ಎಲ್ಲಿದ್ದೆ ಇಲ್ಲಿ ತನಕ (2019)(U/A)

ಸುಳ್ಳಿನ ಗೋಡೆ ಮೇಲೆ ಕಟ್ಟುವ ಪ್ರೀತಿಯನ್ನ ಉಳಿಸಿಕೊಳ್ಳಲು ಸೃಜನ್ ಪಡುವ ಹರಸಾಹಸವೇ 'ಎಲ್ಲಿದ್ದೆ ಇಲ್ಲಿ ತನಕ'. ಸಿನಿಮಾ ನೋಡುವ ಎರಡೂವರೆ ಗಂಟೆ ಮನರಂಜನೆ ಖಂಡಿತ. ಸೃಜನ್ ಅವರ ಈ ಹಿಂದಿನ ಸಿನಿಮಾಗಳಂತೆ ಈ ಚಿತ್ರವಿಲ್ಲ. ಪ್ರೇಕ್ಷಕರಿಗೆ ಬೇಕಾಗಿರುವ ನಗುವಿನ ಟಾನಿಕ್ ಹೊತ್ತು ಬಂದಿದ್ದಾರೆ. ಸೃಜನ್ ಕಲರ್ ಫುಲ್ ಆಗಿ, ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದು, ಒಂದು ಸರಳ ಸುಂದರ ಕತೆ ಕೊಟ್ಟಿದ್ದಾರೆ. ನೋಡಲು ಯಾವುದೇ ಮೋಸವಿಲ್ಲ.