ಮದುವೆಯಾಗಲಿದ್ದಾರೆ ನಟಿ ಮಿಯಾ ಜಾರ್ಜ್‌: ವರ ಇವರೆ

ಮಲೆಯಾಳಂ ಹಾಗೂ ತಮಿಳಿನ ಖ್ಯಾತ ನಟಿ ಮಿಯಾ ಜಾರ್ಜ್‌ ಮದುವೆಯಾಗಲಿದ್ದಾರೆ. ಮಾಜಿ ಪತಿಯೊಂದಿಗೆ ಕುಟುಂಬ ಸದಸ್ಯರೊಂದಿಗೆ ತೆಗೆಸಿಕೊಂಡಿರುವ ಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ನಿರ್ಮಾಣ ಕಂಪೆನಿಯೊಂದರ ಮಾಲೀಕ ಅಶ್ವಿನ್ ಫಿಲಿಪ್ ಅವರನ್ನು ಮಿಯಾ ವರಿಸಲಿದ್ದು, ಕುಟುಂಬ ಸದಸ್ಯರೇ ನೋಡಿ ಮಾಡುತ್ತಿರುವ ಮದುವೆ ಇವರದ್ದಾಗಿದೆ.

ಲಾಕ್‌ಡೌನ್ ಎಲ್ಲಾ ಮುಗಿದ ಬಳಿಕ ಸೆಪ್ಟೆಂಬರ್‌ನಲ್ಲಿ ಮದುವೆ ಸಮಾರಂಭವನ್ನು ಅದ್ಧೂರಿಯಾಗಿ ಮಾಡಲಿದ್ದಾರಂತೆ. ಮದುವೆ ಸುದ್ದಿ ಬಗ್ಗೆ ಮಿಯಾ ಜಾರ್ಜ್‌ ಬಹಿರಂಗವಾಗಿ ಇನ್ನೂ ಹೇಳಿಕೊಂಡಿಲ್ಲ. ಆದರೆ ಮದುವೆ ನಿಶ್ಚಯ ಆಗಿರುವುದು ಖಚಿತ ಎನ್ನುತ್ತಿವೆ ಮೂಲಗಳು.

ಎ ಸ್ಮಾಲ್ ಫ್ಯಾಮಿಲಿ ಸಿನಿಮಾದ ಮೂಲಕ ತೆರೆಗೆ ಪರಿಚಯವಾದ ಜಿಮ್ಮಿ ಜಾರ್ಜ್‌ ಅಲಿಯಾಸ್ ಮಿಯಾ ಜಾರ್ಜ್‌ ಆ ನಂತರ ಹಲವು ಮಲೆಯಾಳಂ ಹಾಗೂ ತಮಿಳು, ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮಲೆಯಾಳಂ ನಲ್ಲಿ ಬಹುಖ್ಯಾತಿಯುಳ್ಳ ನಟಿಯೂ ಆಗಿದ್ದಾರೆ.