ಕೋರ್ಟ್ ಮೆಟ್ಟಿಲೇರಿದ 'ವೈ ದಿಸ್ ಕೊಲವೆರಿ ಡಿ'

ಜನಪ್ರಿಯ ವಿಡಿಯೋ ಹಂಚಿಕೆ ತಾಣ ಯೂಟ್ಯೂಬ್‌ನಲ್ಲಿ ಭಾರಿ ಗದ್ದಲ ಎಬ್ಬಿಸಿದ್ದ ತಮಿಳು '3' ಚಿತ್ರದ ಹಾಡು "ವೈ ದಿಸ್ ಕೊಲವೆರಿ ಡಿ" ಈಗ ಕೋರ್ಟ್ ಮೆಟ್ಟಿಲೇರಿದೆ. ಈ ಹಾಡನ್ನು ನಿಷೇಧಿಸಬೇಕು ಎಂದು ಕೇರಳ ಹೈಕೋರ್ಟ್‌ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಲಾಗಿದೆ.

ಈ ಹಾಡು ಮಕ್ಕಳ ಮನಸ್ಸಿನ ಮೇಲೆ ದುಷ್ಪರಿಣಾಮ ಬೀರುತ್ತದೆ. ಹಾಡಿನ ಸಾಹಿತ್ಯ ಕೆಟ್ಟದಾಗಿದ್ದು ಮಕ್ಕಳಲ್ಲಿ ಹಿಂಸಾತ್ಮಕ ಪ್ರವೃತ್ತಿಯನ್ನು ಪ್ರೇರೇಪಿಸುವಂತಿದೆ ಎಂದು ಎಂ ಮಾದಸ್ವಾಮಿ ಎಂಬುವವರು ಅರ್ಜಿ ಸಲ್ಲಿಸಿದ್ದಾರೆ.

ತಮಿಳು ಸೂಪರ್ ಸ್ಟಾರ್ ರಜನಿಕಾಂತ್ ಅಳಿಯ ಧನುಷ್ ಈ ಹಾಡನ್ನು ಹಾಡಿದ್ದು, ಚಿತ್ರಕ್ಕೆ ಧನುಷ್ ಪತ್ನಿ ಐಶ್ವರ್ಯ ಬಂಡವಾಳ ಹೂಡಿದ್ದರು. ಯೂಟ್ಯೂಬ್‌ನಲ್ಲಿ ಸಾಕಷ್ಟು ಜನಪ್ರಿಯತೆ ಪಡೆದುಕೊಂಡ ಈ ಹಾಡು ಯುವಜನತೆಯ ಮನಸೂರೆಗೊಂಡಿತ್ತು. (ಏಜೆನ್ಸೀಸ್)