Don't Miss!
- Finance Tumakuru namma metro: ಮಾದಾವರದಿಂದ ತುಮಕೂರು ಮೆಟ್ರೋ ಕಾರಿಡಾರ್ ಅಪಡೇಟ್
- Lifestyle ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- News Srivari Seva: ತಿರುಮಲ ಶ್ರೀವಾರಿಯ ಸೇವಕರಾಗಲು ಒಂದು ಅದ್ಭುತ ಅವಕಾಶ.. ಕೂಡಲೇ ಬುಕ್ ಮಾಡಿ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಿನಿಮಾ ಸೆಟ್ನಲ್ಲಿ ಶಕೀಲಾ ಕೆನ್ನೆಗೆ ಹೊಡೆದಿದ್ದರು ಸಿಲ್ಕ್ ಸ್ಮಿತಾ
ಒಂದು ಕಾಲದಲ್ಲಿ ಶಕೀಲಾ ಹೆಸರು ಕೇಳಿದರೆ ಪಡ್ಡೆ ಹುಡುಗರ ಮೈ ರೋಮಾಂಚನವಾಗುತ್ತಿತ್ತು. ಅವರ ಚಿತ್ರಗಳ ಎದುರು ಕೋಟಿಗಟ್ಟಲೆ ಹಣ ಸುರಿದು ಮಾಡಿದ ಸಿನಿಮಾಗಳು ಮಕಾಡೆ ಮಲಗುತ್ತಿದ್ದವು. ಈಗಲೂ ಶಕೀಲಾ ಸಿನಿಮಾಗಳನ್ನು ಹುಡುಕಿ ನೋಡುವವರಿಗೇನೂ ಕಡಿಮೆಯಿಲ್ಲ. ಅವರದೇ ಆದ ದೊಡ್ಡ ಅಭಿಮಾನಿ ಬಳಗವಿದೆ. ಅವರು ಹೊರ ಜಗತ್ತಿಗೆ ತಮ್ಮ ಅಭಿಮಾನವನ್ನು ಪ್ರದರ್ಶಿಸುವುದಿಲ್ಲವಷ್ಟೇ!
Recommended Video
ಬಿ ಗ್ರೇಡ್ ಸಿನಿಮಾಗಳನ್ನು ಮಾಡುತ್ತಿದ್ದ ಶಕೀಲಾ, ತಮ್ಮ ಬದುಕನ್ನು ಬದಲಿಸಿಕೊಳ್ಳಲು ನಿರ್ಧರಿಸಿದರು. ಬಿ ಗ್ರೇಡ್ ಚಿತ್ರಗಳ ನಿರ್ಮಾಣ ನಿಂತು ಹೋಗಿ ಕ್ರಮೇಣ ಮಲಯಾಳಂ ಚಿತ್ರರಂಗ ತನ್ನ ಕಳಂಕ ತೊಡೆದು ವಿಭಿನ್ನ ಸಿನಿಮಾಗಳನ್ನು ಮಾಡುವತ್ತ ಚಳವಳಿ ನಡೆಸಿದಾಗ ಶಕೀಲಾ ಕೂಡ ತಮ್ಮ ದಿಕ್ಕು ಬದಲಿಸಿದರು. ಮುಖ್ಯ ವಾಹಿನಿಯ ಅನೇಕ ಸಿನಿಮಾಗಳಲ್ಲಿ ನಟಿಸಿದರು. ಕನ್ನಡದ ಬಿಗ್ ಬಾಸ್ನಲ್ಲಿ ಕೂಡ ಅವರು ಭಾಗವಹಿಸಿದ್ದರು. ಮುಂದೆ ಓದಿ...
ಸಿಲ್ಕ್ ಸ್ಮಿತಾರನ್ನ ದೈಹಿಕವಾಗಿ ಹಿಂಸಿಸಿದ್ದರು ಆ ನಿರ್ಮಾಪಕರು, ವಿತರಕರು.!
ಕಹಿ ಘಟನೆ ನಡೆದಿತ್ತು
90ರ ದಶಕದಲ್ಲಿ ಶಕೀಲಾ ವಯಸ್ಕರ ಸಿನಿಮಾಗಳಿಂದ ಹೆಸರು ಮಾಡಿದ್ದರೆ, ಅದೇ ಸಮಯದಲ್ಲಿ ವಿವಿಧ ಭಾಷೆಗಳ ಸಿನಿಮಾಗಳಲ್ಲಿ ಐಟಂ ಡ್ಯಾನ್ಸ್ ಮಾಡುವ ಮೂಲಕ ಜನಪ್ರಿಯರಾಗಿದ್ದವರು ನಟಿ ಸಿಲ್ಕ್ ಸ್ಮಿತಾ. ಈ ಇಬ್ಬರ ನಡುವೆ ಕಹಿ ಘಟನೆಯೊಂದು ನಡೆದಿತ್ತು. ಇದನ್ನು ಸ್ವತಃ ಶಕೀಲಾ ಒಮ್ಮೆ ಬಹಿರಂಗಪಡಿಸಿದ್ದರು.
ರಿಹರ್ಸಲ್ಗೆ ಒಪ್ಪದ ಸಿಲ್ಕ್
ಸಿನಿಮಾವೊಂದರ ಸನ್ನಿವೇಶದಲ್ಲಿ ಸಿಲ್ಕ್ ಸ್ಮಿತಾ ಹಾಗೂ ಶಕೀಲಾ ಒಟ್ಟಿಗೆ ನಟಿಸಬೇಕಿತ್ತು. ಅದರಲ್ಲಿ ಶಕೀಲಾ ಕೆನ್ನೆಗೆ ಸಿಲ್ಕ್ ಸ್ಮಿತಾ ಹೊಡೆಯುವ ದೃಶ್ಯವಿತ್ತು. ಆಗ ಇನ್ನೂ ಹೊಸಬರಾಗಿದ್ದ ಶಕೀಲಾ, ದೃಶ್ಯದ ರಿಹರ್ಸಲ್ ಮಾಡೋಣ ಎಂದು ಕೇಳಿದ್ದರಂತೆ. ಆದರೆ ಸಿಲ್ಕ್ ಸ್ಮಿತಾ ರಿಹರ್ಸಲ್ಗೆ ಮುಂದಾಗಿರಲಿಲ್ಲ.
ನಿಜಕ್ಕೂ ಹೊಡೆದಿದ್ದ ಸ್ಮಿತಾ
ಚಿತ್ರೀಕರಣದ ವೇಳೆಯೇ ಆರಾಮಾಗಿ ಶೂಟ್ ಮಾಡೋಣ ಎಂದು ಸಿಲ್ಕ್ ಸ್ಮಿತಾ ಹೇಳುತ್ತಿದ್ದರು. ಆದರೆ ಚಿತ್ರೀಕರಣದ ಸಂದರ್ಭದಲ್ಲಿ ಶಕೀಲಾ ಕೆನ್ನೆಗೆ ಸಿಲ್ಕ್ ಸ್ಮಿತಾ ನಿಜಕ್ಕೂ ಜೋರಾಗಿ ಬಾರಿಸಿದ್ದರಂತೆ. ಇದರಿಂದ ಶಕೀಲಾ ಕೆನ್ನೆ ಊದಿಕೊಳ್ಳುವಷ್ಟು ನೋವಾಗಿತ್ತು. ಸೆಟ್ನಲ್ಲಿ ಅವಮಾನಗೊಂಡ ಶಕೀಲಾ ಬಿಕ್ಕಿ ಬಿಕ್ಕಿ ಅತ್ತಿದ್ದರಂತೆ.
ಭಯದಿಂದ ಹೊಡೆದಿರಬಹುದು
ಸಿಲ್ಕ್ ಸ್ಮಿತಾ ನಿರ್ದೇಶಕರೊಬ್ಬರೊಂದಿಗೆ ಸಂಬಂಧ ಹೊಂದಿದ್ದರು. ಹೊಸಬಳಾದ ತಾನು ಎಲ್ಲಿ ಆಕೆಯ ಸ್ಥಾನವನ್ನು ಕಿತ್ತುಕೊಳ್ಳುತ್ತೇನೋ ಎಂಬ ಭಯದಿಂದ ಶೂಟಿಂಗ್ನಲ್ಲಿನ ಸಮಯ ಬಳಸಿಕೊಂಡು ನಿಜವಾಗಿಯೂ ಹೊಡೆದಿರಬಹುದು ಎಂದು ಶಕೀಲಾ ಅಭಿಪ್ರಾಯಪಟ್ಟಿದ್ದರು.
ಮನವೊಲಿಕೆ ಮಾಡಿದ ನಿರ್ಮಾಪಕ
ಆದರೆ ಈ ಘಟನೆ ಶಕೀಲಾ ಅವರಿಗೆ ತೀವ್ರ ದುಃಖ ಉಂಟುಮಾಡಿತ್ತು. ನಂತರ ಎರಡು ದಿನ ಅವರು ಶೂಟಿಂಗ್ಗೆ ಹೋಗಿರಲಿಲ್ಲ. ಮುಂದೆ ಎಲ್ಲಿಯೂ ಸಿಲ್ಕ್ ಸ್ಮಿತಾ ಜತೆ ಶೂಟಿಂಗ್ ಮಾಡುವ ಸನ್ನಿವೇಶಗಳಿಲ್ಲ ಎಂದು ನಿರ್ಮಾಪಕರು ಭರವಸೆ ನೀಡಿದ ನಂತರವೇ ಅವರು ಶೂಟಿಂಗ್ಗೆ ತೆರಳಿದ್ದರಂತೆ.
ಚಾಕೊಲೇಟ್ ನೀಡಿದ ಸ್ಮಿತಾ
ಚಿತ್ರೀಕರಣದ ಸ್ಥಳದಲ್ಲಿ ಸ್ಮಿತಾ ಅವರ ಕಾರ್ ನೋಡಿದ ಕೂಡಲೇ ಅಲ್ಲಿಂದ ಬೇರೆ ಕಡೆ ಹೊರಟರಂತೆ. ಆದರೆ ಸ್ಮಿತಾ ಅವರನ್ನು ತಡೆದು ಸಮಾಧಾನ ಪಡಿಸಿ ಚಾಕೊಲೇಟ್ ಬಾಕ್ಸ್ ನೀಡಿದರಂತೆ. ಹೊಸಬಳಾಗಿರುವುದರಿಂದ ಹೊಡೆತ ತಿಂದಾಗ ಅಳುವುದು ಹೇಗೆ ಎನ್ನುವುದು ಗೊತ್ತಿರಲಾರದು. ಹೀಗಾಗಿ ಜೋರಾಗಿ ಹೊಡೆದಿದ್ದು ಎಂದು ಸಮಜಾಯಿಷಿ ನೀಡಿದರಂತೆ. ಇದನ್ನು ಇನ್ನೂ ಮರೆತಿಲ್ಲ ಎಂದಿದ್ದಾರೆ ಶಕೀಲಾ.