Don't Miss!
- News ನೇಹಾ ಹಿರೇಮಠ್ ಹತ್ಯೆ; ಕಾಣದ ಕೈಗಳಿಂದ ಕೊಲೆ ಆರೋಪಿ ರಕ್ಷಣೆ ಎಂದ ಜೆಡಿಎಸ್
- Automobiles ಪೆಟ್ರೋಲ್ಗೆ ಹೆಚ್ಚು ಹಣ ಖರ್ಚು ಮಾಡುತ್ತಿದ್ದೀರಾ?.. ಇಲ್ಲಿವೆ ಉತ್ತಮ ಎಲೆಕ್ಟ್ರಿಕ್ ಸ್ಕೂಟರ್ಗಳು, ಜಾಸ್ತಿ ಓಡ
- Finance Bengaluru Traffic Police: ಬೆಂಗಳೂರಿನ ಈ ರಸ್ತೆ ಸಂಚಾರ ಮಾರ್ಗ ಬದಲಾವಣೆ, ವಿವರ
- Technology Samsung: ಭಾರತದಲ್ಲಿ ಹೊಸ ವೇರಿಯಂಟ್ನಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G! ಬೆಲೆ ಎಷ್ಟು?
- Sports RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಶಿಷ್ಟ ಕಂಠಸಿರಿಯ ಕರ್ನಾಟಕದ ಎಸ್ಪಿಬಿ ವಿಕಾಸ
ಮೂಲತಃ ಹುಬ್ಬಳ್ಳಿಯವರಾದ ವಿಕಾಸ, ವಿದ್ಯೆಯಲ್ಲಿ ಹಿಂದೆ ಬಿದ್ದರೂ ಯಾವಾಗಲೂ ಎಸ್ಪಿ ಅವರ ಹಾಡುಗಳನ್ನೇ ಗುನುಗುನಿಸುತ್ತಿದ್ದ, ಮನೆಯಲ್ಲಿ ಸ್ವಕುಳಸಾಳಿ ಭಾಷೆ ಮಾತನಾಡುತ್ತಿದ್ದರೂ, ಕನ್ನಡದ ಹಾಡುಗಳಿಗೆ ಮಾರು ಹೋಗಿದ್ದು ಎಸ್ಪಿಯವರ ಕಂಠ ಸಿರಿಯ ಮಾಧುರ್ಯದಿಂದ.
ಕ್ರಮೇಣ ತಂದೆ ತಾಯಿಯ ಪ್ರೋತ್ಸಾಹದಿಂದ ಚಲನಚಿತ್ರ ಗೀತೆ ಹಾಡುವ ತರಬೇತಿ ಪಡೆದ ವಿಕಾಸ, ಅಕ್ಷರಶಃ ಎಸ್ಪಿಯವರ ಕಂಠಸಿರಿಯನ್ನೇ ಹೋಲುವಂತೆ ಹಾಡುವುದನ್ನು ಕರಗತ ಮಾಡಿಕೊಂಡಿದ್ದು ಇವರಲ್ಲಿರುವ ಅಪಾರ ಪ್ರತಿಭೆಗೆ ಸಾಕ್ಷಿ. ನಂತರ ನಿರಂತರವಾಗಿ ಎಸ್ಪಿಯವರ ಸಂಪರ್ಕವಿಟ್ಟುಕೊಂಡಿರುವ ವಿಕಾಸ, ಇಂದಿಗೂ ಅವರೊಂದಿಗೆ ನೇರವಾಗಿ ದೂರವಾಣಿಯಲ್ಲಿ ಮಾತನಾಡುವಷ್ಟು ಸಲುಗೆ ಬೆಳೆಸಿಕೊಂಡಿದ್ದು ಎಸ್ಪಿಯ ವಿಶಿಷ್ಟ ಅಭಿಮಾನಿ ಆಗಿರುವುದರಿಂದ.
ಕರ್ನಾಟಕದಲ್ಲಿ ಎಸ್ಪಿ ಅಭಿಮಾನಿ ಬಳಗದ ಉತ್ಸಾಹಿ ಕಾರ್ಯಕರ್ತರಾಗಿದ್ದಾರೆ. ಎಸ್ಪಿ ಕಂಠಸಿರಿಯಲ್ಲಿ ಮೂಡಿಬಂದ ಕನ್ನಡ, ತೆಲಗು ಮತ್ತು ಹಿಂದಿ ಹಾಡುಗಳನ್ನು ಸುಶ್ರಾವ್ಯವಾಗಿ ವಿಕಾಸ ಹಾಡುತ್ತಿದ್ದರೆ ಎಸ್ಪಿಯವರಿಗೇ ಅಚ್ಚರಿಯಾಗಿತ್ತಂತೆ. ನಮ್ಮಲ್ಲಿ ಅನುಕರಣೆ ಮಾಡುವವರು ಅಪಾರ. ಆದರೆ ಅನುಕರಣೆ ಕೂಡ ಅಕ್ಷರಶಃ ಹೋಲುವಂತೆ ಮಾಡುವುದು ಕಷ್ಟ. ಆದರೆ ಸವಾಲೆಂಬಂತೆ ವಿಕಾಸ ಎಸ್ಪಿ ಯವರ ಕಂಠಸಿರಿಯನ್ನು ಅನುಕರಣೆ ಮಾಡುತ್ತಾರೆ.
ಇನ್ನು ತನ್ನ ಕೈಮೇಲೆ ಎಸ್.ಪಿ.ಬಾಲು ಎಂದು ಹಚ್ಚೆ ಹಾಕಿಸಿಕೊಂಡಿರುವ ವಿಕಾಸ, ತನ್ನ ಜೀವನವನ್ನೇ ಎಸ್ಪಿಯವರಿಗಾಗಿ ಮೀಸಲಿಟ್ಟಿದ್ದೇನೆ ಎನ್ನುತ್ತಾರೆ. ಇವರ ಮನೆಯಲ್ಲಿ ಎಲ್ಲೆಡೆ ಎಸ್ಪಿಯವರ ದೊಡ್ಡ ದೊಡ್ಡ ಫೋಟೋಗಳನ್ನು ನೋಡಿದರೆ ಇವರ ಸಾಧನೆಗೆ ಪ್ರೇರಣೆಗಾಗಿಯೇ ಎನಿಸುವುದರಲ್ಲಿ ಸಂಶಯವಿಲ್ಲ.