ಮೋಹಕ ತಾರೆ ರಮ್ಯಾ ಇತ್ತೀಚಿಗೆ ಹೆಚ್ಚು ಇಷ್ಟ ಪಟ್ಟ ಕನ್ನಡದ ಹಾಡಿದು

'ನಿನ್ನ ಸನಿಹಕೆ' ಕವರ್ ಸಾಂಗ್

ಡಾ ರಾಜ್ ಕುಮಾರ್ ಮೊಮ್ಮಗಳು ಮೊದಲ ಸಲ ನಟಿಸುತ್ತಿರುವ ಚಿತ್ರ 'ನಿನ್ನ ಸನಿಹಕೆ'. ಈ ಸಿನಿಮಾದ ಕವರ್ ವರ್ಷನ್ ಹಾಡೊಂದು ಬಿಡುಗಡೆಯಾಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಸಂಚಲನ ಸೃಷ್ಟಿಸಿದೆ. ಈ ಹಾಡು ಈಗ ರಮ್ಯಾ ಅವರಿಗೂ ಹೆಚ್ಚು ಆಗಿದೆ. 'ಪ್ರಸ್ತುತ ನಾನು ಹೆಚ್ಚು ಇಷ್ಟ ಪಟ್ಟ ಹಾಡು ಇದು' ಎಂದು ಶೇರ್ ಮಾಡಿದ್ದಾರೆ.

ತಮಿಳು ಚಿತ್ರರಂಗಕ್ಕೆ ಕಾಲಿಟ್ಟ ಡಾ ರಾಜ್ ಕುಮಾರ್ ಮೊಮ್ಮಗಳು

ನೀ ಪರಿಚಯ...ಕವರ್ ವರ್ಷನ್

'ನಿನ್ನ ಸನಿಹಕೆ' ಸಿನಿಮಾದ 'ನೀ ಪರಿಚಯ....' ಕವರ್ ವರ್ಷನ್ ಹಾಡಿಗೆ ಚಿತ್ರದ ನಾಯಕ ಸೂರಜ್ ಗೌಡ - ನಾಯಕಿ ಧನ್ಯಾ ರಾಮ್ ಕುಮಾರ್ ದನಿಯಾಗಿದ್ದಾರೆ.. ನಾಯಕ-ನಾಯಕಿ ಹಾಡಿರುವ ಹಾಡಿಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗ್ತಿದೆ. ಇದರ ಮೂಲ ಹಾಡನ್ನು ಸಿದ್ಧಾರ್ಥ್ ಬೆಲ್ಮಣ್ಣು, ರಕ್ಷಿತ್ ಸುರೇಶ್ ಹಾಡಿದ್ದಾರೆ. ವಾಸುಕಿ ವೈಭವ್ ಸಾಹಿತ್ಯ ಬರೆದಿದ್ದಾರೆ.

ರಾಜ್ ಮೊಮ್ಮಗಳ ಮೊದಲ ಚಿತ್ರ

ಡಾ ರಾಜ್ ಕುಮಾರ್ ಮಗಳು ಪೂರ್ಣಿಮಾ-ರಾಮ್ ಕುಮಾರ್ ದಂಪತಿಯ ಮಗಳು ಧನ್ಯಾ ರಾಮ್ ಕುಮಾರ್. ಧನ್ಯಾ ನಟಿಸಿರುವ ಮೊದಲ ಸಿನಿಮಾ ಇದು. ಸ್ವತಃ ಸೂರಜ್ ಗೌಡ ಈ ಚಿತ್ರ ನಿರ್ದೇಶಿಸಿ, ನಾಯಕನಾಗಿ ನಟಿಸಿದ್ದಾರೆ. ಸಿನಿಮಾ ಆರಂಭದಿಂದಲೂ ಬಹಳ ಕುತೂಹಲ ಮೂಡಿಸಿದೆ.

'ದಿ ಫ್ಯಾಮಿಲಿ ಮ್ಯಾನ್-2'; ಸಮಂತಾ ನಟನೆಗೆ ಮೋಹಕ ತಾರೆ ರಮ್ಯಾ ಫಿದಾ

ಆಗಸ್ಟ್ 20ಕ್ಕೆ ತೆರೆಗೆ?

ಆಗಸ್ಟ್ 1 ರಂದು 'ನಿನ್ನ ಸನಿಹಕೆ' ಚಿತ್ರದ ಟ್ರೈಲರ್ ರಿಲೀಸ್ ಆಗುತ್ತಿದೆ. ವರಮಹಾಲಕ್ಷ್ಮಿ ಹಬ್ಬದ ವಿಶೇಷವಾಗಿ ಆಗಸ್ಟ್ 20 ರಂದು ರಾಜ್ಯಾದ್ಯಂತ ನಿನ್ನ ಸನಿಹಕೆ ಸಿನಿಮಾ ಬಿಡುಗಡೆಗೆ ಸಿದ್ಧವಾಗಿದೆ. ವೈಟ್ ಅಂಡ್ ಗ್ರೇ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ಅಕ್ಷಯ್ ರಾಜಶೇಖರ್, ರಂಗನಾಥ್ ಕುಡ್ಲಿ ನಿರ್ಮಿಸಿದ್ದಾರೆ. ರಘು ದೀಕ್ಷಿತ್ ಸಂಗೀತ ಒದಗಿಸಿದ್ದಾರೆ.