ಬಾಯ್ತಪ್ಪಿ, 'ದೃಶ್ಯಂ 2 'ಸಿನಿಮಾ ಕ್ಲೈಮ್ಯಾಕ್ಸ್ ಟ್ವಿಸ್ಟ್ ಹೇಳಿಬಿಟ್ಟ ಮೋಹನ್‌ಲಾಲ್

ಬಾಯ್ತಪ್ಪಿ ಸಿನಿಮಾದ ಕ್ಲೈಮ್ಯಾಕ್ಸ್ ಟ್ವಿಸ್ಟ್ ಹೇಳಿದ ಮೋಹನ್‌ಲಾಲ್

ಹೌದು, ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತನಾಡುತ್ತಿದ್ದ ಮೋಹನ್‌ಲಾಲ್ ಗೆ, 'ದೃಶ್ಯಂ 3' ಸಿನಿಮಾ ಬರುವ ಸಾಧ್ಯತೆ ಇದೆಯಾ? ಎಂಬ ಪ್ರಶ್ನೆ ಎದುರಾಗಿದೆ. ಇದಕ್ಕೆ ಉತ್ತರಿಸಿದ ಮೋಹನ್‌ಲಾಲ್, 'ಜಾರ್ಜ್ ಕುಟ್ಟಿ (ದೃಶ್ಯಂ ನಾಯಕನ ಪಾತ್ರದ ಹೆಸರು) ಸದ್ಯ ಜೈಲಿನಲ್ಲಿದ್ದಾನೆ. ಅವನು ಜೈಲು ಒಡೆದುಕೊಂಡು ಹೊರಬರಬೇಕು ಅಷ್ಟೆ' ಎಂದಿದ್ದಾರೆ. ಆದರೆ ತಮ್ಮ ಮಾತನ್ನು 'ಕವರ್' ಮಾಡಿಕೊಳ್ಳುವ ಯತ್ನ ಮಾಡಿದ್ದಾರೆ ಆದರೆ ಸಾಧ್ಯವಾಗಿಲ್ಲ.

ಕೊಲೆ ತನಿಖೆಯಲ್ಲಿ ಸಿಕ್ಕಿಬಿದ್ದನೇ ಜಾರ್ಜ್ ಕುಟ್ಟಿ

ಮೋಹನ್‌ಲಾಲ್ ಮಾತಿನ ವಿಡಿಯೋ ಸಖತ್ ವೈರಲ್ ಆಗಿದ್ದು, ಅಲ್ಲಿಗೆ ಜಾರ್ಜ್ ಕುಟ್ಟಿ ತಾನು ಈ ಹಿಂದೆ ಮಾಡಿದ ಕೊಲೆಗೆ ಶಿಕ್ಷೆ ಅನುಭವಿಸಲಿದ್ದಾನೆಯೇ ಎಂಬ ಕುತೂಹಲ ಮನೆ ಮಾಡಿದೆ. ದೃಶ್ಯಂ 2 ನ ಟ್ರೇಲರ್‌ನಲ್ಲಿ ತೋರಿಸುವಂತೆ ದೃಶ್ಯಂ ನಲ್ಲಿ ಕೊಲೆಯಾದ ಆ ಯುವಕನ ಪೋಷಕರು ಈ ಸಿನಿಮಾದಲ್ಲಿಯೂ ಮುಂದುವರೆದಿದ್ದಾರೆ. ಅಲ್ಲದೆ, 'ಅವರು ಮತ್ತೆ ಬರಬಹುದು' ಎಂದು ಜಾರ್ಜ್ ಕುಟ್ಟಿ ತನ್ನ ಪತ್ನಿಗೆ ಹೇಳುವ ದೃಶ್ಯವೂ ಟ್ರೇಲರ್‌ನಲ್ಲಿದೆ.

ಕಾನೂನಿಗೆ ಶರಣಾದನೇ ಜಾರ್ಜ್ ಕುಟ್ಟಿ?

ಇದೀಗ ಮೋಹನ್‌ಲಾಲ್ ಸಂದರ್ಶನದಲ್ಲಿ ಹೇಳಿರುವಂತೆ ಜಾರ್ಜ್ ಕುಟ್ಟಿ ಜೈಲಿನಲ್ಲಿರುವುದಾದರೆ ಆ ಕೊಲೆ ಮಾಡಿದ್ದಕ್ಕೆ ಹಾಗೂ ಕೊಲೆ ವಿಷಯ ಮುಚ್ಚಿಟ್ಟದ್ದಕ್ಕೆ ಜಾರ್ಜ್ ಕುಟ್ಟಿಗೆ ಶಿಕ್ಷೆ ಆಗಿದೆ ಎಂದು ಊಹಿಸಬಹುದಾಗಿದೆ. ಅಥವಾ ತನ್ನ ಪತ್ನಿ ಹಾಗೂ ಮಗಳನ್ನು ಉಳಿಸಲು ಜಾರ್ಜ್ ಕುಟ್ಟಿಯೇ ಪೊಲೀಸರಿಗೆ ಶರಣಾಗಿರಬಹುದು ಎಂದು ಸಹ ವಾದಗಳು ಸಾಮಾಜಿಕ ಜಾಲತಾಣದಲ್ಲಿ ಜೋರಾಗಿ ನಡೆಯುತ್ತಿವೆ.

Recommended Video

ದಾಸನ ಹುಟ್ಟುಹಬ್ಬಕ್ಕೆ ವಿಶೇಷವಾಗಿ ವಿಶ್ ಮಾಡಿದ ಸ್ಟಾರ್ ಗಳು | Filmibeat Kannada

ಫೆಬ್ರವರಿ 19 ಕ್ಕೆ ಸಿನಿಮಾ ಬಿಡುಗಡೆ

ಮತ್ತೊಂದು ಗುಂಪು, ಮೋಹನ್‌ಲಾಲ್ ಉದ್ದೇಶಪೂರ್ವಕವಾಗಿಯೇ ಹೀಗೆ ಹೇಳಿರುವ ಸಾಧ್ಯತೆ ಇದೆ. ಸಿನಿಮಾ ಬಗ್ಗೆ ಇನ್ನಷ್ಟು ಕುತೂಹಲ ಕೆರಳಿಸಲು ಹೀಗೆ ಹೇಳಿದ್ದಾರೆ ಎಂದೂ ಸಹ ವಾದಿಸಲಾಗುತ್ತಿದೆ. ಏನೇ ಆಗಲಿ ಸತ್ಯವೇನು ಎಂಬುದು ಫೆಬ್ರವರಿ 19 ರಂದು ಗೊತ್ತಾಗಲಿದೆ. ಅದೇ ದಿನ ಅಮೆಜಾನ್ ಪ್ರೈಂ ನಲ್ಲಿ ವಿಶ್ವದಾದ್ಯಂತ ದೃಶ್ಯಂ 2 ಬಿಡುಗಡೆ ಆಗುತ್ತಿದೆ.