರು ಸಿನಿಮಾ, ಧಾರಾವಾಹಿ ಮಲಯಾಳಂ ನಾಟಕಗಳಲ್ಲಿ ನಟಿಸಿರುವ ಖಲೀದ್ರ ನಾಲ್ವರು ಮಕ್ಕಳು ಸಹ ಮಲಯಾಳಂ ಚಿತ್ರರಂಗದಲ್ಲಿ ಬಹು ಜನಿಪ್ರಿಯರು. ಶೈಜು ಖಲೀದ್ ಮಲಯಾಳಂ ಚಿತ್ರರಂಗದ ಜನಪ್ರಿಯ ಕ್ಯಾಮೆರಾಮನ್ ಆಗಿದ್ದರೆ ಅವರ ಮತ್ತೊಬ್ಬ ಪುತ್ರ ಖಲೀದ್ ರೆಹಮಾನ್ ಮಲಯಾಳಂ ಚಿತ್ರರಂಗದ ಜನಪ್ರಿಯ ನಿರ್ದೇಶಕರಾಗಿದ್ದಾರೆ. ಖಲೀದ್ರ ಮೊದಲ ಪುತ್ರ ಶಾಜಿ ಖಲೀದ್ ಮಲಯಾಳಂ ಚಿತ್ರರಂಗದ ಜನಪ್ರಿಯ ನಿರ್ದೇಶಕ ಹಾಗೂ ಕ್ಯಾಮೆರಾಮನ್ ಆಗಿದ್ದರು, ಆದರೆ ಅವರು 2012 ರಲ್ಲಿಯೇ ನಿಧನ ಹೊಂದಿದರು.
ಕೊನೆ ಉಸಿರಿರುವವರೆಗೆ ನಟಿಸುತ್ತೇನೆ ಎಂದಿದ್ದ ಖಲೀದ್
ಕಳೆದ ಲಾಕ್ಡೌನ್ನಲ್ಲಿ ಮನೊರಮಾಗೆ ಸಂದರ್ಶನ ನೀಡಿದ್ದ ಖಲೀದ್, ''ಮಕ್ಕಳಿಬ್ಬರೂ ಚಿತ್ರರಂಗದಲ್ಲಿ ಜನಪ್ರಿಯರಾಗಿದ್ದಾರೆ. ಇನ್ನೇಕೆ ಸಿನಿಮಾ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುತ್ತಿರಿ ಆರಾಮವಾಗಿ ಮನೆಯಲ್ಲಿರಿ, ದೂರ ದೂರುಗಳಿಗೆ ಚಿತ್ರೀಕರಣಗಳಿಗೆ ಹೋಗಬೇಡಿ ಎಂದೆಲ್ಲ ಹೇಳುತ್ತಾರೆ. ಆದರೆ ನನಗೆ ಸುಮ್ಮನಿರಲು ಇಷ್ಟವಿಲ್ಲ. ನನ್ನ ಕೊನೆ ಉಸಿರಿರುವವರೆಗೆ ನಾನು ನಟಿಸುತ್ತಲೇ ಇರಬೇಕು'' ಎಂದಿದ್ದರು. ಅವರು ಹೇಳಿದಂತೆಯೇ ಅವರ ಕೊನೆಯ ದಿನದ ವರೆಗೂ ಖಲೀದ್ ನಟಿಸುತ್ತಲೇ ಇದ್ದರು.
'ಮರಿಮಯಂ' ಧಾರಾವಾಹಿ ಪಾತ್ರದಿಂದ ಜನಪ್ರಿಯತೆ
ಆ ಕಾಲಕ್ಕೆ ಒಳ್ಳೆಯ ಡ್ಯಾನ್ಸರ್ ಆಗಿದ್ದ ಖಲೀದ್, ನಾಟಕಗಳಲ್ಲಿ ನಟಿಸುತ್ತಿದ್ದರು. ಬಳಿಕ 'ಮರಿಮಯಂ' ಧಾರಾವಾಹಿಯಲ್ಲಿನ ಅವರ ಹಾಸ್ಯ ಪಾತ್ರ ಬಹಳ ದೊಡ್ಡ ಹಿಟ್ ಆಗಿಬಿಟ್ಟಿತು. ಆ ನಂತರ ಹಲವಾರು ಮಲಯಾಳಂ ಧಾರಾವಾಹಿಗಳಲ್ಲಿ ನಟಿಸಲು ಆರಂಭಿಸಿದರು. ಆ ನಂತರ ತಮ್ಮ ಮೊದಲ ಪುತ್ರ ಶಾಜಿ ಖಲೀದ್ ಸಿನಿಮಾ ಮೂಲಕವೇ ಸಿನಿಮಾಕ್ಕೆ ಬಣ್ಣ ಹಚ್ಚಿದ ಅವರು ಆ ನಂತರ ಹಲವಾರು ಸಿನಿಮಾಗಳಲ್ಲಿ ನಟಿಸಿದರು. ಶಾಜಿ ಖಲೀದ್ 2012 ರಲ್ಲಿ ನಿಧನ ಹೊಂದಿದರಾದರೂ ಖಲೀದ್ರ ಇನ್ನೂ ಮೂವರು ಮಕ್ಕಳು ಚಿತ್ರರಂಗದಲ್ಲಿಯೇ ತೊಡಗಿಕೊಂಡಿದ್ದಾರೆ ಹಾಗೂ ಯಶಸ್ವಿಯೂ ಆಗಿದ್ದಾರೆ.
ನಿಧನ ಹೊಂದಿದರೂ ಬೇಸರವೇನಿಲ್ಲ ಎಂದಿದ್ದ ಖಲೀದ್
''ನಾನು ಅವರನ್ನು (ಮಕ್ಕಳನ್ನು) ಅವಕಾಶ ಕೇಳುವುದಿಲ್ಲ. ಅವರು ಕರೆದರೆ ಮಾತ್ರವೆ ನಾನು ಶೂಟಿಂಗ್ಗೆ ಹೋಗುತ್ತೇನೆ. ನಟಿಸುತ್ತೇನೆ. ಸೆಟ್ನಲ್ಲಿ ಸಹ ಅವರೊಟ್ಟಿಗೆ ಹೆಚ್ಚು ಮಾತನಾಡುವುದಿಲ್ಲ. ಏಕೆಂದರೆ ಅಲ್ಲಿ ಅವರು ಅವರ ಕೆಲಸ ಮಾಡಬೇಕು, ನಾನು ನನ್ನ ಕೆಲಸ ಮಾಡಬೇಕು'' ಎಂದಿದ್ದ ಖಲೀದ್. ''ನಾನು ನಾಳೆಯೇ ನಿಧನ ಹೊಂದಿದರೂ ನನಗೆ ಬೇಸರವೇನೂ ಆಗುವುದಿಲ್ಲ. ನಾನು ಚಿತ್ರರಂಗದಲ್ಲಿ ಸಾಕಷ್ಟು ಒಳ್ಳೆಯ ದಿನಗಳನ್ನು ಕಳೆದಿದ್ದೇನೆ. ಸಾಕಷ್ಟು ಒಳ್ಳೆಯ ಹೆಸರು ಸಂಪಾದನೆ ಮಾಡಿದ್ದೇನೆ. ನಾನು ಹೋದಮೇಲೂ ಆ ಹೆಸರು ಹಾಗೆಯೇ ಉಳಿದಿರುತ್ತದೆ ಅದು ಸಾಕು'' ಎಂದು ಮನೊರಮಾ ಜೊತೆಗಿನ ಇತ್ತೀಚಿನ ಸಂದರ್ಶನದಲ್ಲಿ ಖಲೀದ್ ಹೇಳಿಕೊಂಡಿದ್ದರು.