ಸಿದ್ದಿಕಿ ನಿಧನಕ್ಕೆ ಮಲೆಯಾಳಂ ಚಿತ್ರರಂಗ ಸ್ತಬ್ದ: ಕಿಂಗ್ ಆಫ್ ಕೋಥಾ ಟ್ರೈಲರ್ ಬಿಡುಗಡೆ ಮುಂದೂಡಿದ ದುಲ್ಕರ್ ಸಲ್ಮಾನ್

ಮಲಯಾಳಂನ ಜನಪ್ರಿಯ ಸಿನಿಮಾ ನಿರ್ದೇಶಕ ಸಿದ್ದಿಕಿ ಇಸ್ಮಾಯಿಲ್ ನಿಧನಕ್ಕೆ ಮಲಯಾಳಂ ಚಿತ್ರರಂಗ ಸ್ತಬ್ದವಾಗಿದೆ. ಅವರ ನಿಧನದ ನಂತರ ದುಲ್ಕರ್ ಸಲ್ಮಾನ್ ಅವರ ಕನಸಿನ ಸಿನಿಮಾ 'ಕಿಂಗ್ ಆಫ್ ಕೋಥಾ' ಟ್ರೈಲರ್ ಬಿಡುಗಡೆಯನ್ನು ಮುಂದೂಡಲಾಗಿದೆ. ನಿರ್ಮಾಪಕರು ಆಗಸ್ಟ್ 9 ರಂದು ಚಿತ್ರದ ಟ್ರೈಲರ್ ಬಿಡುಗಡೆ ಮಾಡಲು ಪ್ಲ್ಯಾನ್ ಮಾಡಿದ್ದರು.

ಆಗಸ್ಟ್ 7, 2023 ರಂದು ಮಧ್ಯಾಹ್ನ 3 ಗಂಟೆಯ ಸುಮಾರಿಗೆ ಹೃದಯಾಘಾತಕ್ಕೆ ಒಳಗಾಗಿದ್ದ ನಿರ್ದೇಶಕ ಸಿದ್ದಿಕಿ ಅವರನ್ನು ತೀವ್ರ ನಿಗಾ ಘಟಕದಲ್ಲಿ ಇರಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಮಂಗಳವಾರ, ಆಗಸ್ಟ್ 8 ರಂದು ತಮ್ಮ 69 ನೇ ವಯಸ್ಸಿನಲ್ಲಿ ನಿಧನರಾದರು. ಈ ಹಿನ್ನೆಲೆ ಮಲಯಾಲಂ ಚಿತ್ರರಂಗ ಶೋಕದಲ್ಲಿದೆ. 'ಕಿಂಗ್ ಆಫ್ ಕೋಥಾ' ಚಿತ್ರದ ಟ್ರೇಲರ್ ಅನ್ನು ಆಗಸ್ಟ್ 9 ರಂದು ಬಿಡುಗಡೆ ಮಾಡುವುದಾಗಿ ನಿರ್ಮಾಪಕರು ಈ ಹಿಂದೆ ಘೋಷಿಸಿದ್ದರು.

'ಕಿಂಗ್ ಆಫ್ ಕೋಥಾ' ಟ್ರೈಲರ್ ಬಿಡುಗಡೆ ಮುಂದಕ್ಕೆ

ಅಭಿಲಾಷ್ ಜೋಷಿ ನಿರ್ದೇಶನದ 'ಕಿಂಗ್ ಆಫ್ ಕೋಥಾ' ದುಲ್ಕರ್ ಸಲ್ಮಾನ್ ಅವರ ಕನಸಿನ ಪ್ರಾಜೆಕ್ಟ್. ಆಗಸ್ಟ್ 10 ರಂದು ಬಿಡುಗಡೆಯಾಗಲಿರುವ ರಜನಿಕಾಂತ್ ಅವರ ಬಹುನಿರೀಕ್ಷಿತ ಚಿತ್ರ 'ಜೈಲರ್'ಗೆ ಟ್ರೇಲರ್ ಅನ್ನು ಲಗತ್ತಿಸಲಾಗಿದೆ ಎಂದು ವರದಿಯಾಗಿದೆ. ಆದರೆ, ಸಿದ್ದಿಕಿ ಅವರ ನಿಧನದ ನಂತರ ಟ್ರೇಲರ್ ಅನ್ನು ಬಿಡುಗಡೆ ಮಾಡದಿರಲು ನಿರ್ಮಾಪಕರು ನಿರ್ಧರಿಸಿದ್ದಾರೆ.

ದುಲ್ಕರ್ ಸಲ್ಮಾನ್ ಅವರ ವೇಫೇರರ್ ಫಿಲ್ಮ್ಸ್ ತಮ್ಮ ಟ್ವಿಟರ್ ಹ್ಯಾಂಡಲ್‌ನಲ್ಲಿ ಹೇಳಿಕೆಯನ್ನು ಹಂಚಿಕೊಂಡಿದ್ದು, ನಿರ್ದೇಶಕ ಸಿದ್ದಿಕಿ ಅವರ ನಿಧನದಿಂದಾಗಿ, ಕಿಂಗ್ ಆಫ್ ಕೋಥಾ (KOK) ಟ್ರೇಲರ್ ಬಿಡುಗಡೆಯನ್ನು ಮುಂದೂಡಲಾಗಿದೆ ಎಂದಿದೆ. ಜೊತೆಗೆ ಚಿತ್ರ ತಂಡವು ಸಿದ್ದಿಕಿ ಅವರ ಕುಟುಂಬ ಮತ್ತು ಪ್ರೀತಿಪಾತ್ರರಿಗೆ ಸಂತಾಪವನ್ನು ವ್ಯಕ್ತಪಡಿಸಿದೆ.

ಸಿದ್ದಿಕಿ ನಿಧನದ ನಂತರ ದುಲ್ಕರ್ ಸಲ್ಮಾನ್ ಕೂಡ ಸಂತಾಪ ಸೂಚಿಸಿದ್ದಾರೆ. ಅವರ ತಂದೆ ಮಮ್ಮುಟ್ಟಿ ಅವರು ಸಿದ್ದಿಕಿ ಮತ್ತು ಲಾಲ್ ಜೋಡಿಯೊಂದಿಗೆ ಹಲವಾರು ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಸೌಮ್ಯ ಸ್ವಭಾವದ, ಕರುಣಾಮಯಿ, ಪ್ರತಿಭಾನ್ವಿತ ಬರಹಗಾರ/ನಿರ್ದೇಶಕ. ಅವರ ಮೃದು ವರ್ತನೆಯ ಹಿಂದೆ ಅತ್ಯಂತ ಅದ್ಭುತವಾದ ಹಾಸ್ಯ ಅಡಗಿದೆ. ಅವರು ನಮಗೆ ಅಪ್ರತಿಮ ಚಲನಚಿತ್ರಗಳನ್ನು ನೀಡಿದ್ದಾರೆ. ಇದು ತುಂಬಲಾರದ ನಷ್ಟ ಎಂದಿದ್ದಾರೆ.

'ಕಿಂಗ್ ಆಫ್ ಕೋಥಾ'

'ಕಿಂಗ್ ಆಫ್ ಕೋಥಾ' ಮಾಸ್ ಎಂಟರ್‌ಟೈನರ್ ಸಿನಿಮಾ ಎಂದು ನಿರ್ಮಾಪಕ ಹೇಳಿಕೊಂಡಿದ್ದಾರೆ. ಸಿನಿಮಾ ಪೋಸ್ಟರ್‌ಗಳು ಈ ಹೇಳಿಕೆಗೆ ಒತ್ತು ನೀಡುತ್ತಿವೆ. ಸಿನಿಮಾದಲ್ಲಿ ಪ್ರಸನ್ನನಾಗಿ ಶಾಹುಲ್ ಹಾಸನ್, ತಾರಾ ಪಾತ್ರದಲ್ಲಿ ಐಶ್ವರ್ಯ ಲಕ್ಷ್ಮಿ, ಮಂಜು ಪಾತ್ರದಲ್ಲಿ ನೈಲಾ ಉಷಾ ಮತ್ತು ರಂಜಿತ್ ಪಾತ್ರದಲ್ಲಿ ಚೆಂಬನ್ ವಿನೋದ್ ಜೋಸ್ ನಟಿಸಲಿದ್ದಾರೆ.

ಟೋನಿ ಪಾತ್ರದಲ್ಲಿ ಗೋಕುಲ್ ಸುರೇಶ್, ರವಿಯಾಗಿ ಶಮ್ಮಿ ತಿಲಕನ್, ಮಾಲತಿ ಪಾತ್ರದಲ್ಲಿ ಶಾಂತಿ ಕೃಷ್ಣ ಮತ್ತು ರಿತು ಪಾತ್ರದಲ್ಲಿ ಅನಿಖಾ ಸುರೇಂದ್ರನ್ ನಟಿಸಲಿದ್ದು, ದುಲ್ಕರ್ ಸಲ್ಮಾನ್ ತಮ್ಮ ಹೋಮ್ ಬ್ಯಾನರ್ ಅಡಿಯಲ್ಲಿ ಚಿತ್ರವನ್ನು ಸಹ-ನಿರ್ಮಾಣ ಮಾಡುತ್ತಿದ್ದಾರೆ. 'ಕಿಂಗ್ ಆಫ್ ಕೋಥಾ' ಕ್ಕೆ ವೇಫೇರರ್ ಫಿಲ್ಮ್ಸ್ ಮತ್ತು ಝೀ ಸ್ಟುಡಿಯೋಸ್ ಬೆಂಬಲವಿದೆ.

ಅನಾರೋಗ್ಯದಿಂದ ಸಿದ್ದಿಕಿ ನಿಧನ

ಮಲಯಾಳಂನ ಜನಪ್ರಿಯ ಚಿತ್ರನಿರ್ಮಾಪಕ ಸಿದ್ದಿಕ್ ಅವರು ಆಗಸ್ಟ್ 8 ರಂದು ನಿಧನರಾದರು. ಸೋಮವಾರ ಹೃದಯಾಘಾತದಿಂದ ಬಳಲುತ್ತಿದ್ದ ಅವರಿಗೆ ಕೊಚ್ಚಿಯ ಅಮೃತಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಹೃದಯಾಘಾತಕ್ಕೂ ಮುನ್ನ ನ್ಯುಮೋನಿಯಾ ಮತ್ತು ಯಕೃತ್ತಿನ ಕಾಯಿಲೆಗೆ ವೈದ್ಯಕೀಯ ಚಿಕಿತ್ಸೆ ಪಡೆಯುತ್ತಿದ್ದರು. ಹೃದಯಾಘಾತದ ನಂತರ ಅವರನ್ನು ಎಕ್ಸ್ಟ್ರಾಕಾರ್ಪೋರಿಯಲ್ ಮೆಂಬರೇನ್ ಆಕ್ಸಿಜನೇಷನ್ (ECMO) ಯಂತ್ರದ ಬೆಂಬಲದಲ್ಲಿ ಇರಿಸಲಾಗಿತ್ತು.