Don't Miss!
- News Srivari Seva: ತಿರುಮಲ ಶ್ರೀವಾರಿಯ ಸೇವಕರಾಗಲು ಒಂದು ಅದ್ಭುತ ಅವಕಾಶ.. ಕೂಡಲೇ ಬುಕ್ ಮಾಡಿ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಲೋಕಸಭಾ ಚುನಾವಣೆ 2024: ಟಾಪ್ 10 ಶ್ರೀಮಂತ ಅಭ್ಯರ್ಥಿಗಳು ಇವರು
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪಾಪ್ ದೇವತೆ ಶಕೀರಾ ಹಾಟ್ ಹಾಗೂ ಗ್ರೇಟ್
ಫೆ.26ರಂದು ಇಂಗ್ಲೀಷ್ (Gypsy)ಹಾಗೂ ಸ್ಪಾನೀಷ್ (Gitana)ಭಾಷೆಯಲ್ಲಿ ಈ ಅಲ್ಬಂ ಬಿಡುಗಡೆಯಾಗಲಿದೆ. ಆದರೆ, ಈಗಾಗಲೇ ಅಲ್ಬಂನ ಟ್ರೈಲರ್ ಗಳು ಯೂಟೂಬ್ ಸೇರಿದಂತೆ ಎಲ್ಲೆಡೆ ಬಹು ಜನಪ್ರಿಯತೆ ಗಳಿಸಿದೆ. ಶಕೀರಾಳ ಮಾದಕತೆ ಜೊತೆಗೆ ಕಟ್ಟುಮಸ್ತಾದ ಕ್ರೀಡಾಪಟು ನಡಾಲ್ ಜೋಡಿ ಎಲ್ಲರಿಗೂ ಹುಚ್ಚಿಡಿಸಿದೆ. ಸಂಗೀತ ಲೋಕದಲ್ಲಿ ಅತಿಹೆಚ್ಚು ಗಳಿಕೆಯ ಮಹಿಳಾಮಣಿಗಳ ಸಾಲಿನಲ್ಲಿ ಮಡೋನ್ನಾ, ಬಾರ್ಬರಾ ಸ್ಟ್ರೇಸ್ಯಾಂಡ್, ಸೆಲಿನೆ ಡಿಯಾನ್ ನಂತರ ಸ್ಥಾನದಲ್ಲಿ ಶಕೀರಾ ನಿಲ್ಲುತ್ತಾರೆ. ಸುಮಾರು 6 ಅಲ್ಬಂಗಳನ್ನು ಹೊರತಂದಿರುವ ಶಕೀರಾ ಅವರ ಕಳೆದ ಅಲ್ಬಂದ ಶೀ ವುಲ್ಫ್(2009) ಜನಪ್ರಿಯತೆ ಗಳಿಸಿತ್ತು.
ದಾನಶೂರಸಂಗೀತ ಸಾಮ್ರಾಜ್ಞಿ
Pies Descalzos Foundation ಎಂಬ ದತ್ತಿ ಸಂಸ್ಥೆ ಸ್ಥಾಪಿಸಿರುವ ಶಕೀರಾ, ತನ್ನ ದುಡಿಮೆಯ ಹಣವನ್ನು ಸಾಮಾಜಿಕ ಕಾರ್ಯಗಳಿಗೆ ಯಥೇಚ್ಛವಾಗಿ ಬಳಸುತ್ತಿದ್ದಾರೆ. ಯುನಿಸೆಫ್ ನ ಗುಡ್ ವಿಲ್ ನ ರಾಯಭಾರಿಯಾಗಿರುವ ಶಕೀರಾ, ಮಕ್ಕಳ ಶಿಕ್ಷಣ, ಆರೋಗ್ಯದ ಬಗ್ಗೆ ಸಾಕಷ್ಟು ಜಾಗೃತಿ ಮೂಡಿಸಿದ್ದಾರೆ. ವಿಶ್ವದ ಅತಿ ಶ್ರೀಮಂತರಾದ ಕರ್ಲೊಸ್ ಸಿಮ್, ವಾರೆನ್ ಬಫೆಟ್ ಅವರ ಮಗ ಹಾರ್ವಡ್ ಬಫೆಟ್ ಅವರಿಂದ ಸುಮಾರು 200 ಮಿಲಿಯನ್ ಡಾಲರ್ ಹಣವನ್ನು ದೇಣಿಗೆಯಾಗಿ ಪಡೆಯುವಲ್ಲಿ ಶಕೀರಾ ಯಶಸ್ವಿಯಾಗಿದ್ದಾರೆ.
ಒಂದು ಅಂದಾಜಿನ ಪ್ರಕಾರ ಶಕೀರಾ ಕನಿಷ್ಟವೆಂದರೂ 55,000ಡಾಲರ್ ನಷ್ಟು ಹಣವನ್ನು ಒಂದು ವರ್ಷದ ದಾನ ಧರ್ಮಕಾರ್ಯಗಳಿಗೆ ಮೀಸಲಿಡುತ್ತಾರೆ. ಬಾಂಗ್ಲಾದೇಶದಲ್ಲಿ ಚಂಡಮಾರುತಕ್ಕೆ ಸಿಕ್ಕಿ, ಅಲ್ಲಿನ ಶಾಲೆಗಳು ನಾಶವಾದಾಗ ಅಲ್ಲಿಗೆ ಭೇಟಿ ನೀಡಿದ ಶಕೀರಾ, ಮೂರು ದಿನಗಳ ಕಾಲ ಮಿರ್ಜಾಪುರ್ ಗ್ರಾಮದಲ್ಲಿ ನೆಲೆಸಿ, ಸ್ಥಳೀಯ ಮಕ್ಕಳೊಡನೆ ಆಡಿ ನಲಿದರು. ತಮ್ಮ 32 ವರ್ಷದ ಹುಟ್ಟುಹಬ್ಬ ಪ್ರಯುಕ್ತ ಸ್ವಂತ ಊರು ಬಂರಂಕ್ವಿಲ್ಲಾದಲ್ಲಿ 6 ಮಿಲಿಯನ್ ಡಾಲರ್ ಖರ್ಚು ಮಾಡಿ ಶಾಲೆ, ಕಾಲೇಜು ಕಟ್ಟಿಸಿದ್ದಾರೆ.
ಡಿಸೆಂಬರ್ 7, 2009 ರಲ್ಲಿ ಶಕೀರಾ ಇನ್ನೊಂದು ಸಾಧನೆ ಮೆರೆದರು. ವಿಶ್ವಖ್ಯಾತ ಆಕ್ಸ್ ಫರ್ಡ್ ವಿಶ್ವವಿದ್ಯಾಲಯದಲ್ಲಿ ಮಕ್ಕಳ ಶಿಕ್ಷಣ ಕುರಿತು ಉಪನ್ಯಾಸ ನೀಡಿದರು. ಅಲ್ಬರ್ಟ್ ಐನ್ ಸ್ಟೀನ್,ಮದರ್ ಥೆರೆಸಾ, ದಲೈ ಲಾಮಾ ಸೇರಿದಂತೆ ಅನೇಕಾನೇಕ ಅಮೆರಿಕ ಅಧ್ಯಕ್ಷರಿಗೆ ಸಿಕ್ಕ ಗೌರವ ಉಪನ್ಯಾಸಕ ಸ್ಥಾನ, ಶಕೀರಾಗೂ ಪ್ರಾಪ್ತಯಾಗಿದ್ದು, ಆಕೆಯ ಸಾಧನೆ ಎನ್ನಬಹುದು. ಅಂದಿನ ಉಪನ್ಯಾಸದಲ್ಲಿ ಆಕೆಯ ಮಾತುಗಳು ಮನಮುಟ್ಟುವಂತ್ತಿತ್ತು. "'2010 ರಲ್ಲಿ ವಿಶ್ವದ ನಂ.1 ಆಗಲು ಹಲವು ದೇಶಗಳು ಹವಣಿಸುತ್ತಿವೆ ಇದಕ್ಕಿಂತ ಶಿಕ್ಷಣ, ಸ್ವಾವಲಂಬನೆ ಬಹುಮುಖ್ಯ. ಮುಂಬರುವ ವರ್ಷಗಳಲ್ಲಿ ಅಫ್ಘಾನಿಸ್ತಾನಕ್ಕೆ 30 ಯೋಧರನ್ನು ಕಳಿಸುವ ಬದಲು 30 ಸಾವಿರ ಶಿಕ್ಷಕರನು ಕಳಿಸುವಂತಾಗಲಿ, ಜ್ಞಾನ ಹಂಚುವಿಕೆಯಿಂದ ವಿಶ್ವಶಾಂತಿ ನೆಲೆಸುವಂತಾಗಲಿ" ಎಂಬ ಉನ್ನತ ಆದರ್ಶದ ಮಾತುಗಳನ್ನಾಡಿದ್ದು ಪಾಪ್ ಲೋಕದ ದೇವತೆ ಶಕೀರಾ.