ಖಾನಾ ಗಾನಾ: ಸ್ವಾದಿಷ್ಟ ಊಟ ಜೊತೆಗೆ ರಾಗ ರಂಜನೆ

ಹಳೆಯ ಹಿಂದಿಯ ಜನಪ್ರಿಯ ಸುಮಧುರ ಗೀತೆಗಳ ಈ ಕಾರ್ಯಕ್ರಮಕ್ಕೆ 'ಗೋಲ್ಡನ್ ಗ್ರೇಟ್ಸ್' ಎಂದು ಹೆಸರಿಡಲಾಗಿದೆ. ಈ ಕಾರ್ಯಕ್ರಮದಲ್ಲಿ ಮುಂಬೈನ ಕೌಶಿಕ್ ಕೊಠಾರಿ ಅವರ ಸಂಗೀತ ತಂಡ 150ಕ್ಕೂ ಹೆಚ್ಚು ಗೀತೆಗಳನ್ನು ಹಾಡಿ ಕೇಳುಗರ ಮನಸೂರೆಗೊಳ್ಳಲಿದೆ.

ಪ್ರತಿ ನಿತ್ಯ ಸಂಜೆ 6 ಗಂಟೆಯಿಂದ ರಾತ್ರಿ 11 ಗಂಟೆ ತನಕ 'ಖಾನಾ ಗಾನಾ' ಕಾರ್ಯಕ್ರಮ ನಡೆಯಲಿದೆ. ಸಂಜೆ 6ರಿಂದ 8ರ ತನಕ ರುಚಿಕರವಾದ 90ಕ್ಕೂ ಅಧಿಕ ವೈವಿಧ್ಯಭರಿತ ಶಾಕಾಹಾರ ತಿಂಡಿ ತಿನಿಸುಗಳನ್ನು ಸವಿಯಬಹುದು. ರಾತ್ರಿ 8ಕ್ಕೆ ಹಳೆಯ ಸುಮಧುರ ಚಿತ್ರಗೀತೆಗಳನ್ನು ಕೇಳಬಹುದು ಎಂದು ಸಾಗರ್ ಕ್ಯಾಟರರ್ಸ್ ಮುಖ್ಯಸ್ಥ ಪಂಕಜ್ ಕೊಠಾರಿ ತಿಳಿಸಿದ್ದಾರೆ. (ಒನ್‌ಇಂಡಿಯಾ ಕನ್ನಡ)