ಮುಖಪುಟ

ಹಾಡೊಂದ ಕೇಳಿ

ಪುನೀತ್ ರಾಜ್ ಕುಮಾರ್ ಮುಖ್ಯಭೂಮಿಕೆಯಲ್ಲಿರುವ 'ಹುಡುಗರು' ಆಡಿಯೋ ಮಾರುಕಟ್ಟೆಗೆ ಬಂದು ಇನ್ನೂ ಮೂರು ದಿನ ಆಗಿಲ್ಲ ಆಗಲೇ ಸೂಪರ್ ಹಿಟ್ ಆಗಿದೆ.ಈಗ ಚಿತ್ರದ ಹಾಡುಗಳು ಎಲ್ಲೆಲ್ಲೂ ಹರಿದಾಡುತ್ತಿವೆ. "ಶಂಭೋ ಶಿವ ಶಂಭೋ.." ಎಂಬ ಹಾಡನ್ನು ಹೊರತುಪಡಿಸಿದರೆ ಉಳಿದೆಲ್ಲಾ ಹಾಡುಗಳನ್ನು ಹರಿಕೃಷ್ಣ ಅವರ ಸ್ವಂತಿಕೆಯಲ್ಲಿ ಮೂಡಿಬಂದಿವೆ.

ಫೇಸ್ ಬುಕ್‌ನಲ್ಲೂ ಹುಡುಗರು ಆಡಿಯೋ ಬಗ್ಗೆ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಆದರೆ ಮಾರುಕಟ್ಟೆಯಲ್ಲಿ ಆಡಿಯೋ ಲಭ್ಯವಿಲ್ಲ ಎಂಬ ಮಾತುಗಳು ಕೇಳಿಬಂದಿವೆ. ನೀರಲ್ಲಿ...ಹಾಗೂ ಶಂಭೋ ಶಿವ ಶಂಭೋ ಎಂಬ ಎರಡು ಹಾಡುಗಳಂತೂ ಪ್ರೇಕ್ಷಕರು ಸಿಕ್ಕಾಪಟ್ಟೆ ಇಷ್ಟಪಟ್ಟಿದ್ದಾರೆ. ಉಳಿದ ಹಾಡುಗಳು ಜನಪ್ರಿಯವಾಗುತ್ತ್ತಿವೆ.

ಹುಡುಗರು ಚಿತ್ರಕ್ಕಾಗಿ ಪ್ರತ್ಯೇಕ ವೆಬ್ ಸೈಟ್, ಫೇಸ್ ಬುಕ್, ಯೂಟ್ಯೂಬ್ ವಾಹಿನಿ ಮೂಲಕ ವಿನೂತನವಾಗಿ ಪ್ರಚಾರಕ್ಕಿಳಿದಿರುವ ವಜ್ರೇಶ್ವರಿ ಸಂಸ್ಥೆ ಈ ರಿಮೇಕ್ ಚಿತ್ರವನ್ನು ಕನ್ನಡದ ಸದಭಿರುಚಿ ಪ್ರೇಕ್ಷಕರು ಮೆಚ್ಚುತ್ತಾರೆ ಎಂಬ ಭರವಸೆ ವ್ಯಕ್ತಪಡಿಸಿದೆ. ಜನ ಏನು ಕೇಳ್ತಾರೋ ಅದನ್ನು ನಾವು ಕೊಡಬೇಕು. ಹುಡುಗರು ಹೆಸರೇ ಹೇಳುವಂತೆ ಯುವ ಜನಾಂಗಕ್ಕೆ ಒಂದು ಒಳ್ಳೆ ಮೇಸೆಜ್ ಇರುವಂಥ ಚಿತ್ರ ಹಾಗಾಗಿ ಫೇಸ್ ಬುಕ್ ಯೂಟ್ಯೂಬ್ ಅನ್ನು ಬಳಸಿಕೊಂಡು ಯುವಕರನ್ನು ಹೆಚ್ಚು ತಲುಪಲು ಉದ್ದೇಶಿಸಿದ್ದೇವೆ ಎಂದು ರಾಘವೇಂದ್ರ ರಾಜ್ ಕುಮಾರ್ ಹೇಳಿದ್ದಾರೆ.