ಉಪೇಂದ್ರ ಅಭಿನಯದ ’ಬ್ರಹ್ಮ’ಧ್ವನಿಸುರುಳಿ ವಿಮರ್ಶೆ

ಮೊದಲು ಚಿತ್ರದ ಇತರ ಮಾಹಿತಿ ನೋಡೋಣ

ಬ್ಯಾನರ್: ಮೈಲಾರಿ ಎಂಟರ್ಪ್ರೈಸಸ್
ನಿರ್ಮಾಪಕರು: ಪಿ ಬಿ ಮಂಜುನಾಥ್, ಬಾಬು
ನಿರ್ದೇಶನ: ಆರ್ ಚಂದ್ರು
ಸಂಗೀತ: ಗುರುಕಿರಣ್
ತಾರಾಗಣದಲ್ಲಿ : ಉಪೇಂದ್ರ, ಪ್ರಣೀತಾ, ರಂಗಾಯಣ ರಘು, ಸೋನು ಸೂದ್, ಸಾಧು ಕೋಕಿಲ, ನಾಸರ್, ಸಯ್ಯಾಜಿ ಶಿಂಧೆ, ರಾಹುಲ್ ದೇವ್, ಗಿರೀಶ್ ಕಾರ್ನಾಡ್, ಸುಮಿತ್ರ, ಬುಲೆಟ್ ಪ್ರಕಾಶ್, ಸುಚೇಂದ್ರ ಪ್ರಸಾದ್
ಸಿನಿಮಟೋಗ್ರಾಫಿ: ಶೇಖರ್ ಚಂದ್ರ
ಎಡಿಟರ್: ಕೆ ಎಂ ಪ್ರಕಾಶ್

ಆಲ್ಬಮಿನ ಮೊದಲ ಹಾಡು

ಹಾಡು: ಪೆಸಲ್ಲಾಗಿ ಆರ್ಡರ ಕೊಟ್ಟೆ
ಸಾಹಿತ್ಯ: ಗುರುಕಿರಣ್
ಹಾಡಿರುವವರು : ಗುರುಕಿರಣ್

ಫಾಸ್ಟ್ ಪಿಚ್ ನಲ್ಲಿ ಸಾಗುವ ಟಪಂಗೋಚಿ ಹಾಡು. ನಾಯಕನ್ನು ಉತ್ಪ್ರೇಕ್ಷಿಸುವ ಹಾಡು ಇದಾಗಿದ್ದು ಹಾಡಿನ ಸಾಹಿತ್ಯ ವಿಭಿನ್ನವಾಗಿದೆ. 'ಬಾಲಿವುಡ್ ಹಿರೋಯಿನ್ ಗಳು ಬ್ಯೂಟಿಯಲ್ಲಿ ಫಸ್ಟ್ ಅಂತೆ, ನಿನ್ನ ಮುಂದರೆ ನಿಂತರವರು ಜ್ಯೂನಿಯರ್ ಆರ್ಟಿಸ್ಟ್' ಹೀಗೆ ಸಾಗುವ ಹಾಡಿನ ಸಾಹಿತ್ಯ ಮತ್ತು ಹಾಡು ಸೂಪರ್ ಹಿಟ್ ಆಗುವುದರಲ್ಲಿ ಡೌಟೇ ಬೇಡ.

ಆಲ್ಬಮಿನ ಎರಡನೇ ಹಾಡು ಸೂಪರ್

ಹಾಡು: ತುಂಟ ತುಂಟ ಹರ್ಟ್
ಸಾಹಿತ್ಯ: ಗುರುಕಿರಣ್
ಹಾಡಿರುವವರು : ಶ್ವೇತಾ

ಆಲ್ಬಮಿನ ಡಿಫರೆಂಟ್ ಪಿಚ್ ನಲ್ಲಿ ಸಾಗುವ ಹಾಡು. ಗುರುಕಿರಣ್ ಸಾಹಿತ್ಯ ಹಾಡಿಗೆ ಪೂರಕವಾಗಿದ್ದು, ಶ್ವೇತಾ ಸಾಹಿತ್ಯಕ್ಕೆ ಚೆನ್ನಾಗಿ ಧ್ವನಿಗೂಡಿಸಿದ್ದಾರೆ. ಹಾಡು ಮೆಲೋಡಿಯಸ್ ಆಗಿ ಮೂಡಿ ಬಂದಿದೆ.

ಮೂರನೇ ಹಾಡು ಟಿಪಿಕಲ್ ಉಪೇಂದ್ರ ಚಿತ್ರದ ಹಾಡಿನಂತೆ

ಹಾಡು: ಟಿಂಗ್ ಟಿಂಗ್ ಸಮ್ ತಿಂಗ್ ಹ್ಯಾಪನಿಂಗ್
ಸಾಹಿತ್ಯ: ಕವಿರಾಜ್
ಹಾಡಿರುವವರು: ನಕಶ್ ಅಜೀಜ್, ಚೈತ್ರಾ ಎಚ್ ಜಿ

ಆಲ್ಬಮಿನ ಡ್ಯೂಯಟ್ ಹಾಡು. ಹಾಡಿನ ಸಾಹಿತ್ಯ ಟಿಪಿಕಲ್ ಉಪೇಂದ್ರ ಚಿತ್ರದಲ್ಲಿರುವ ಸಾಹಿತ್ಯದಂತೇ ಇದೆ. ಹಾಡಿನ ಪಲ್ಲವಿಗೆ ಗುರುಕಿರಣ್ ಬಳಸಿದ ಟ್ಯೂನ್ ಈ ಹಿಂದೆ ಎಲ್ಲೋ ಗುನುಗಿದಂತಿದೆ. ಮೆಲೋಡಿಯಸ್ ಟ್ರ್ಯಾಕ್ ನಲ್ಲಿ ಸಾಗುವ ಆಲ್ಬಮಿನ ಮತ್ತೊಂದು ಹಾಡು.

ಬ್ರಹ್ಮ ಟೈಟಲ್ ಸಾಂಗ್

ಹಾಡು: ನಮ್ಮಪ್ಪ, ಎಲ್ಲರಪ್ಪ, ಬ್ರಹ್ಮ

ಸಾಹಿತ್ಯ: ಹೃದಯಶಿವ
ಹಾಡಿರುವವರು: ರಂಜಿತ್

ಚಿತ್ರದ ಟೈಟಲ್ ಸಾಂಗ್. ಇಂಗ್ಲಿಶ್ ಸಾಹಿತ್ಯದೊಂದಿಗೆ ಆರಂಭವಾಗುವ ಹಾಡು ಫಾಸ್ಟ್ ಬೀಟ್ ನಲ್ಲಿ ಸಾಗುತ್ತದೆ. ಹಾಡಿನ ಅನುಪಲ್ಲವಿಯಲ್ಲಿ ಗುರುಕಿರಣ್ ಬಳಸಿಕೊಂಡ ಸಂಗೀತ ಪರಿಕರ ವಿಭಿನ್ನವಾಗಿದೆ.